عنوان الموضوع : انا برحـــــــــــــــــــــل .. وبتركـــــــ .. لغيـــري مكآن ! أدبيات
مقدم من طرف منتديات المرأة العربية

انا برحل وبترك لغيري مكاني
يمكن غيري يسعد في دنيا العجايب


انا برحل وبلملم باقي احزاني
اتعبني العذاب وحظي دايمن عايب



يا يمه يكفيني من الدنيا ما جاني
عيا الجسد يرتاح من كثر المصايب


يا يمه دنياي شفت منها ما كفاني
عيا الجفن ينام من هول الغرايب


هذا قدر ربي يا يمه وربي بلاني
والقهر هد حيلي يا يمه هد الصلايب


يكفي كل عرق فيني يا يمه يعاني
وشعر راسي شاب ولا هو بشايب


يكفي كل خل عرفته يا يمه نساني
نكر وقفتي معاه يا يمه يوم الطلايب


يكفي دمعي من عرفته ما جفاني
يكفي ضحكي من تركته دوم غايب


يكفيني الم يمه يزود الم شرياني
يكفيني تعب يمه غير طعن القرايب


يوم بغيت الموت يا يمه ما بغاني
ويوم احتجت للحبيب راحوا الحبايب


يوم خذيت همهم محد يايمه خذاني
ويوم شكيت لهم عايروني بالمصايب


ياما عطيت غيري كثير وما عطاني
وياما طفيت ناره يمه بوسط اللهايب


ياما سقيته من غديري وما سقاني
وياما طعني بسكينه بلا ذنب وسبايب

كم وكم ضحيت له يمه وماقدراني
وكم وكم بنيتله بقلبي قصور وعجايب


وشلون تبيني اصبر وانسى من نساني
وهو في عز ضيقي عني بعيد وغايب


بس امانه وصيتي قبل ارحل عن مكاني
وقبل لايحوش جسمي صغار الترايب

خبريه ان في قلبي عبرة كبر المباني
خنقتني عيشتني بطريق الموت والخرايب


وعلميه ان الجرح يسري بدم شرياني
وان انا والحزن والموت صحبه ونسايب


وانه همي بدنيتي هوهم اخوااني وخلاني
وان همي من دونهم يمه ما هو بطايب

اذ جاء الموت يمه ومن وسطكم خذاني
اذكروني واسمحولي يا اغلى الحبايب


وهذي وصاتي ولا تبكين يمه عشاني
يومي ويومي مكتوب ولاهو بغايب







>>>>> ردود الأعضـــــــــــــــــــاء على الموضوع <<<<<
==================================

اختيار رائع..وذائقه لايُعلى عليها
وهذا ماتعودناه منك..
صح لسان شاعرها..
وسلمت يمينك ياغاليه..
بانتظار جديدك المميز ..


__________________________________________________ __________
يــســلمــوووووو يـالـغـلا


__________________________________________________ __________
يسلمو


__________________________________________________ __________
ربي يعااااااااااااافي قلبك


__________________________________________________ __________
اسمحي لي ابدي اعجابي بقلمك وتميزك واسلوبك الراقي وتالقك


اختيار رائع..وذائقه لايُعلى عليها
وهذا ماتعودناه منك..
صح لسان شاعرها..
وسلمت يمينك ياغاليه..
بانتظار جديدك المميز ..