عنوان الموضوع : خواطر طفلين عمرهما ستة اشهر - لرعاية الطفل
مقدم من طرف منتديات المرأة العربية








[TABLETEXT="width:60%;background-color:black;border:4px double red;"][CELL="filter:;"]



الطفل الاول اسمه:فارس
الطفله الثانيه اسمها :فرح
وعمرهم ستة اشهر
فارس:انا مش عارف ماما مش فهماني ليه علشان مبعرفش اتكلم على الرغم اني بحاول افهمها بطريقتي

فرح:يا عبيط انت مش عارف ان انت البكري وطبيعي مامتك لسه مش فاهمة

فارس:ياسلام ياختي ما أنتي كمان البكرية فكره لما كان عندك اربع شهور وكنتي بتسنني مامتك شافتك بتريلي وكنت مأريفه وكنتي عمالة تزني وكانت اللثه بتاعتك لونها أبيض ومكنتيش قادرة ترضعي انا فاكر كويس وكان عندك اسهال يا ساتر كانت رحته وحشه اوي أوعي تزعلي مني ما أنا كنت ذيك وماما معرفتشي انا بعمل كدة ليه وكانت بتتعصب عليه وكل متشوف حد تقول انا تعبت مش عارفة اعمله ايه هى مفكره اني علشان مبكلمش مش هعرف افهم ****انا عايز حد يقول لها الطفل ذكي وفاهم كل حاجة خلاص خلاص بلاش نتكلم في الماضي و مامتك علطول فهمة انك بتسنني وكانت بتديلك مسكن شرب وجابتلك عضاضة علشان متعضيش صدرها

فرح:علطول ظالم مامتك يا أبني ماما لما كانت ماما حامل فيه جابت كتب كتير وقرأتها وكمان كانت بتسأل الامهات الي عندها خبرة وكانت بتدخل على منتدى الأمومة والطفولة بالبرونزية

فارس ايوه ده مربط الفرس لية ماما مش بتعمل كده

وسوف اكمل لكم ط®ظˆط§ط·ط± فارس وفرح

[/CELL][/TABLETEXT]







>>>>> ردود الأعضـــــــــــــــــــاء على الموضوع <<<<<
==================================

[TABLETEXT="width:60%;background-color:black;border:5px double gray;"][CELL="filter:;"]

فارس:شوفي ياستي هحكيلك ماما عملت فيه ايه كمان

فرح:احكي يا سيدي فيه ايه

فارس:النهارده أعدت أصرخ ومكنتش عارف انام خالص لدرجة ان لون وشي كان مدي على حمار جامد

فرح:خير يابني فيه أيه

فارس:ابدا يا ستي ماما لبستني البامبرز بعد لما شطفتني ومنشفتنيش كويس وده طبعا مشكله كبيره فعدم التنشيف بيعمل تسلخات جامده وخاصة في عمرنا ده لاننا بنتحرك كتير
وطبعا كنت كل ما اتحرك أتألم وماما مش أخده بالها

فرح:كلامك صح التسلخات بتبهدلنا انا فاكره لما كنت عيانه كان عندي تلوث في معدتي وفجاءة مع أول حمام ليه أتسلخت خالص

فارس:طب ومامتك عملتلك ايه

فرح:ماما جبتلي فازلين طبي من الصيدليه(جونسون بيبي) ومنعت الغسيل بالصابون خالص لانه بيزيد التسلخات فكانت بتشطفني بميه بس وكانت بتنشفني كويس جدا قبل ما تلبسني البامبرز
وكانت كل كام ساعة تفك البامبرز وتهوي جسمي شوية والحمد لله خفيت بسرعه

فارس:بقولك أيه الظاهر ان احنا ماشين من عندكم دلوقتي انا شايف ماما بتسلم على مامتك اشوفك بكره
[/CELL][/TABLETEXT]



__________________________________________________ __________
[TABLETEXT="width:60%;background-color:black;border:4px double red;"][CELL="filter:;"]

فارس:انت كنتي فين يا بنتي
فرح:كانت ماما بتأكلني

فارس: اعدي غيظي فيه أهي الست ماما لسه بدءه تأكلني اليومين دول أصلها سمعت ان الاكل بيعفن في بطن البيبي لو أكل بدري





فرح: يابني سيبك من الكلام دة أسأل مجرب ولا تسألش طبيب في مواضيع التربيه دي اسأل الامهات الي عندهم خبره

