عنوان الموضوع : روايّتيّ الثانيه : اقربهم للوريد
مقدم من طرف منتديات المرأة العربية

روايّتيّ ط§ظ„ط«ط§ظ†ظٹظ‡ : ط§ظ‚ط±ط¨ظ‡ظ… للوريد

بعد روايتي الأولئ ( ماتمنيت الآ وجودك ) اللي مليئه بالأخطاء برغم جمالها لكن لازم تصير اخطاء دائماً للمبتدئين وبما انيّ مبتدئه بكتابة الروايات صارت اخطآء بالأحداث ومافيه تنسيق لذلك كتبت هالروايه لجل اعوّض عن الروايه الأولى و أنّو انتو بجد ساعدتوني حبيت اكافئكم بهالروايه واللي بصراحه بعض منها يحكي احداث صارت لي انا شخصيًّا*
اتمنئ تنال عَ اعجابكم وانها تلاقي استحسان واعجاب كبير ,, شكراً*

التعريف بالشّخصيات :*
عائلة ابو سالم :*
علي ( الأب ) : عمره 55 ، قلبه حنوون حيييل وعنييد ومايكسر عناده غير زوجته اللي يحبها حيل ، صاحب شركه بسيطه ومتواضعه برغم انه غنيّ لكنّه متواضع لأبعد حد .*
مروى ( الأم ) : عمرها 51 ، طيّبه كثيير وحنونه ومتفهّمه جداً ماتعرف العصبيه ودروبها ، ربة بيت .*
سالم : عمره 26 ،مهايطي جداً لكنّه حنون وطيّوب وكتوم ، يشتغل بشركة ابوه .
رغد : عمرها 23 ، هاديه ومؤدبه ومحترمه وذوق وجداً نعوومه ، طبيبة اطفال في مستشفى زوج عمّتها .
ريما : عمرها 20 ، خبله جدّاً عكس اختها وابداً ماتعترف برغد انها اختها صحّ تحبّها كثير وماترفض لها طلب لكنّها بما انها عكس اختها فَما تعترف فيها، ثانيه كلّيه ( لغه عربيّه ).*
ريّان : الأمور الدميل عمره 11سنوات ، جميل جداً، سادس ابتدآئي .

عائلة ابو عبدالرحمن :*
فؤاد ( الأب ) : عمره 52 ، طيّوب جداً واحياناً عاقل واحياناً ينجنّ مع ولده ويشاركه الخبال ، صاحب مستشفى خصوصي .
غزل ( الأم ) : عمرها 50 ، طيووبه وحنونه جداً ومهايطيه احياناً ، ربة بيت .*
عبدالرحمن : عمره 24 ، مهايطي درجه اولى صاحب المقالب والهياط والطقطقه ، ابداً مايعرف الحب ودروبه ، يدرس طب .*
نجود : عمرها 22 ، كثيير حسّاسه برغم انها تشارك اخوها مقالبه وتخطيطاته الشيطانيه ، تدرس رابع كلّيه ( لغه عربيّه ).

عائلة ابو محمّد :*
فيصل ( الأب ) : عمره 52، مشترك مع اخوه علي ( ابو سالم ) بشركته .
نجلاء ( الأم ) : عمرها 49، حبوبه كثير ، ربة بيت .*
محمّد : عمره 24 ، خبل كثير من قروب سالم وعبدالرحمن ، يشتغل بمستشفى ابو عبدالرحمن .
احمد : عمره 23 *، طيّب لكنّه مجنون احياناً ، يدرس اخر سنه بالكليه ( احياء ) .*
ربى ومدى : التوأم المهايطي جداً اعمارهم 21 ، ما يتشابهون ابد ابد ، من قروب نجود وريما ورغد ، ثالث كلّيه ربى ( لغه عربيه ) مدى ( دراسات اسلاميّه )*.

عائلة ابو فهد :*
عبدالرحمن ( الأب ) : عمره 50 ، عصبيّ كثير بس حنون وطيوب بالذّات مع بنات اخوان زوجته ، دكتور بمستشفى ابو عبدالرحمن .*
فدوى ( الأم ) : عمرها 48 ، طيووبه كثير وهي وغزل علاقتهم مو بس اخوات ل̲ﭑ اكثر من خوات بكثير ، ربة بيت .
فهد : عمره 24 ، له شخصيّه وهيبه كبيره ومعروف بإنه المحترم والفطين والي هيبته تكسّر الدنيّا برغم صغر سنّه ، له شركه كبييره ومعروفه وبما انه ولد عبدالرحمن الوحيد فأكيد بيدلعه دلع .*
ندى : اكبر مهايطيه بالعائله ، عمرها 22 ، تدرس رابع كليه مع نجود ( لغه عربيه ) ، متعلّقه بجدها ابو امّها حيل وماتشوف مثله وهو بعد يحبها حيل ومايرفض لها طلب هي بالذّات ، محترمه مع كبار السن كثير .

اجداد فهد من طرف الأم :
يوسف (الجد: ابو علي وغزل وفيصل وفدوى )
فاطمه ( الجده : زوجة يوسف )*

اجداد فهد من طرف الأب :*
ضاري ( الجد : ابو لعبدالرحمن ( اللي هو ابو فهد) وابو لأحمد )
عبير ( الجده )

احمد : عمره 24 ، متعلّق ببنت اخوه ندى حييل يحبها ومدلّعها اخر دلع ، يشتغل بشركة فهد ، طيوب وحنون ولكن عليه شوية حركات منذله .


البارت الأول :*

في بيت ابو فهد*
..: نديييش يامال اللي مانيب قايل يلّا تأخرنا
نزلت : طيب خلّصت ل̲ﭑ تصارخ وجعه
نظر فيها نظره سكتتها : بتمشين قدامي والّا بهالعلبه افتح راسك ؟!
ندى : طيب طيب افف يَا فهوودي
فهد عصّب : جبّ كم مره اقولك ل̲ﭑ تقولين لي فهودي ؟!!*
دخل ابو فهد : خير خير وش صاير ؟ فوق ما انتو متأخرين مناقر بعد ؟!
فهد : يبه يرحم لي والديك خلّها تبطّل فهودي ذي*
ابو فهد وهو طالع : يلا تأخرنا يافهودي*
ندى : هههههههههههههههههههههههههههه احح ألييم يبه
فهد حمّر : امششي*
وطلعو*

في بيت ابو محمد*
دخلت تجري لغرفة مدى : يلا يلا ابوي معصصب*
ربى : والله يحقّ له تأخرنا يلا*
ونزلو تحت*
محمد : بدري كان جلستن تكملن مؤتمركن*
ربى : جــ...*
ابو محمد بعصبيه : يلاااااا*
نزل احمد يجري : يلااا يلاا*
ام محمد : يلا اشوف قدامي*
وطلعو*

في بيت ابو عبدالرحمن*
دخلت نجود لغرفته وراحت للمرايه ودفّته : بععد*
عبدالرحمن : خيير خيرر علامها اسرائيل معصّبه ؟!
نجود : دحيّم ماني ناقصتك موكفايه كاسر لي مرايتي*
عبدالرحمن : يحووول للحين متذكره ؟!!
نجود : ولا راح انسى*
عبدالرحمن : طيب قلت لك بسويّها قلتي ل̲ﭑ
نجود وهي تسوي نقابها : شكراً مابي منك شي يلا اشوف قدامي يلا*
ونزلو*

