عنوان الموضوع : ركب واكواع باربي للأبد!! تعالو فيدونا واستفيدو - مجربة
مقدم من طرف منتديات المرأة العربية

السلام عليكم ورحمة الله وبركاته











بنات بهالموضوع بحط معلومات عن تبييض وتفتيح الركب والاكواع و معلومات عن اسباب هالسواد او اللون البني اللي في اركب والاكواع



بتقولولي ليش ط¨ط§ط±ط¨ظٹ ؟ لان المعلومات تفيد كل البنات سواء السمره او البيضه او الحنطاويه لانها ترد لون البشره الطبيعي الفاتح ولانها تستمر مده طويله

وجمعت هالمعلومات من اكثر من موقع اجنبي و مختصين في الشي .. يعني مو من منتدى ..
لان حتى لو من منتدى انا ماصدق دايما خاصه النتايج اللي تصير بوقت قصير يعني جم يوم و بعدها لو قطعنا نرد لنفس الحاله

يعني مثلا سودو كريم .. شوفو اهوو يفتح.. وبوقت خيالي .. ومافيه مضار ..
بس فيه عيب .. النتايج ماتستمر ! يعني هالكريم يفيد البنات اللي يوميا يستعملونه و سئلوني !
ولو قطعتي عنه بيرد كل شي مثل ما كاااااااااان ...

وثاني شي .. اللي استغرب منه في المنتدى ان دايما يتكلمون عن الكريمات والخلطات ..
انزين ترى مو بس الكريمات والخلطات تييب نتيجه ! فيه اشياء ثانيه ممكن انها تييب نتيجه احسن واسرع من هالكريمات
المعلومات اللي بموضوعي نتايجها مو سريعه .. بس تضل مده طويييييييييييييييييييله !!


مابي اطول عليكم


اول شي :

السنفره وازاله الخلايا الميته ( مرتين في الاسبوع )

السبب : الركب والاكواع الجلد فيها غليظ و دايما تتراكم الخلايا الميته عليه اسرع من اي منطقه ثانيه
و من جذي يتكون السواد يوم بعد يوم ..
سؤال متداول : ليش السنفره ماتعطي نتيجه واضحه مع اني سنفرت الركب والاكواع عدل يعني مافيه خلايا ميته ولا اوساخ؟؟
الجواب : لان السواد هذا من خلايا ميته قديمه متراكمه لم يتم ازالتها بالسنفره .. ( يعني سنفره مره بالاسبوع ماتكفي فمابالكم اللي مره كل اسبوعين او كل شهر؟؟
فالسواد يضل تحت الجلد و مايرووح اللا مع الاستمرار بالسنفرة

احسن شي من انواع السنفره اهو اللي بالسكر .. خاصه السكر البني ( سكر + زيت زيتون )
للي تبي تضيف ليمون كيفها بس ماله دخل بازاله الخلايا الميته

و يفضل استخدام الحجر الاسفنجي و الليفه العاديه لازاله الخلايا الميته



ثاني شي : دلعيهم
يعني لا تتسندين على كووعج و لا تخلين ركبج تحتك بالارض لان هالعادات تسبب السواد في المنطقه

يعني مثل هالصور


هذا اهو الحل

هذي للرياضه فيها حشوه حمايه مثل الاسفنج
للاستخدام المؤقت يعني اذا مضطرين تسندون الركب او الكوع


ثالث شي : الترطيب

مثل ماحنا عارفين ان الترطيب مهم عشان نفتح مناطق الجسم و خاصه الركب والاكواع
يفضل في هالحاله : زيت جوز الهند لانه غني بمضادات الاكسده
وتقدروون تستخدمون اي مرطب بس المهم يكون مرطب غني
و الاهم انكم تربطون المنطقه بدلاغ او اي شي شبيه لان البشره يبيلها فتره علما تمتص الكريم
ولمنطقه الاكواع ربطي بدلاغ طويل ( بنات لا تستهينون في الدلاغات )
طبعا يفضل قبل النوم والصبح تشيلون الدلاغ

و زبده الككاو للجسم صنفت كأحسن نوع لترطيب الركب والاكواع



رابع شي : الليمون
الليمووون مفتح طبيعي للبشره .. حطوه يوميا اذا تبون نتايج سريعه
ويفضل انكم تخلطونه مع زيت جوز الهند
واللي عندها حساسيه لاتستخدمه .. واللي حاسه ان لون ركبها مايل للوردي او فيه حساسيه مؤقته خل تنطر يومين على الاقل

خامس شي : الحمايه ضد الشمس
طبعا هذي معروفه و مايبيلها كلام




والحين اللي عندها خبره في هالموضوع خل تحطه وعسى يكون في ميزان حسناتها
واللي عندها طريقه حلوه للخلايا الميته مثلا سنفره او خلطه او صابون خل تحطه لنا




>>>>> ردود الأعضـــــــــــــــــــاء على الموضوع <<<<<
==================================

مشششششششششكورة قلبي


__________________________________________________ __________
تسلمين يالغلا


__________________________________________________ __________
مشكووووووووره أختي ريناد
لاتحرمينا من مواضيعك الراااااااااااااااائعه


__________________________________________________ __________
شااااااااااااكره
تواجدك بين صفحاتي


__________________________________________________ __________
يسلمووووووووووو على المعلومة الحلوووووووة


يسلموووووووو