فارس: طب احكيلي مامتك عملتلك أيه

فرح:لما كملت عمري ثلاث شهور ماما بدأت تديني كام معلقة زبادي وفي الاول مكنتش بتأل عليه علشان ميجيش ليه مغص

فارس:أعوذ بالله بس الزبادي ده طعمه غريب

فرح: بالعكس بس انت مستغرب الاكل علشان انت كبرت وعرفت تميز الاكل اكتر من الاول متقلقش مع الوقت هتتعود ومامتك طيبه هتصبر عليك شويه دا أنت واد مأرف كل شويه تتف الاكل

فارس: خلينا في موضوعنا انت مامتك باكلك أيه

فرح: ذي ما فلتلك بدءت بالزبادي وكانت بتديني يانسون وكراوية علشان الغازات وعصير برتقال علشان الامساك

فارس ايوه البرتقال ***انا فاكر لما كان عندي يومين بس وكان عندي امساك ماما ادتني معلقة برتقال مع اربع معالق ميه معقمه والحمد لله جاب نتيجه جامدة جدا

فرح:طبعا يا أبني مفيش احسن من الحاجات الطبيعيه انت عارف مامتي بتستخدم معايا كا الحاجات الطبيعيه

فارس :كملي وكانت بتديكي ايه تاني

فرح: بعد الزبادي كانت بتأشر التفاح وتقطعه وتحط عليه موزة ونقطتين عصير برتقال وتفرمهم الله الاكله دي طعمها حلو اوي

فارس :بس أنا ماما لما ادتني موز وشي احمر وكنت بعيط وعايز اهرش ومش عارف والحمد لله ماما راحت لطنط نهوود الي عرفت اني عندي حساسيه من الموز وادتني دوا اسمه (فنستيل) وفي ساعتها بطلت عياط
فرح:أنا هقولك مامتك تعملك في موضوع الحساسيه ايه قي وقت تاني ودلوقتي خلينا في موضوعنا

فارس :وبتعملك ايه كمان

فرح:خلاص يا فارس انا تعبت وعايزة انام شويه انت عارف الواحد دماغه بيتأل بعد الاكل وانت عارف احنا لما نكون شبعنين ونضاف بنام كويس هشوفك لما اصحى
[/CELL][/TABLETEXT]




__________________________________________________ __________
[tabletext="width:50%;background-color:black;border:4px double red;"][cell="filter:;"]

فرح:يا فارس أنت فين
فارس:انا هنا يا فرح بلعب مع هايدي
فرح : ودي مين دي كمان اما اروح اشوف الواد ده بيلعب مع مين
فارس :تعالي يا فرح طنط الي ساكنه جمنا جت بتحكي مع مامتي ومامتك ودي هايدي عمرها شهرين
فرح :اهلا اهلا يا هايدي وانتي كنتي فين من زمان
هايدي :ابد اصل انا من يوم ما اتولدت بكح علطول وماما غلبت فيه دكاتره وعلاج دانا اخدت علاج لحساسية الصدر والكحه كتير اوي
فرح :طب وجيتي ليه النهارده
فارس: ايه يا فرح البنت جيه بتنا لاول مره عيب كده
هايدي :متألئيش يا حببتي احنا هنمشي علطول ماما جايه تأخد من مامتك وصفة لعلاج حساسية الصدر والكحة اهه اهه
فارس: مفيش مشكله يا هايدي انا هقولك الوصفه طنط نهوود ادتها لماما لما كنت بكح انا كمان
فرح :أرغي يا سيت الأمور
فارس :العلاج هو زيت السمسم
هايدي:زيت السمسم أنا اول مرة اسمع الكلام دة
فارس:يا بنتي انتي لسه صغيره
هتعرفي الحاجات دي منين
فرح:يا زغنووووونه
هايدي: طب اذاي أخده
فارس:ابدا مامتك تشتري زيت السمسم وهو ذي زيت الزيتون وحتى طعمه احلى وتديكي معلقه الصبح وبليل وقت التعب
ده حتى فرح كان عندها كحه ولسه مامتها مدياها معلقه
فرح: انت مالك ومال فرح خليك في موضوعك يا دنجوان
هايدي: طب وزيت السمسم ده اجيبه منين
فارس:ممكن تلاقيه عند العطار بس لازم يكون جديد ورحته حلوه أو السوبر ماركت الكبير ذي هايبر والافضل تجبيه من معصرة زيوت
هايدي :طب لو مش لقيته
فرح: بقولك ايه يا حببتي روحي كلمي مامتك بتنادي عليكي
هايدى: طيب طيب همشي متزعليش
باى باى يافروسي مش عايز حاجه
فارس:شكرا يا دودي مع السلامة
فرح:يلا يسي فروسي كل واحد يروح بيته علشان أنا محتاجه رضعة كراويه تهدي اعصابي
فارس:ماشي يا فرح هكلمك لما تهدي مع السلامه
[/cell][/tabletext]



