أسعد الـله مسائكم وصباحكم بكل خير
هالقصيده جاتني على جوالي وقلت أنزلها في المنتدى لأجل الصبايا
هالقصيدة عن جميلة الحسن مختارها
وصفها يعجز الكلمات وكل حروفها
طلت صبح ذاك اليوم و (محمد) شافها
وغرست سهمين في قلبه ودله عشقها
وسرحت (ساره) بحبه وانشغل به بالها
ولا قوى (محمد) أبد عذاب فراقها
شافها مره ولكن قلبه اللي اختارها
بنت ذاك الجار كم تكوى بنارها
أهله يزورونها وكم بحلمه زارها
وكم تمنى لجل يعرفها أو يعرف أخبارها
بانتظار اللقا دارت الايام والقلوب بأسرها
هذا أبوها عن يمنه وعن يساره أخوانها
أسرعت دقات قلبه ينتظر رد أبوها وردها
الجواب اللي يحدد أيام عمره جنبها
(مــبروك) قالها ابوها وقال: (ســاره) دربك دربها
فرحة (مــحمــد) غدت فرحة مدينة بنصرها
شهور وصارت (زوجته) وما بحياته غيرها
بينهم قصة مشـــاعر صعب وصفها
راح يذكرها باليوم اللي لمحها ومرها
وضحــكت : عند باب البيت أنت ليه مانسيتها؟
مـــرت الأيام.. قالت أنا (حامـــــل) وما صدق حملها
من فرحــــــته ذرف دمعـــــتين وضـــــمها
شال شغل البيت على راسه وشال همها
مايبي روحه تتعب أبد في حملها
قال: كل النــاس ولا شــيء جنبــها
هي حيــــاة الروح وبــبقى جنــــبها
قرب الموعد وكانت على قلبه يدها
قرب الموعد وكان يسمع نبضها
وصل (مستشفى الولادة) ولسانه يدعي لها
قالت : (محمد ، أحبك ، أذكر اللي قالها)
ينتظر زحــــــف الزمن والثـــــــواني عدها
ينتظر شوفة (فـــــــهد) وينتظر لجل يعرف حالها
وانولد طفل جمـــيل اسمه (فـــــــهد)
لكـــــــن اللي اسمها (ســــــارة) ،،، توفت
لحظة وجوده هي لحظة موتـــــــــها
ماتــــــــت وهي تـــــــولــده و (محمد)
مابقى به إلا جسد ماتت سعادته
وعــاش ميـــت بعدها
مابقي له ذكريات بالحياة إلا (فـــهد)
صار يشبهها وعيونه نفس عيونها
وأبوه ما يعرف من الناس إلا (فهد)
هو ليله ونهاره وما ينومه إلا على فرراشها
كل ما شافه وشاف الوردة الحمراء وشاف صورها
قال كيف أنسى حياة عشتها
أربع سنين وحاله حالة يرثى لها
قالوا له: تزوج أو أترك بيتها
قال : أنا بخطب بس ورب البيت ما أترك دارها
بسكنه باقي سنيني ولو بدأ نسيانها
خطب واللي خطبها كان شرطها
يجيب خدامه (لفهد) ويصير مثل ابنها
(محمد) تزوجها والخدامه جابها
مرت الأيام ومانسى (ســـاره) وقديم أيامها
وفهد مازال بسمة الدنيا لأبوه وفرحها
وخالته مادارته كانت تداري نفسها
مرت شهور وتناسى بعض آلام عاشها
واستأذنت زوجته منه تنادي أهلها
وجاء ذاك اليوم وجهزت من بدري دلالها
حطت القهوة والسكري وأجود ماعندها
وكلن حضر ولبى لها دعواتها
ومر بعض الوقت وكان وقت العشاء وقتها
ومابين هي بين الصحون وبين تحضيرها
همس صوت بريء نبراته كانت جنبها
مــامـــا أنا جوعان (فــــهد) اللي أتمها
أمس تم الخمس لكن ماعرف كيف غطي قبرها