في بيت ابو سالم*
ام سالم : ها يمّه ما ناقص شي ؟
سالم : ايه يمه متأكد مابوه شي ناقص*
دخلت رغد : راحت ريما تتأكد انه ماناقصنا شي هي وابوي وريان*
ام سالم : اجل يلا تأخرنا المفروض نكون اول الواصلين للمزرعه*
رغد : يافشلتي اخاف عمّاني يوصلون قبلنا وحنا اللي مسوين هالعشا*
دخلت ريما : كنّك عجوز بـ: يافشلتي ذي*
رغد : جب
سالم : ها ريموش عن الغلط عَ رغيد كلّش ولا رغيد*
ريما : هههههههههههههههههههههههههههه
رغد : وعععع علييك رغيد ما اححبه*
سالم : جب والّا مابوه روحه*
ابوسالم : يلا اشوف خلّ نروح*
وطلعو*

بالمزرعه*
ابوعلي : ها بشرّي ضاري واهله جايين ؟
ام علي : ايه تويّ كلّمت عبير وتقول جايين مع احمد وقرّبو يوصلون*
ابوعلي : زين اجل عشان يستانس احمدوه مع العيال*
ام علي : ايه يَا بعد قلبي يا هالولد محزّني بس مع فهد ونديشه هالخبله*
شافو سياره دخلت مع البوابه الكبيره واول مادخلت السياره انفكّ الباب اللي ورا ونزلت بنت تجري وحبت روسهم*
ام علي : يَ بنت انتي خبله والا وش ؟
ريما : وشّ ؟
ام علي : هيّا هالحين لو صاير لك شي نازله والسياره ماوقفت خبله انتي والا وشّ ؟!*
ريما دقت علئ صدرها : ل̲ﭑ ل̲ﭑ انا زقرتيّه انا بنت علّاوي*
ابوعلي : فديتها بنت علّاوي بس لو تعقل شوي*
سالم : انشهد فديتها والله بس جنانها موب زين ابد ابد*
ام علي : عاد كأنك عاقل انت هي اعقل منك*
ريما : واااك طااحت جبهة سوييلم*
سالم : جب*
وسلّمو الكل عَ ابوعلي وام علي ودخلو يدخلون الأغراض*
بعد ماخلصو طلعت ريما تتمشى وجلست عند المسبح اللي بالجهه الثانيه من المزرعه ولابسه برمودا جينز وتيشيرت وردي ولّامه شعرها كوكيّه*
دخلت سيارة ابوفهد*
ودخلو ابوفهد وام فهد يسلّمون*
فهد ناظر بجواله : نديش ادخلي وانا بكلّم وألحقك*
ندى غمزت له : مين ؟!!
فهد : يَ ربييه والله العظيم الشركه حتئ شوفي ( ومد لها الجوال )
ندى : طيب ظفّ*
وراح يكلّم ودخلت ندى تسلّم*
سالم : ندييشه لك وحشه وقسم كيفك ؟!
ندى اللي بنقابها : تمام الحمدلله انت كيفك ؟!
سالم غمز لها : اموت يَا الرسميه*
ندى بهمس : جب والله لو يدري فهيد انيّ من قروبك ل̲ﭑ يذبحني اساساً بنفصل خلاص انا عندي قروبي يكفّوني
سالم : يعني بتشنين حرب علينا انا وقروبي ؟
ندى : يب يب الّا خالتو ميرو وين ريما ؟
ام سالم : تلاقينها برا تتمشى يمكن عند المسبح*
ندى طلعت وشافت اختها وصديقتها جالسه وتطقطق بجوالها اخذت حجره ورمتها عليها بس بخفّه*
ريما لفّت وصرخت : ندووووووووشش
ندى ابتسمت لها من قلب وراحت لها تجري وحظنتها*
بصوب ثاني كان مندمج يكلّم ولفت إنتباهه صراخ وراح لمصدر الصوت وشاف ندى حاظنه وحده وصد على طول وهو يضحك عَلى خبال اخته*
ريما : ياللي مانيب قايله وحشتيني لي شهر عنك*
ندى : يَ الكذآبه قبل اسبوع شايفتني*
ريما : شفتي كيف الأسبوع بغيابك يصير شهر*
ندى : جب جب بلا تفقيش ها من جا ؟
ريما : محد الّا احنـ.....*
قاطعهم صوت نجود : يَ مال الصداع وحشتوووني*
ندئ : نجووودتي وحشتيني وربّك*
وسلمت عليهم*
رغد : هلا والله هلا ارححبووو*
ندى بهمس بإذن ريما : بنخرب اختك ترا وضعها كذّا موب عاجبني مرره مؤدبه هالبنت*
رغد رافعه حاجبها : وش عندك ؟
ندى ابتسمت : ابد بس اقولها انك وحشتيني وكذا
رغد : ايه طيب*
جو ربى ومدى : هاااي*
الكل : هلا والله*
وجلسو يهرجون*

عند الشباب*
عبدالرحمن : وينه ذا المخيس ؟!
احمد ضاري ( عم فهد ) : من هو ؟!
عبدالرحمن : فهيد*
احمد فيصل : شفته يكلّم قبل شوي*
محمد : ياحرام يا إنه ينكرف كرف موب صاحي
سالم : انشهد*
دخل فهد : هلاا والله*
وسلم عليهم*
عبدالرحمن : وينك ياخي ؟!
فهد : اسكت ياشيخ يمين مكروف حتئ وانا هنا ماني قادر اخذ راحتي*
احمد فيصل : خير مو كانت اشغالك منتظمه ؟!
فهد يأشّر على احمد ضاري: ذا المخيس ما داوم له ثلاث ايام وكارفني كرف*
احمد ضاري : ههههههههههههههههههههههههههههههه يَ حبي لك ياشيخ بس والله كنت مضطرّ*
دخل ابوفهد : وش عندك غير الفرفره بالأسواق انت وبنت اخوك ذي*
عبدالرحمن وقف له : هلّا والله بسميي*
ابوعبدالرحمن : عيب ياولد احترم عمّك
ابوفهد : خلّه خلّه ذا ماعنده ماعند جدي*
محمد : اححح*
احمد ضاري : طاااحت الجبهه
ابوفهد : انت جب خلّك ببنت اخوك اللي كل مالك تدلّعها وتخربها بدلعك ذا*
احمد ضاري : من لي غيرها فديتها والله*
سالم : ياهو ترا حتى حنّا بناخذ نصيبنا هاذي بنت خالتنا بعد*
احمد ضاري : عندكم دسته دلّعو فيهم لبكره بس انا مالي الّا وحده يَ حبي لها*
فهد : هيه هيه عميم ما كأني ولد اخوك والّا انا ولد البطّه السودا*
احمد فيصل باس فهد : ياحبي لك ياشيخ عميمك خلّه مع بنت اخوه اما انت والله لدلّع فيك من اليوم لبكره فديتك يَ شيخ*
دخلو ابو محمد وابو سالم وابو علي وضاري (ابو عبدالرحمن)
فهد وهو يمسح خدّه : اسمع دلّع فيني مثل ماتبي بس بدون بوس وععععع قررف قرف ياخي
الكل : هههههههههههههههههههههههههههههه
عند البنات داخل الفيلا*
قامت : بروح اسوي بوشار من تبي ؟!*
رغد : مي*
ندى : قومي معي*
رغد : اففف طيب*
ريما : سوي لنا كلنا*
وراحو ندى ورغد للمطبخ*
ندى : رغيد روحي لغرفة الثلاجات وخذي توفي وذوّبيه*
رغد : طيب*
وراحت*
ندى انطربت بهاللحظه بأغنيه تحبّها حيل :
مجبور اناا اعييش*
من بعد فرقااك*
واشكي جروحي بيين*
نفسي وذاتي*
صدقني رااح اقوى
عَ البعد وانسااك*
وبلقى امل غيرك يجدد حياتي*
( لابسه سكيني رمادي وتيشيرت نيلي )*
بالصوب الثاني للباب الخارجي للمطبخ
يقول بنفسه " احححيه عَ الجرح من ذي اللي صوتها ألم في ألم "
وتنحنح : اححم احمم
ندى طلعت عيونها : يَ حررري لايكون سمعني*
ولبست عباية الخدامه وتلثمت بالطرحه بسرعه*
وراحت صوب الباب ومن وراه : من ؟!!
عبدالرحمن : انا عبدالرحمن*
ندى : آمر دحيّم بغيت شي ؟!
عبدالرحمن وهو مو عارف من ذي البنت بس صوتها يعرفه : ايه معليش تدخلين داخل بغيت اخذ كم غرض من المطبخ*
جات رغد : نديييش يلا ذوّبته*
عبدالرحمن طلعت عيونه وبنفسه " امااااااااااااا "
رغد تأشّر لندى : مين ؟
ندى : دحيم اطلعي*
وطلعت*
ندى اخذت البوشار وراحت صوب باب المطبخ اللي عَ درج الصاله : تفضّل*
وطلعت بسرعه*
دخل وهو متنّح "مو معقوله الخبله ذيك يكون هذا صوتها ياويلي أليييم ماشاءالله "
ندى نزلت العبايه وادتها الخدامه : يَ حرّي حرّااه يمين اخاف يكون سمعني
نجود : واذا ؟!!
ندى : احراااااااااجج عاد دحيّم عاد*
ربّى : وخير ياطير دحيّم ؟!!
مدى : ندييش واذا دحيّم ؟*
ريماا : ااااااااااءءءءء عرفت*
ندى : حراام عليكم والله انه عادي دحيّم لكن احراج انا ما احب احد يسمع صوتي وانا اغني وبعدين مين انتم تنبلع لكن رجاال احرااج
نجود : واللّه عاادي دحيّم سمع رغد وهي تغنّي*
رغد : هههههههههههههههههههههههههههههه يب اذكر عاد انتي صوتك حلو اما اناا نشااااااز*
الكل : ههههههههههههههههههههههههههههههه