__________________________________________________ __________
[TABLETEXT="width:60%;background-color:black;border:4px double red;"][CELL="filter:;"]

فرح:اذيك ياسي فروسي تعالى شوف عندنا مين ده أواب أبن طنط هبه و عنده 3سنين وده انس ابن طنط نهال وعمره 4 سنين

فارس :اهلا اهلا اذيكم يا رجاله

فرح:اصدأ يا فارس اواب وانس بيشتكو من مامتهم

فارس: أمهات أخر زمن معدش عندهم صبر وعلطول طلتيش وضرب لما الواحد أرف من الي بيسمعه

أنس:أنت جيت على الجرح ده أنا لسه مرئوع علقه قبل ماجي هنا علشان كنت عايز ألبس لبس تاني غير ده وطبعا ماما مبتخدش رأيي في أي حاجه

أواب :سبحان الله أنا مش قادر أفهم هما ليه مش قادرين يستوعبوا ان احنا بنفهم كل حاجه والله لو ماما أتكلمت معايا بهدوء وفهمتني هى عايزه ايه وليه هسمع كلامها لان أنا بعاند معاها لما مبتتفاهمش

فرح:انا هقولكم ايه المشكله أمهاتكم مابتحولش تتصاحب عليكم معتبراكم أطفال صغيرين مبيفهموش حاجه وتعتبر أكلكم وشربكم هى دي كل الي انتو عايزنه

فارس:صح يا فرح حتى انا ملاحظ ان امهاتهم مبتحولشي تديهم تعزيزات

أنس:ايه يا عم الكلام الجامد ده انا مش فاهم حاجه

فرح:فارس اصده انك لو عملت حاجه كويسه مامتك لازم تكافئك وتديك حاجه بتحبها وده اسمه (تعزيز ايجابي) ولوعملت حاجه وحشه تأحد منك حاجه انت بتحبها او تحرمك من حاجه انت عايزها وده اسمه(تعزيز سلبي)

أواب :ايوه يعني التعزيزات مبتألش للامهات عاقبوا عيالكم بالضرب طيب ليه أنا ماما علطول طلتيش

فرح:المشكله ان محدش قالها تعمل معاك ايه وبصراحه يا أواب انت شقي أوي
وعلى الرغم من كده هى تقدر تتفاهم معاك بطرق كتير

أنس :الله يخليكي قوللنا ايه الطرق الي ممكن امهاتنا تقدر تتفاهم معانا بيها

فرح:المفروض يا أنس كانت مامتك سألتك عايز تلبس ايه او على الاقل تقولك هى ليه مش عايزه تلبسك اللبس الي أنت أخترته فكنت تقتنع بهدوء


أنس:هو ده الي بيخليني
مبسمعشي كلامها وبتعفرت عليها وبعمل حاجات تضايقها و البادي أظلم



أواب:والله يا اخي احنا مظلومين مع العالم دي دا حتى بابا لما يجي من الشغل ماما تعقد تشتكيله مني وتصرخ وتقعد لوك لوك مع بابا وكأني مش موجود علشان كده انا بلفت نظرهم ليه بشوية حركات حكايه

انا عايز اعلمهم لك يا أنس


أنس: تعلم مين ده أنا متطلع عنيهم بس انا اكتر حاجه تغظني في ماما لما تشتكي مني لكل حد تشوفه


فارس :اصلهم ميعرفوش ان شكوتهم من عيالهم للناس بيزيد المشكله لان الله سبحانه وتعالى بيزيد الابتلاء


فرح:خلاص خلاص ياجماعه امهاتنا جايه علينا بلاش يفهموا احنا بنتكلم في ايه وشكلنا كده أننا مروحين




[/CELL][/TABLETEXT]




__________________________________________________ __________
[TABLETEXT="width:60%;background-color:black;border:4px double red;"][CELL="filter:;"]

فرح:أذيك يا فارس مين عندنا النهارده

فارس:عندنا يا ستي النهارده زياد ابن طنط
ناني وعنده اربع سنين وأسيل بنت طنط امل وعمرها اربع سنين ونصف
باركلهم يا فرح هيروحوا الروضه السنه ديه