قالت: انا مو أمك حبيبي ، ماما لا عاد تقولها
ارتسم بعيونه عجب وما فهم وش قصدها
قالت: أنا مشغوله خذ هالصحن وأطلع أتعشى
بحوش البيت والعب ولا أشوفك بعدها
ناظرها نظرة حزينة وأخذ عشاه من يدها
طلع واللي طلعه خوفه وكيف يعصي أمرها؟
ساعتين وكم دقيقة والدار راحو ضيوفها
الكل سلم وراح وجاء (محمد) عقبها
قال يوم أقبل : (فـــهد) وينه يامها؟
ردت : مع الخدامه نايم عندها
ياهو وحشني ،،، هو حياتي ومابها
ودي أشوفه بس مدامه نام أشواقي كيفها
حط راسه على المخده ونام وقتها
وتلحف..كانت الليلة شديد بردها
شاف (سـاره) بالمنام بعد دقايق نامها
كانت تردد (الـولد وينه؟؟) هذا قولها
فز من نومه وماتوقع شوفها
وقال: أصحي (فـــهد) وينه يامها؟؟
قالت: أووه لاتقلق عليه نايم عندها
رجع ينام،
وثاني مره شافها
فز وسألها مرتين: وش قصده بسؤالها؟
روحي شوفيه... وطمنيني لجلها
قامت مها وماودها و (فهـــد) ماهو في بالها
راحت ورجعتله عقب دقيقه ونصفها
قالت: (فـــهد) نايم وهي لا راحتله ولا هو همها
قال أجل نامي،ونام وتكرر له حلمها
نام وهذي ثالث مره بالمنام يشوفها
قالت: (فـــهد جاني يامحمد، عش حياتك مع مها)
فز هالمره، ودقاته كيد يسمع نبضها
قام يجري للغرف وما لقاه عندها
صاح كالمجنون: وينك؟! آآه وينه يامها؟
أنت على الدنيا يا (فــهد) ولا صدق عندها
طلع لحوشه المظلم وبالزوايا ظلامها
لقاه متوسد لعبته والنفس فاضت روحها
واليدين اللي كان ابوه قبل نومه يضمها
صار مثل لون اللـــيل لون عروقها
زاويــه مات البريء بحضنها
في ليلة كانت شديد بردها
(محمد) اللي نصفه مات من زمان
نصـــفه يـــموت عنـــــــدها
شاف الضنا وعيونه كذبت مشهد قدامها
موت الضنا كذبة يا زماني قلها
ضمه لصدره وبالضلوع آلامها
آه وش بقي بالدنيا يستاهل أعيشها
ماتت ومات اللي بقي لي منها
ليش عايش بلاهم؟ ليه ما غطاني معاهم رملها
كيف أنا أدفن ضناي ومندفن قبله شعوري بالحياة وعلمها
وكيف أنا صرت ميت والكفن ماكفنوني به ولاني عشتها
فاقد روحين مع روحي وياكثر أقدارها
دنيتي مابين فرحها وحزنها
من يجيه اللوم مني وش يفيد عتاب نفسي ولومها؟؟
دنيه عايش بها فاقد هناي وبسمها،،
وين (ســـــارة؟) ليت أقدامي قبل سبع سنين ما مرت بابها
ولا شفت ولا عشقت ولا هويت عيونها
ليت لي قلب يحب ولا رحلت محبوبته
ينسى قديم الوقت ولا يجيب بذكرها
ولكنه عشق سكن بالعيون وهدبها
يحكم أنه ينطبع في حياتي اسمها
وأن حرف السين والألف والراء والهاء كلها
تجري بروحي كل السنين الباقية مع دمها
خاطري مكسور،، وكل الدموع يكنها
بعيني ما للشمس نور ولا لشموعي ضيها
في بساتيني زهور تدري بقصتي وبسرها
أذكر النرجسه والفل والجوري وردها
كنت (أنا وساره) نشم الياسمين
ونبتسم،، واليوم لا حشى ما شمها
لا تنسون الردود
رد مع اقتباس