عند الشباب
محمد : هييه عبدالرحمن سيب الجوال خلاص ارحم عيوونك*
عبدالرحمن : جب*
وطلع يكلّم*
عند البنات دق جوالها*
ردت : الطيّب عند ذكره
عبدالرحمن : خير ؟!!
نجود تنظر بندى : كل خير بس في وحده منحرجه عشان واحد سمع صوتها وهي تغني*
ماحست الا علبة منديل بوجهها : احححححح وجهي يَ دب ابيه*
عبدالرحمن : ههههههههههههههههه ياحرام واضح منحرجه حيل هالوحده*
نجود : هههههههههههه مرّه المهم وش تبي متّصل ؟!!
عبدالرحمن : ابد بس ابيك تطلعين لي العود حق ابوي والجيتار حقي بعدين كذا عَ اخر الليل*
نجود : اوك*
عبدالرحمن : يلا سلام وسلّمي لي عَ الوحده ذي ام صوت*
نجود : ههههههههه يوصل ، باي*
وقفّلت*

بعد العشاا*
الساعه 11 ونص*
تجمّعو الشباب عند المسبح وجلس عبدالرحمن يدقّ لهم بالعود*

الساعه 5 الفجر*
تحممت ونزلت بعد ماجففت شعرها الطويل وتركته وهي لابسه بجامه ورديه سااده*
دخلت للمطبخ سوت لها كوفي واخذت فطاير وجلست عَ الطاوله اللي بنصّ المطبخ*
بالصوب الثاني*
طلع وهو ببجامته وشعره المبلل*
فتح باب المطبخ بشويش عشان محد يصحى ودخل اخذ فطاير وقبل لايطلع انتبه للي جالسه ومعطيته ظهرها ومو حاسه فيه ابد ابد*
ناظر فيها " هاذي نجود ؟ لاا لاا وبنات خوالي كلّهم مافيه وحده شعرها طويل من ذي *؟ بسم الله الرحمن الرحيم "
تنحنح : اححم
لفت بسرعه وعيونها طلععت ، شهقت وطلعت تجري من المطبخ*
عبدالرحمن " من ذي ؟ عيونها مو غريبه علي هي وحده من بنات خوالي بس منننهي ؟ "
طلع وهو يفكر من هالبنت اللي شافها ؟
بالصوب الثاني
دخلت للغرفه وهي ترجف
بهمس : يَ يممممه*
قامت نجود : خير ؟!
*راحت لنجود وحظنتها*
حسّت نجود برجفتها : ندوشتي وشبك ؟!
ندى تأشر بيدها ان مافيه شي*
نجود بهمس عشان البنات نايمين : جبّ روحي انسدحي بعدين تحكيني*
ندى هزت راسها وراحت لسريرها وانسدحت*
بعد ساعتين تفكير*
دخلت ام علي وبصوت هادي وحنون : بناتي حبيباتي يلّا قومن
ربى : صبااح الخخير ستيّ*
ام علي : صباح النور يلا قومن طلع الصبح وانتن نايمات
كل البنات قامو الا ندى*
راحت لها ام علي وشالت اللحاف عنها : ندى حبيبتي يلا قومي*
ندى فتحت عيونها اللي مغورقه دموع : قمت*
لفت بسرعه عن جدتها عَ اساس تفتح الدرج وهي تخفي دموعها*
ام علي بعد ماطلعو البنات الا نجود لفّت وجهها : علامك يمّه تبكين ؟!
ندى مسحت عيونها وابتسمت : هههههههه الله يسامحك يَ جده انا ابكي ل̲ﭑ ل̲ﭑ بس تعرفين عيوني ل̲ﭑ طوّلت وانا اطقطق بالجوال*
ام علي : اييه مير هالجوالات هي اللي اعدمتكن يلا قومن*
طلعت وقامت ندى ومرت من جنب سرير نجود مسكتها بيدها : تعاااالي*
ندى ابتسمت : هاه*
نجود : وشبك ؟*
ندى : ههه ولاشي*
نجود : جب بلا ضحك وقولي الصدق*
ندى تعرف نجود استحاله تصدق ولازم تقولّها الحقيقه : مدري كذا ماحسيت بنفسي الا وانا ابكي*
نجود : ليش ؟ من وش ؟*
ندى : مدري وربي مدري يمكن من شكلي اللي يضحك اول
نجود : وش صار ؟*
ندى حكّتها الموقف*
نجود سكتت وقالت بكذب : هههههههه ايه يمكن من شكلك يومك شهقتي وجريتي*
ندى : مدري بس يلا قومي*
وطلعت
عند النسوان عَ الفطور*
قامت : بالعافيه*
ام عبدالرحمن : سلاامات ذا اكل ؟!!
ندى تمسك بطنها وبدلع : مسويّه دايت*
ام عبدالرحمن : ياخوفي مو دايت شي اكبر*
الكل : ههههههههههههههههههههههه
ندى بدلع : حرراام خالتو انا اساوي كداا لاا ربي مايرضى علي بعدين*
ام عبدالرحمن : ههههههههههه روحي يَ شيخه إلهي يرضى عليكِ*
ام فهد : ويهديكِ*
الكل : ااااااااممممييييين*
ندى : ههههههههههههه*
وراحت للمطبخ : سوسي فين جوالي كان هنا الفجر ؟؟
سوسي الخدامه : مو موجود انا ماشفتو انا اول ما قوم ما شوف شي*
ندى : افففف وين يروح ؟!!
وطلعت للغرفه وقلبتها قلب ومالقته*
ودوّرت بالفيّلا كلها ومو موجود*