فرح:مبــــــــــــــــــــــــــــــروك
اسيل:أنا خايفه خالص ماما كل شويه تقولي بكره تروحي الحضانه وتتأدبي

زياد:ده انا مرعوب امبارح ماما حاولت معايا علشان امسك القلم ومعرفتش وراحت تصرخ فيه وتضربني وتقولي هتبقى خايب اكتب لحسن الابله هتموتك


اسيل:هى الابله شكلها ايه ؟ قصدي هى انسانه ذينا ولا حاجه بتخوف

زياد:اعتقد انها عفريت وماسك عصايه


فارس:والله كلامكم يضحك عفريت ايه يابنتي انتي وهو
ده الابله ذينا انسانه وطيبه ووظفتها تعلم المواهب الي بتجلها ذيكم


فرح :والله مش عارفه اقولكم ايه لو كل ام هيئت ابنها او بنتها نفسيا وعضليا قبل ما يدخل المدرسه مكنتش هتقابلهم مشاكل في المدرسه نهائي


اسيل: قصدك ايه يا فرح

فارس: قصدها ان الام تحبب الطفل في المدرسه وتبدأ معاه نفسيا الاول قبل ما تبدأ معاه الكتابه يعني موضوع الكتابه بيكون اخر مرحله والموضوع ده كله مبيختش أكتر من شهر

زياد :يعني انا ماما جيبه معايا من الاخر عايزه تطلعني دكتور من أول يوم

فرح:متخفش يا زياد أكيد طنط نهوود هتفهمها وهتقولها

أسيل :يعني المفروض ماما تعمل ايه؟

فرح :شوفي يا ستي اولا تاخدك الروضه وتعرفك عليها
وتخليكي تلعبي في الالعاب شويه وتعرفك فصلك لو امكن
تحاول تجبلك لعب وتقولك ان الابله جيباها ليكي ومستنيه تشفوفك بفارغ الصبر
ذي لما مامتك كانت بتجيب لعب وتقولك ان النونه جبتها ليكي ولما جابت النونه كنت فرحانه اوي

زياد ":انا فاكر اسيل كانت بتقولي كل شويه انا نفسي اشوف النونه فاكره

اسيل:قصدك تخلني متشوقه للمدرسه

فارس :برافو عليكي هو ده المقصود


فرح:وطبعا في وسائل ترغيب كتيره

زياد :وطيب ديه التهيئه النفسيه وطيب والتهيئه العضليه

فارس: بقولكم ايه الوقت جري بينا خلينا نكمل موضوع التهيئه العضليه مره تانيه وسبونا لو سمحتم نرضع شويه

فرح :يلا يا فارس مامتك بتنادي عليك علشان ترضع وما انت مبتكلش حاجه
الله يعينك

فارس :جيتي على الجرح

يلا ياجماعة مع السلامة







فارس:يلا يا اواب نادي فرح واسيل وتعالى نكمل كلامنا


اسيل:عرفنا المره الي فاتت التهيئه النفسيه طيب ايه هى التهيئه العضليه


فرح:شوفي يا ستي طفل الاربع سنين صوابعه ضعيفه ولازم نقويها بالصلصال والتلوين والقص واللصق
وندرب الطفل على وضع خط بين نقطتين علشان الطفل يتعود على التركيز
والتوصيل بين المتشابه لزيادة الثقه بالنفس ومتقلئيش على دخول المدارس طنط نهوود هتعمل شرح لامهاتنا علشان تساعدهم يعلمونا اذاي

اواب :مامتك بتنادي عليك يا فارس

فارس: صحيح الوقت أخدنا يلا يافرح علشان نروح نشوف طنط ساره جابت نونه جديده تعالى نشوف النونه بتشتكي من مامتها ليه؟
[/CELL][/TABLETEXT]





المشاركة الأصلية كتبت بواسطة ملكة الرومنسية
هههههههههههههههههههههه

ما شاء الله ما اروعك و ما اروع موضوعك

معلومات قيمة .... بمنتهى البساطة

تبدو و كأنها حكاية تخاطبين بها جميع المستوايات

رااااائعة كرووووووعتك فجووووور

لا حرمنا ابداعك يا قمرى

و اتشرفنا بفرح ... فارس ... و حواراتهم


و لا تحرمينا من جديدك دائماً







و احلى تقييم للموضوع يا قمر

تسلمين غاليتي على المرووووووور والرد الرائع كروعتك

والف شكر عالتقييم