أعزف لحن حبي وأغني معانيــه
وتزيدني نشوة طروقي بمغنـــاه
نسيت كل الناس يوم حل طاريـــه
وسبحت في بحره عساني تفداه
حبه سرى بالروح ماني بناسيه
لو طال في بعده خفوقي تحراه
يرجع بعد غيبه طويله ونهديه
أرحب هلا باللي خفوقي تحلواه
عسل شهد ما أحلاه عن الروح أبديه
ما أعذبه ما احلى موطنه آه ما ابهاه
ما ضاق قلبي منه بالحب مكسيه
ماغاب عن عيني وكلي تمناه
الحب همس الروح ما أحلى تجليه
صافي مصفى والمودات تزهاه
هو طب قلبي بلسم له ومشفيه
تبرى جروحي مع قدومه وملفاه
يشهد عليه الرب ماني امتناسيه
بين الضلوع أمسى غرامه ومرساه
اسمه عطر والوصف ياكيف نبنيه
أكبر .. أجل .. أعظم .. عظيمه مزاياه
مهما وصفت الزين ما أحدن يباريه
طرفــه خجول ُ ُ والحياء دوم يطغاه
ميزه رب الكون ما أعذب مساريــه
مثل القمر والليل والنور يغشــــاه
كل المعاني الساميه مع تساميه
يسمو وميزته الحلا يوم لقيــــاه
ما أحلاه ربي يسعده في خطاويه
حتى القطا والريم تعشق لممشاه
عزف على القيتار والحب أغانيه
والرمش ساحر كم قلوب ُ ُ ترجاه
ساحر بنظراته وكل ُ ُ يراعيه
كلُ ُ يقول أموت من أجل عيناه
حكيه درر صوته سحر نغم يبديه
قوله هلا .. لبيه .. ما أعذب حكاياه
صوته سرى بالروح بالحب يسقيه
ما أعذب ألو أهلين صبحه وممساه
كلي فديته .. بزعل الكون وأرضيه
ياعل وقته بالرضا دوم يهنــــاه
دام الوفاء طبعه عظيمه معانيه
بالروح اضمه مالغيره تخطـــاه
ما مال عنك القلب لا لا تجازيــه
بالصد والهجران لا لا تبنــــاه
خلك بقلبي وأعزف الحب وأهديه
للروح وأطربني وقل ما أتعداه
عمري حياتي منوة الروح أناديه
نشوة غرامي بأول الوقت وأتلاه
الحب طبعه بأوله ثم تاليـــه
ما حاد عن طبعه ولاخان ما أوفاه
ياريت لو صدفه حياتي ألاقيــه
ما أعذب وجوده ساحر الطرف ما أحلاه
والله لاصيح بعالي الصوت واجيـــــه
وأقول ـ أحبك موت ـ ما غيرك أهــواه
رد مع اقتباس