عند الشباب*
احمد ضاري : وين دحيّم ؟!!
سالم : ايه والله وينه ؟!
فهد : توي شفته يركب سيارته*
احمد فيصل : وين رايح ؟؟
فهد : ماحرّك بس ركب فيها وماطلع*
سالم طلع*

عند عبدالرحمن*
سرحان يفككر*
تنهد ورجع شعره لورا بيده : ااااااااهه
انفتح الباب : سلامتك من الآه*
ابتسم عبدالرحمن من قلب : هلّا*
سالم : هلا بك وش عندك تتنهد ؟!
عبدالرحمن سكت*
سالم : تكلّم مو انا اخوك ورفيق دربك وماتخبي علي شيء*
عبدالرحمن تنهّد : امس اول ماجينا يومكم ارسلتوني للمطبخ قبل ل̲ﭑ ادخل سمعت وحده تغنيّ وصوتهاا عذاااااب يَ سالم عذاااااااب عذااااااب*
سالم مو عارف وش صاير اول مره يشوف اخوه بذا الحاله*
كمل عبدالرحمن : واليوم الفجر وانا رايح اخذ لي فطيره من المطبخ شفت وحده مديّتني ظهرها وشعرها مفرود وطوييل ولّما لفّت تقول ملااك يَ سالم عمري بحياتي ماشفت مثلها بس عيونها عيونها مو غريبه علي هالعيون دايم اشوفها قبالي ولونها مافيه احد مثله بالعايله كلّها الّا فهد نفس لون عيون فهد*
شهق سالم*
لف عبدالرحمن صوبه بسرعه : وشبك !!
سالم : ل̲ﭑ ولاشي*
عبدالرحمن بصرامه : ساالم تكلّم وش فيه ؟!
سالم : لون عيونها على عسلي على بنيّ فااتح كذا ؟!!
عبدالرحمن رفع حاجبه : ايه !!
سالم ابتسم : بسس !!
عبدالرحمن : اييش ؟!
سالم : عرفت منهي*
عبدالرحمن بترجيّ : طلبببتكك قو...
سالم : جبّ ماااافي*
ومشى عنه ولحقه عبدالرحمن*
عبدالرحمن : طلبتك سويلم طلبتك*
سالم : نو نو نو مااافي*
عبدالرحمن : سويلم ترضى على اخوك يتعذّب كذا وهو مو عارف من هالبنت ؟!!
سالم : ل̲ﭑ ما ارضئ بس مانيب قايل
عبدالرحمن : يَ ربييييه منك*
سالم يمشي ويناظر بعبدالرحمن اللي وراه معصب*
وصدم بشي وطاح*
...: هيييييييييه غبي*
سالم ناظر تحت وشاف وحده متلثمه جالسه عَ الأرض وتنظّف عبايتها*
راح عبدالرحمن لمجلس الرجال*
سالم : سلامتك تألمتي ؟!!
ربى : وجععه صخر صخر موب ادمي*
سالم بيطوّل لسانه بس مو قادر : اسف*
طلعت عيونها وبنفسها "سويلم يعتذر ؟!! صددمه " : حصل خير بس شيل ذا الصحون ودخلهن داخل*
سالم : تآمرين*
ربى "يَ ويلي قلبي يرقع سويلم فيه شي اليوم "
دخلت تنظف عباتها وهو متننننح مكانه*
وبنفسه " يَ عذااااابي من هالعيون "
دخلت ربى ونزلت العبايه وجلست جنب ندى وشاركتها بالسرحان والتفكير المشوّش*
ناظرت عبير فيهن : هيه انتن ؟!!
محد يرد*
ام علي رمت علبة المنديل عليهن واستوعبو : ها*
عبير : علامكن كل وحده مسرّحه ؟!!
ام محمد : يحبون*
ندى : ههههههههههههه ويي يَ خالتي وين نحب مابوه حب بذا الوقت*
ريما : وييييه ماشفتي ابوي كيف مدلّع امي اااخر دلع حنّا عنيييد معنا راسه يابس ومايكسر عناده الا امي والله لو تبي زحل ان يوديها*
ريما ماحست الا بكيس سكر صفق بوجهها : احح هههههههه
ام سالم ووجها مولّع من الإحراج : احسن*
الكل لاحظو ام سالم اللي انحرجت : ههههههههههههههههههههههههههه

عند الرجال
ضاري : ماودّكم تشوون عَ الغداء تونّسون البنات والعيال ؟؟
ابوعلي : والله يبغالنا بس مابوه مكان شوي غير واحد*
ابوفهد : خلاص كل وحده تروح مع اخوها ويشوون شوي وكذا
ابو محمد : ايه والله صح*
ابو سالم : اجل سويلم قم انت ودحيّم وفهد جهزّو المكان وقولو لخواتكم يجهزّون اللحم وذا
فهد : تآمر يَ خالي
وطلعو*
دق فهد على ندى*
وسمع الصوت قريب منه ونظر بعبدالرحمن اللي طلّع الجوال*
فهد : كيف اخذت هالجوال ؟!
عبدالرحمن : لقيته طايح عند المسبح اول الفجر*
سالم فهم وسكت*
فهد صدّق : اها عطني*
عبدالرحمن : خير ؟!!
فهد : ذا جوال ندوش جيب
عبدالرحمن طلعت عيونه وعلى طول اعطئ فهد الجوال*
وتركهم وراح صوب المسبح*
شاف وحده جالسه بالجلسه اللي قريبه من المسبح بعبايتها وبس متحجبه ومو باين وجهها مرره لأنها متحجبه عشوائي وبعض من الطرحه جايه عَ وجهها ولابسه نظارة راي بان*
شاف فهد اللي ما انتبه له دخل عليها ومد لها الجوال وجلس يكلمها وهو مو سامع شي فجأه حظنته هالبنت وهو طلعت عيونه*
يقول بنفسه " ل̲ﭑ ل̲ﭑ ل̲ﭑ يمكن نديش اخته لحححظه ذي نديش "*
ورجع ناظر بالبنت اللي تركها فهد وراح وهي واقفه مكانها تطقطق بالجوال لمحت اللي يناظر فيها وصد بسرعه*
تلثّمت وراحت له*: السلام*
عبدالرحمن نظر فيها : وعليكم السلام هلا*
ندى : كيف حالك يَ دحوّمي ؟!!
عبدالرحمن عصّب بس ابتسم ونظر بالمسبح : هذا انتي يَ مال الـ .. المهم بخير وانتي كيفك ؟!
ندى : الحمدلله تمام
ونزّلت النظاره : علامك جالس لحالك؟؟
عبدالرحمن نظر فيها ودق قلبه بأقوى دقااااته هنا تأكدت شكووكه ولقى الجواب على من هذيك الملاك*
ندى تحرّك يدها قدام وجه عبدالرحمن اللي ينظر فيها ومسرّح : هيييه دحيّم علامك ؟!
عبدالرحمن : ها هلا ل̲ﭑ ل̲ﭑ مافيني شي بس تعبان هالفتره وكذا*
ندى تذكّرت الموقف " يَ حرررري " : اها سلامتك ، انا بدخل توصيّ شي ؟
عبدالرحمن : ابد سلامتك
ومشت*
وقف : نديش*
ندى لفّت : لبيه*
عبدالرحمن بنفسه " اويل قلبي ويلاه " : بس حبيت اقولّك ترا عَ الغدا بنشوي وكل وحده واخوها وكذا*
ندى تحمّست : اماااااا حمااااااااااسس*
ودخلت تجري*
عبدالرحمن ابتسم ثم تنهّد*
سالم : ابو الشباب رجعنا للتنهّدات*
عبدالرحمن ابتسم : عرفت منهي يَ سويلم عرفتهااا*
سالم ابتسم من قلب : من ؟؟
عبدالرحمن بلعانه : مااافي*
سالم : دحيّم قوول !
عبدالرحمن مشى وخلّاه*

