و الموقف اللي للقصيدة خذاني
علمٍ يحرك بالهجوس السكينه
تاريخٍ ابيض له بصدري مواني
يبحر و ترسي له بصدري سفينه
أجا الكرم لو مرّ ذكره ثواني
تستلهم امجاده عقول فطينه
تسترسل افكاري و ينطق لساني
بالمنجزات المعجزات الثمينه
تاريخ حاتم ما بنته الاماني
باقي و سكان الجبل وارثينه
مجده ماهو من طول الايام فاني
في منهج احفاده تجدد سنينه
لاشفت في حائل كبار الصياني
اقول راع الجود ربي يعينه
سجلها يقراه قاصي و داني
محفوظ و شعار الكرم في جبينه
مدينةٍ ماهي مجرّد مباني
الا من صروح المفاخر مدينه
ان قلت اجا صيتٍ بسلمى دعاني
و رد الصدى نجرٍ بجبه دنينه
و السيف و الشلفا و فعل اليماني
من دون حرمتها حصونٍ حصينه
و اليوم بقيادة عريب المجاني
عبدالله اللي كل شعبه بعينه
رمز السياسة و العطا و التفاني
من مدته كن السحاب بيمينه
كل الادب يفخر حروف و معاني
باللي خدم داره وشعبه و دينه
للشآعر \ مقبل الفههَد
رد مع اقتباس
