عنوان الموضوع : انتظر ردودكم - كلام جميل
مقدم من طرف منتديات المرأة العربية

هذهـ كلمات شعرية اطلقها شخص بعد زواج محبوبته
وهو يوصي بزوجها
طبعآ القصيدهـ قريتها انا بالجوال واعجبتني قلت اجيبها لكم


الله يهنيك


أبد ما جيت أبارك لك ولكن جيت باوصيـك على الله ناوي(ن) تدخل بها الليله ... معذبتي




ترى لولا الظروف اللي عطّتك وحدّت محاكيك قسم بالله ما تدخل عليهـا لـو علـى رقبتـي




ولكن النصيب أقوى ولاادري ويش اسوي فيك نعم...صارت معزبتك,, ولا صارت معزبتي




كذا شاءت بنا الأقدار تحرمني لجل تعطيـك كذا لازم عشان تفوز انت,,أنا اخسر بتجربتي




تراها غالية جدا..وتكفى.. والله يخليك تدللها..تدلعها..تنسّيهـا مصاحبـتـي




أنا من كثر مااغليها أحس اني بديت أغليك ولاتسأل بأيـة حـق والا وش مناسبتـي




لأنك لو بتسألني بتسمع شي ما يرضيك لذا يا خوي لا تسأل ولا تسمع لأجوبتي




أبيك تحطها في داخل عيونك وبين ايديك وهي دلوعة إعتادت على كثرة مداعبتي




فداعبها شوي شوي حتى تشتهي طاريك وشاغبها إلين تقول: بطّل من مشاغبتي




واذا هي مالها خلقك,,ولا تضحك ولا تسليك تحمّلها وإسألها :ياعمـري ليـه عصّبتـي




وبالك أسمع انك يوم تضربها وهي تشكيك ما يحتاج أوري لك بفن الضرب موهبتي




صحيح انك بتملكها ومعك العقد بالتمليك وانا عارف حدود الله ومن حقك معاقبتي




ولكن قل لها : المجنون وصّاني وهو يعنيك يقول انـه بينتظـرك لوشيّـب وشيّبتـي




وانا مجنونها اللي ما نساها وانت مايمديك تغطي ذكرياتي.. في هواها و ربع تجربتي




أحس اني تماديت بكلامي,, والغضب حاديك ولو انك في مكاني ما تفكر فـي محاسبتـي




كفاك اني تركت الليله أشغالي عشان أجيك دخلت القاعة برجلي ولا أدري ويش عاقبتي




وانا ما جيت أخرّب عرسك الليله ولا أذّيك أنا جيتك عشان أخاطبك واسمع مخاطبتي




توصّى .. وانتبه.. واحرص عليها والله يهنيك ترى كل الكلام اللي طلع من ضيقي وكبتـي




ولكن ما قدرت اني أقوله وانت مايخفيك أخاف اني اذا قلته تقوم وتقطع رقبتـي


آ‘بي رآ‘يكمـ، في آ‘لقـصـيدة
وآ‘ن شآ‘ء الله حازت على رضاكمـ
ودمتم بخير




>>>>> ردود الأعضـــــــــــــــــــاء على الموضوع <<<<<
==================================

كلمات قوية
مشكورة


__________________________________________________ __________
مشكووورة رعش والله يعطيك العافيه


__________________________________________________ __________
ماشاء الله حيـــــل روووووووووووووووعة
تسلميـن يا الـغلآ


__________________________________________________ __________
الله يسلمك سمو وهذا من ذووووقك يالغاليه


__________________________________________________ __________
ماأروع إبداعك
سلمت يمينك يالغالية
الله يعطيك العافية