عَ الغدا
عند الطاوله اللي عند الشوايه : خلاص ظفيّ وناديها اخوها جا
رغد : طيب*
وراحت*
سالم ابتسم : فهيد فهيد فهيد ناقصنا صلصة صويا رح جيب تككفئ*
فهد : يوووووووه افف بالقوه حتى وصلت*
سالم : طلبتك طلبتك*
فهد : طه*
وراح ودق سالم بجواله*
...: ها وش تبي ؟؟*
سالم : اختك جايه انتظرها
وراح*
وجلس يقلّب باللحم*
جات وهي قرفاانه وحالتها حاله شافت اخوها واقف : يااخي انا ليش ربّي بلاني وخلّاني اختك الوحيده ؟؟
عرّف الصوت وابتسم بدون مايلف : عشان تشكرينه ان عندك مثلي*
وقفت : فههد ؟!!
لف وهو يضحك : دحوومي
ندى : اهه قالولي فهد ؟؟
عبدالرحمن اشر عليها ثم عليه : قالولي نجود*
ندى برجفه : سويلم يحوس الدنيا دايم*
عبدالرحمن : تلاقينه خلّانا مع بعض عشان ياخذ راحته ويشوف حبيبة قلبه*
ندى جلست : هههههه والله غااااسله يدي منه ذا سويلم*
عبدالرحمن لف صوب الشوايه وهو بداخله بيطير من الفرحه*
ندى : الا دحيم !
عبدالرحمن " اويليييييه ، جب جب دحيم اثقل " : عيو... امري
ندى رجفففت : اممم شسمه ذا اول الصبح يوم كنت لوحدك عند المسبح كان واضح انّك قلقاان ومتضايق ، احد زعلّك بشي ؟!!
عبدالرحمن ابتسم : لاا لاا بس كنت افكر اني خلاص كبرت ولازم اتزوج وكذا*
ندى شهقت " يَ ححححررررري "
عبدالرحمن ابتسم : علاامك ؟!
ندى : هاا ل̲ﭑ بس انت توّك يعني قداامك مشواار عَ الزواج*
عبدالرحمن ضحك بداخله : تهقين لو بخطب وحده كذا يمكن عمرها 22 او 21 وشوي توافق ؟؟*
ندى شهقت : يَ ححححررررري
عبدالرحمن لف صوبها : علامك ؟*
ندى : ها ل̲ﭑ بس مستحيل توافق يعني البنت صغيره اذا 21 عَ الأقل لين تدخل ثلاث وعشرين وكذا*
عبدالرحمن : اهاا بس اخاف تروح علي لأن عيال خوالها يحبونها وكذا*
ندى مافهمت : اذا والله انت تبيها روح خذها واهربو بعد وش تنتظر ، تنتظر لين عيال خوالها ذوليك الـ**** ياخذونها وتجلس مكتّف ل̲ﭑ حبيبي روح لها وانا بساعدك بعد*
عبدالرحمن تنهد وراح وجلس جنب ندى : بس مشكلتها ماهي يم الحب*
ندى : شوف خلّ فتره كذا اسبوع ولا تشوفها واذا شفتها فقدتك روح واخطبها كويس ؟!!
عبدالرحمن ابتسم : كويس اساساً بسافر بكره لأبها*
ندى : ليش ؟*
عبدالرحمن : مدري عن الدكتور المخيس زي الدوره كذا نروح هناك اسبوع ونرجع*
ندى : اهاا ، يوه اللحم*
وراح له يجري : عطيني صحن*
ومدتها بيد واليد الثانيه تفتح العلب فيها*
اخذها ولمس طرف يدها وابتسم وهي ما انتبهت ابد*
وزّعوه وراحو كل واحد بحال سبيله*

عَ المغرب دخل ابوعلي ومن حسن الحظ ان عبير ماكانت موجوده عشان ماتنحبس لوحدها بالغرفه : سلام*
قامن وباسن راسه : عليكم السلام
ابوعلي : بغيت أأكّد عليكم انكم ماتنسون شي*
ام عبدالرحمن : الحمدلله يبه مجهّزين كل شي من هالحين*
ابوعلي : اجل سلام عليكم*
وطلع*
-------------
بعد مرور اسبوع بدون اي شي مهم*











وإنتهى اولّ باارت ، اتمنّى يعجبّكم ♥




>>>>> ردود الأعضـــــــــــــــــــاء على الموضوع <<<<<
==================================

يعطيكي العافية

ابــــــــــــدعتي


__________________________________________________ __________
ويييين بنااااات مااابوه اححد وانا اللي متحمممسسهه !!


__________________________________________________ __________
البااارت الثااني :

*
بعد مرور اسبوع بدون اي شي مهم*

فِ بيت ابوعبدالرحمن*
تحديداً في غرفة نجود*
...: انتي هييييه علامك مسرّحه ومو على بعضك طول هالإسبوع ؟؟؟
ندى : يعني علّامي باللهي سلطانتي(صديقة ندى)مسافره برّا المملكه ومودي قااافل*
نجود : اما مسافره ؟!!
ندى : يب لها اسبوع اشتقت لها وربّك*
نجود : ترجع بالسلامه*
سمعو صوت صراخ بالدور السفلي : يممممااااااه اناا جيييييييت
طلعت نجود تجري ونزلت تحت : دححححييييم*
عبدالرحمن ابتسم لها وحظنته: وحشتني يا اخوي والله العالم شكثر وحشتني*
عبدالرحمن : اااااه يَ بعد قلبي انتي والله اشتقت لك كثييييير
ام عبدالرحمن حطت يدها عَ فمها : وااخزياااه خليّتي البنت لحالها فوق ؟!!
عبدالرحمن رفع حاجبه*
ام عبدالرحمن : اطلعي عند بنت خالتك بسرعه اشوف*
عبدالرحمن " مافيه غيرها ، اااااااه اشتقت لها وربي اشتقت لهاااا كثيييير "
ماطلعت لنص الدرج الا وندى نازله*
نجود : وين ؟!*
ندى : ابد والله امي بتنزل السوق وبروح معاها تعرفيني ما افوّت السوق
نجود : اهاا السواق جا ؟
ندى : ل̲ﭑ بطلع برا وادق عليه*
نجود : بلاشي تدقين عبدالرحمن بيطلع يسلّم عَ الشباب يوصلّك معه
ندى : لااا احرااج انا معه لحالي ميصير*
نجود : حسبالك بخليكم لحاالكم لاا انا بروح معكم انتو لو اترككم لوحدكم يصير لكم حادث كل واحد مسرّح من جهه*
ندئ ابتسمت من قلب*
ونزلت نجود : دحيّم يَ قلبي بما انك خارج وصل ندوش لبيتهم ثم ودني عند ربوش
عبدالرحمن " اخخخيرااً بشوف العيون اللي وحشنّي اسبووع كاامل ماشفتهن ": خمس دقايق ماتجين اروح واخليك*
وطلع*
طلعت للدرج : يلّا*
عدّلت نقابها وطلعت وهي تحس قلبها يرقع*
ركبت : سلام
عبدالرحمن : عليكم السلام والرحمه
ومشو*
ندى : كيف حالك دحيّم ؟*
عبدالرحمن : بخير الله يسلّمك انتي كيفك ؟!
ندى لاشعورياً : بخير دامك بخير ، لك فقده والله*
عبدالرحمن بيطييير من الفرحه : يافديتك ماتفقدين غالي والله وانتو بعد كلّكم لكم وحشه
نجود نظرت فيه بنصّ عين وشافته يناظر بالمرايه : اقول ناظر قدام بس*
ندى ولععت احرااج*
عبدالرحمن ابتسم : ههه علامك انتي خليني اناظر بنت خالتي يمين لها وحشه وبعدين هي شريكتي بجريمه*
نجود شهقت : ندووش !!! بسس انتي من سرحانك ومودك القافل طول ذا الأسبوع غسلت يدي عرفت ان وراك مصيبه مو بس سفرة سلطانه*
عبدالرحمن : وشوله قافل مودك ؟ من مزعلّك والله ل̲ﭑ اطبق الارض عليه
ندى : تسلم بس وحده من صحباتي انا كثير متعلّقه فيها وسافرت برا المملكه وكذا وتعرف لها فقده*
عبدالرحمن : اهاا ترجع بالسلامه . ومتى بترجع ؟
ندى : رجعت هاذي هي تكلمني بيبي
عبدالرحمن سكت شوي*
ثم قال : ايه صحّ نديش ابي اشوف بي سي اعجبني*
ندى مدت له الجوال : تفضّل*
وفتح البيبي وانسجمت بالهرج مع نجود
اما عبدالرحمن مو مصدّق " مافيه محادثه ولاشي اساساً هي مو مفعّله "
وصلّو ندئ لبيتهم ونزلت*
وراح عبدالرحمن يوصّل نجود لربى
••••••••••••
عَ المغرب
ندى جلست تفكّر بغرفتها شلون بتساعد عبدالرحمن اللي متوهّق مع البنت اللي يحبها اااااااهه يَ دحيّم شسوي لك اييييه خطرت فِ بالي فكره بما ان الإجازه تبدأ من بكره ..........

