كان يا ماكان في قدييييم الزمان وسالف العصر والأوان
كان فيه بنت حللللووووووة( اللي هي أنا)
البنت هذي صار لها قصة أليييييمه 
كانت قبل شهر وشوي بالشرقيه وقرروا اهلها انهم يروحون البحرين
طبعا ماقد خرجت من السعودية أبد وانبسطت انها بتسافر
وماخلت أحد ماقالت له انها متجهه للبحرين
في البي بي
وفي الواتس أب
وفي المسن
ومابقيت مكان
حشى أنا لو أروح ابتعث برا بجيب العيد صدق
...
المهم يوم وصلت لجسر الملك فهد ويمسكوني الجوازات حقتنا
لأني دخلت ببطاقة الاحوال حقتي وكانت باقي ماتفعلت
قعدوا ابوي وعمي يتميلحون مع العسكري ويقولون له خلاص إذا رجعنا السعودية نعدل بطاقتها والحين تكفى عديها لنا 
وحلف العسكري حق الجوازات اني ما أخرج من السعودية
طبعا قالها صريحة ((والله يا ... ماتخرج معاكم))
<<قال اسمي جليل الحيا
ووقفونا ع جنب وراحوا الرجال يتفاهمون مع العميد وكذا ومرمطونا وأخرونا وطلب جوازي
وكويس اني جايبته معاي وانحل الموضوع وغادرت السعودية
جينا للبلشة الثانية يوم وصلت لجوازات البحرين قام يسأل العسكري ((وين جواز ...)) <<وقال اسمي جليل الحيا الثاني
اشوف كل من هب ودب يناديني <<برفع دعوة 
<<انثبري بس
وخلصنا ودخلت البحرين وكللللللللللللللوش
يوم خلصنا هجولة وجينا راجعين السعوديه ختموا لي ع جوازي أول ختم دخول ههههههههههههه وانا اصلا ماختمت خروج اول مرة
ياخي حسيت أني فعلا قروشة ومسويه زحمة والشارع فاضي
صراحة ماأنسى شكل العائلة الكريمة وهم متوترين ويقرون الأذكار والادعيه
وأنا داقتها ضحححك وأقول والله لأطب والا لترجعون الخبر معاي<<نذلة
هذي اخر قصص حياتي وسلامتكم
واللي تبي تسافر ياليت لاتكشخ ببطاقة الاحوال
وشفيه جواز السفر يهبل ههههههه 
رد مع اقتباس