لبست عبايتها واخذت شنطتها ونزلت*
....: اخلصي وش تبين ؟!
ندى : حبيبي عمّو*
احمد ضاري : يَ بنت خلّصيني وش تبين ؟!
ندى : ابيك توديني بيت جدي يوسف*
احمد ضاري : ليش ؟
ندئ : عندي فكره*
احمد ضاري : وشيّ ؟
ندى : عموو خلاص بتوديني والا كييف ؟!!
احمد ضاري : اوديك وامري لله*
وطلعو*

في بيت ابو محمد*
...: اقولّك انا من ججد من جد منصدمه*
مدى : غريبه والله*
نجود غمزت لها : يَ بنت ل̲ﭑ تكونين خققتيه ؟
ربى سرّحت شوي ثم حطّت يدها عَ فمها : واا ويييلييه كنت متكحّله وراسمه عيوني وقتها*
نجود ومدى ناظرو بعض : هلآ هلآ*
ربئ : يَ ربّي والله مو قصدي يَ ربّي سامحني*
دق جوالها : هلا ريموش
ريما : وينك فيه يَ الدااشره ؟
ربى : بالبيت عندنا نجود
ريماا : زيين اجل يقول جدي يوسف ترا بكره بنطلع للمخيم وانه قال لعمي فصّ وعمتو غزل وفدّوش*
ربى : اووك اجل بننزل نقشقش من المول تروحين معنا ؟
ريما : ل̲ﭑ انا ورغيد مكروفين روحو انتو وقولو لدشدش تروح معكم*
ربى : اوك يلا باي*
ريما : باي*
وقفّلت*
نجود : وشّ ؟
ربى : جدو يقول بكره طالعين المخيم*
مدى + نجود : امااااااا*

بسيارة سالم*
ريما : يااخي والله احب جدو والله*
رغد : ايه حبيبتي مو لله عشانه كل شوي يطلعنا*
ريما : والله محد حاس بطفشنا غيره لبى قلبه علّني ما ابكيه بيوم*
سالم : شوي شوي يقولّنا لمّو اغراضكم طالعين كندا*
ريما : اساساً تذكرون يوم جا بيودينا استراليا بس تعب*
سالم : ايه ياحظيّ جدكم وعمكم ابو فهيد ما يحبون غيركم وحنّا ياغافلين لكم الله*
ريما : ايه انتو عيال البطه السودا*
سالم : جب جب ل̲ﭑ كف*
ريما : كف والّا يد ها ها ها*
سالم وقف السياره : انزلي*
ريما ناظرت : اساساً وصلنا*
ونزلو للسوبر ماركت*
ريما اخذت عربه وعند قسم الحلاويات : رغيد رغيد دفيّني*
رغد : يالدّب فشلتينا الناس يناظرون*
ريما : ماعلي فيهم تكفى رغيد دفيّني*
رغد : انا لييش ربّي بلاني فييك لييش ؟
ريما : ياربيّ ليش بليتها فيني يَ ربي ليش ؟ اقول جب يحصلّك رمروم*
رغد : والله لو سويتي شي يفشّل وربي ما اعترف فيك*
ريما : اشبي معترفه فيك اصلاً !!!
سالم اللي جاهم بالسله : احححح طااحت جبهتك*
رغد : ل̲ﭑ ل̲ﭑ جبهتي ثاابته ياجبل مايهزك ريح*
ريما راحت للجهه الثانيه وهي تغنيّ اغنية اجنبيه*
وجالسه تشوف اللي بالرف الاخير*
اخذت علبتين وقامت ولفّت بسرعه وصقعت بواحد وطاحت العلب : ياااااغبببــ.........*
شافته مزّه وسكتت*
اعطاها العلب وابتسم لها : اسف*
ريما خااقه معه : حصل خير*
وراح*
ريما : يَ كتلي والله مززززززه بس احسّه يشبه واحد مدري يذكّرني بواحد*
ورجعت لسالم ورغد*
سالم : وين رحتي ؟
ريما مفهيه : ها ايه رحت هنا اجيب ذا*
رغد : ريموش علامك ؟
ريما بضحكه : ههههههه ل̲ﭑ ل̲ﭑ مافيني شي بس طحت وخفت تمسكونها علي*
سالم : والله من المخفّه الزاايده
...: هلّااا ابو علّاااوي*
سالم ابتسم من قلب : هلاا والله ابو فهيد*
ريما لفّت وشهقت : هااااااااااااا !!!!*
نظر فيها وعرفها وابتسم*
ريما راحت ولزقت برغد*
رغد ناظرت فهد : علامك ؟
ريما : توي صقعت فيه وماعرفت منهو اثاريه فهيد*
رغد : يَ فشييلتي ومالقيتي الّا فهيد ؟
ريما : مدري نطيت وصقعت فيه ماشفته*
رغد غمزت لها : ااااءءءء رمروووم ؟!!
ريما ارتبكت : والله والله اني ما اكذب والله !!
رغد : طيب ماتكذبين بس وش سويتي ؟ شوفي الولد كيف منحرج ! حالته غريبه*
ريما ناظرت فيه وشافته يناظرها ولفت بسرعه : ي ويلي ويلاااه والله ما قصدي*
رغد اللي لابسه نقاب وحاطه جزء من الطرحه عَ عيونها : طب غطيّ عيونك !!
ريما حطت الطرحه عَ عيونها
فهد بنفسه " يَ لبييييه والله لو انّها وحده غيرها كانت فصفصتني بعيونها "

في بيت ابو محمد*
دخل غرفة ربى : اححلى يَ مزّه
ربى : جبّ*
انسدح عَ ظهره عَ سريرها : واااي متكسسر*
ربى : لاااااااا توي رتبته*
محمد : جبّ*
اتصل جوالها وردّت : هلااا واالله برغوودتي هلا*
فز عَ طوله وراح وجلس جنب اخته اللي جالسه عَ الصوفا*
ربى ابتسمت له : هههههههههههه امااا ريموش ذي موب صاحيه*
وحطّت سبيكر : ليتها مجنونه نعذرها تخيلي اول مادخلنا ركبت بالعربه وتقول رغيد دفيني*
ربى : هههههههههههههههههه ياويلي*
رغد : المهم اسمعي يَ دب وين الشورت الفوشي اللي عَ اساس بيجيني الأسبوع اللي طاف ؟!!
ربى : يووووككك نسيييته خلاص الحين اكويه لك وارسلّك محمد يجيبه لكم*
محمد باس اخته وبهمس : فديت اللي يفهموني*
رغد صرخت : لااااااااااااا محمد ل̲ﭑ احمد ايه عادي ماعلي منه بس محمد ل̲ﭑ يَ فشلتي وش بيقول عني بعد مانطيت له بهالشورت*
محمد " ي لبيييييه "*
ربى : ل̲ﭑ والله ماعليك محمد نسى السالفه المهم بحطه بكيس وادبّسه كمان عشان مايفتحه*
رغد : يكون احسن يلّا بااي*
سرّح محمد وهو يتذكّر الموقف اللي صارله قبل شهر ( لما كانو بجدّه بالشاليه كانت رغد بالمطبخ تسوي القهوه للشباب عشان بيجلسون عَ البحر- كانت لابسه شورت لنص الفخذ لونه فوشي وبلوفر رمادي وكوتش ابيض ورمادي ولّامه شعرها اللي يوصل لنص ظهرها ذيل حصان بتوكه فوشي وعامله بوف خفيف من قدام -وتسوي القهوه وهي تتسمع بجوالها بالصوب الثاني*
عبدالرحمن : بو حمّود انت واقف تكفى معك جيب القهوه تلاقيها بالمطبخ يكونون خلّصوها*
محمد : احمد ربّك انيّ مروّق والّا كف عَ وجهك*
سالم : روح روح ماعليك منّه*
وراح ووقف عند الباب ودقّه ومحد رد
محمد : اححم احمم
ومحد رد*
درعم ودخل وماشاف احد واخذ القهوه وقبل لايطلع نطت له من عند الثلاجه وهي تغني ووقفت مكاانها وتصنّمت*
محمد تنّح مع جمالها " يَ ربي وشّ ذآآ ما اذكر انّو بعائلتنا في ملااك بهالجمال "*
صد وطلع بسرعه*
وهي مكانها متنّحه من الصدمه*
استوعبت وطلعت لغرفتها وقفّلت الباب )
استوعب لما جاته ضربه عَ راسه : رحت وتوضيت وصليت وانت عَ هالحال*
محمد ابتسم : ههههههههه الحب ومايسوي ياوخيّتي*
ربى : عاد والله يحقّ لك رغييد مافي منها ثنتين*
محمد تنهد : ااااااااه بس يلا انتظرك تحت*
ونزل*

في اليوم الثاني*
اخذو الأغراض وتوجّهو للمخيّم*
اول ماوصلو رتبّو الأغراض وكذا*
عند الرجال*
اخذ الجد ضاري جواله ودقّ
ردت : هلا بالغالي هلا*
ضاري : هلا بك يَ روح جدّك بغيتك عند الباب*
ندى : تآمر امر
ضاري : مايأمر عليك عدو حبيبتي*
وقفلّ*
وقف بيطلع*
ابوفهد : وش عندكم يبه انت وحفيدتك ؟!!
ضاري : انت مادخلّك شي بيني وبين حفيدتي*
فهد : عساه يكون خير مو مثل جرايمكم اللي دايم
ابوفهد : هالبنت ماتعقل والله لو تخطط لشيء ل̲ﭑ اوريها*
ضاري بمزح : إلمس شعره منها وتشوف فهد وندى احفادي مير انت واخوك ماني معترف فيكم*
الكل : ههههههههههههههههههه*
وراح*
عبدالرحمن بهمس لسالم : سويلم قم معي بشوفها بسررعه*
سالم بهمس : مهبول انت
عبدالرحمن : بتقوم والا شلون ؟
سالم : شلون*
عبدالرحمن : اففف منك ياخي علّه علّه*
وقام*
ابوعبدالرحمن : وين يبه ؟
عبدالرحمن : ابد يبه بس رايح اشحن جوالي بالسياره بيطفي*
ابوعبدالرحمن : ايه روح*
وراح*

عند ضاري*
مد لها مفتاح*
ندى : وش ذا جدو ؟
ضاري : هذا مفتاح الكراج تغدّن انتن البنات بدري وروحن وخذن الدبابات عَ بال ما احنا نتغدا ثم اطلعن تمشّن بس ل̲ﭑ تبعدن جبته لك اعرفكن دايم الشياطين ذوليك ياخذونه قبلكن*
ندى باست راسه : مَ انحرم منك يَ اححلى قراند فاذر بالدنيا*
ضاري : يلّا ادخلي لحد يشوفك*
ودخلت*
عند عبدالرحمن بسيارته*
ابتسم : اهااااا يَ ضويري اجل كذاا هااا !! بس والله عاد حرام حتئ احنا مصايب خلاص هالمرّه سمااح بس وعععع ماشفتها خيااس اففف اييييييههه صحح في .............

قبل الغداء بنص ساعه*
عند البنات : انا شبعت يلّا قوومن*
نجود : طب امهاتنا يدرون*
ربى : يب قلت لهم عشان مايقلقون علينا*
ريما : يلا يلا يلا*
وطلعو من ورا الخيام وراحو للكراج*
دقت ندى عَ جدها ضاري*
رد : هلا بروحي*
ندى : هلافيك جدّو بغيت اسألك الدبابات فيها البنزين مدري شسمه ذاك ؟
ضاري ناظر باللي حوله يناظرون فيه وبهمس : اممم ايه انا بنفسي عبيّتها*
ندى : فدييييتك يلا بااي*
وقفلّ*
ابوفهد ناظر ابوه بنصّ عين : يبه !!
ضاري بدون مايناظر فيه : نعم*
ابوفهد : وش مسّوين انت وحفيدتك ؟!!
ضاري : اظن قد قلت لك قبل مادخلك بشيء*
ابوفهد : ان شاء الله*
فجأه سمعو الشباب صوت الدبابات وطلعو من الخيمه يجرون شافو البنات خارجين من المخيم بالدبابات وعصّصّبووو*
وضاري من شاف اشكالهم وهم داخلين معصّبين وهو يضحك : هههههههههههههههههههههههههههههههههههههه
الكل ناظرو فيه*
ابوفهد : يبه الله يصلحك
ضاري : ل̲ﭑ يَ شيخ هذول الشياطين داايم ياخذونهم قبل البنات ويطلعون والبنات ينرزعون هنا ويطفشون ل̲ﭑ عاد مو كل مره ياخذونها*
ابوعلي : زين ماسويت ياابوعبدالرحمن لو ماسويت هالشي كنت بسويه انا بس انك اخذت المفاتيح قبلي*
سالم : ل̲ﭑ والله جديّ انت صاف معنا والّا معهن ؟
ابوعلي : انا مع الحق*
وسكتو*
طلع عبدالرحمن وطلع وراه سالم*
عند الكراج : انت مهبول انت ؟
عبدالرحمن : ايه مهبول

عند البنات*
ريما : الله يسّعده جدك ذا يَ شيخه وربّي مافي منه*
ندى : وزييينه جدي وزييينه*
نجود : فااتتكم اشكال البلايسه يوم طلعو من الخيمه*
ربى : ههههههههههههههههههههههههههههه بالذّات سويلم معصّب*
رغد : اسكتي احمد جا يجري هههههههههههههههههههههههه
مدى : يَ وييييلي بنااات انا خاايفه*
ريما : جب جب ل̲ﭑ أصفقك هالحين*
رغد : اسمعن بنجلس شوي تعبت*
ووقفو عند صخره وجلسن عندها وهرج وضحك*
بصوب ثاني*
....: والله ذييك مزّه*
..: اقول جب هاذي مو غريبه علي شايفها بمكان*
....: امااا*
..: وربّي احس اني شايفها بلون عيونها وعبايتها وشنطتها وبالكوتش حقها والساعه*
....: يَ رجل ل̲ﭑ تكون بنت عمّك ؟
..: ل̲ﭑ ل̲ﭑ يمكن اخت واحد اعرفه*
....: تجي نروح نسألهم ؟
..: يلّا*
عند البنات : هههههههههههههههه
رغد : جبّ جبّ والله احراج حرام عليكم
....: سلام عليكم*
البنات لاحركه لاصوت لانسم ولاشي*
..: سوري عَ الازعاج بس حابين نسأل عن عائلتكم*
ندى وريما وقفو*
ريما : خييير ؟!!
....: اووه وقحه !!
ندى عصّبت وبصراخ : وقححه بعينك ، انت اللي وقح جاي وبكل ثقه بسأل عن عائلتكم ليش من انت عشان تسأل عننا ؟!*
..: طيب هديّ*
ريما بصراخ : لو تدري من عائلتنا بتنزل تبوس رجولي لجل اسامحك عَ هالسؤال الوقح*
....: تخسيين
رغد وصلت حدّها ووقفت : بنات قومو*
وراحو وركبو بالدبابات الا ندى وريما ونجود*
ندى : معليش تظف انت ووجهك ذا ؟!
..: ل̲ﭑ موب ظّاف بجلس عَ قلبك*
ريما اللي متلثّمه ولابسه نظارة راي بان رفعت حاجبها : مو متحرّكين من هنا ؟
....: ل̲ﭑ*
ريما فتحت شنطتها وطلعت السكين وتلعب فيها بيدها : شلون هالحين ؟!!
خافو الشباب بس مابيّنو*
..: مفكّرتنـ............
وطاحو اثنينهم عَ الأرض*
عبدالرحمن مسح يده : وقااحه وقلة ادب وناس مو متربيّه*
راحو الشباب*
ناظر عبدالرحمن بريما ونجود وندى : تأذيتو ؟؟
البنات : لا لا*
عبدالرحمن : وش كانو يبون ؟!!
ندى عصّبت مره ثانيه وبصراخ : جايين وبكل وقاحه يسألون عن عائلتنا ناس ****** ******
عبدالرحمن يده تنزف : هديّ هديّ
نجود ناظرت بيده : دحوم ايش هاذا ؟!!*
عبدالرحمن رجّع يده ورا ظهره : ولا شي ويّلا قدامي اشوف*
نجود بعناد سحبت يده صوبها : منهم ؟
عبدالرحمن : ل̲ﭑ قبل ل̲ﭑ اجي جرحت يدي بالغلط*
نجود بصراخ : غبي انت غبي وليش ما حطيت عليها شي ؟؟
عبدالرحمن : خلاص ل̲ﭑ رحنا هناك احط لها يلا اشوف*
نجود : ل̲ﭑ مافي*
راحت ريما عند البنات اللي جالسين عند الدبابات وندى كبّت عَ يد عبدالرحمن مويا
نجود : وربّي لو تعيدها يَ ويلك ياخي وربّي ما اصدّق انك غبي لهالدرجه*
عبدالرحمن ابتسم : خلاص اذيّتيني نديش شوفي حلّ مع بنت خالتك ذي شويّ وتجننّي*
ندئ : يحق لها*
عبدالرحمن : يحق لها تجنني ؟!!!
نجود : معاك منديل والّا شي نلّفه عليها ؟؟
عبدالرحمن : ل̲ﭑ*
ندى : طيب السياره فيها ؟
عبدالرحمن : ل̲ﭑ*
نجود مسكت راسها بيديها : واااااااي غبي غبي ما كأنك رجال وش كبرك*
نجود : امري لله ندوش عطيني بندانتك*
ندى طلعت عيونها : وششوو ؟!!
نجود : ابي البندانه بلّفها عَ يده لرحنا هناك يرجعها لك*
ندى : بس كيف انزلها ؟؟
نجود : يَ ربّي انا ليش ربيّ بلااني بأغبى اثنين بالعايله ؟؟
ندى : طيب طيب ل̲ﭑ تعصبين اففف انت هيه لف هناك*
عبدالرحمن : مابي انا راسي ثابت كذا مايتحرك*
ندى تخصّرت : باللهي !!*
نجود : عبدالرحمااااااان خلصصنا*
عبدالرحمن ابتسم ولف صوب الجهه الثانيه ونجود ماسكه وجهه عشان تعرفه وتعرف حركاته*
ندى تحجبت وتلثمت : خذي*
اخذت البندانه اللي لونها نيلي ولفّتها عَ يده وعبدالرحمن مبسوط من دااخله*
نجود : يلا اشوف*
ورجعو للمخيم وقبل لايدخلون*
عبدالرحمن : لحد يدري*
البنات : طيب*
ودخلو*
سالم راح لعبدالرحمن اللي وقفّ السياره : وينك من اول ادّورك ؟؟
عبدالرحمن غمزله*
سالم ناظر بالبنات اللي نزلو من الدبابات : اااااااهههاااا
وناظر بربى وجات عينها بعينه ابتسم لها وهي ارتبكت ودخلت تجري*
سالم : ااااه يااخي احسدك اححسدك*
عبدالرحمن اللي مانزل من السياره : اااهه عَ وش يَ حظي عَ وش ؟؟
سالم : انت عادي تكلمها بس انا لو بكلمها مدري بأي حق*
عبدالرحمن : يَ رجل اسكت انت تقدر تروح تقولّها انك تبيها وتحبها بس انا من غبآئي قلت لها ابي وحده وانها مو حاسه فيني وكذا وهي قالت ل̲ﭑ تخاف بساعدك
سالم : ياخي والله حالتنا زفت*
عبدالرحمن : ها تغديتو ؟
سالم : يوه من زمان الحين بنطلع بالدبابات*
نزل عبدالرحمن : روحو انتو انا مالي نفس برتاح حييل تعبان*
سالم : علامها يدك ؟
عبدالرحمن دخّل يده بجيب بنطلونه ومشى : ولاشي*

عند البنات*
...: امااا ريما بسكينها هههههههههههههههههههههههههههههههههههههه
البنات : ههههههههههههههههههههه*
مدى : الّا تعالي من فين جبتي ذا السكين ؟
ريما : اسسكتي لعبه من ألعاب ريّان*
البنات : هههههههههههههههههههههههههههههههههههههه
ندئ : انششهد انك موب صاحيه*


بعَد العشاآء*
طلعو البنات وشبّو نار ورا الخيمه وجلسو والنسوان الكبار نامو*
بعد هرج وضحك ووسعة صدر قامو رغد ومدى ينامون*
وظلّو نجود وربى وندى وريما*
منسدحين كل وحده عَ رجل الثانيه*
وبعد صمت استمر لمده طويله





وبسسسس


__________________________________________________ __________
رااااااائعـــــة ي الغلا أبدعتـــــــــي
من جد ابدااااااااع
واصلي تألقك بانتظار البارت القادم
تقبلي طلتــي + تقييمي لموضوعك
تــــم التثـــــبيت



__________________________________________________ __________
المشاركة الأصلية كتبت بواسطة جود الدلوعة
رااااااائعـــــة ي الغلا أبدعتـــــــــي
من جد ابدااااااااع
واصلي تألقك بانتظار البارت القادم
تقبلي طلتــي + تقييمي لموضوعك
تــــم التثـــــبيت

ششكراً عزيزتي ♥


متى ينزل البارت الجزء الثاني