قلت ابكتب قصيده.. للمشاعر
واعزف الحان قافي لين يصبح شعر
لين صارت قصيده صغتها بيت بيت
صاحبني دموعي والقلم والقمر
ذكرتني القصايد في غلا من هويت
وابتدى الدمع يسري من عيوني هدر
ابتسم للدموع وتنهمر لابكيت
فوق لليل المشاعر للقمر وانبهر
قال: ليه الدموع؟ وقلت: ياماشكيت!
اشتكي لليالي واشتكيها بقهر
قال: ياما سمعت, وقال: ياما رايت
ليت منهو غلط من غلطته يعتبر
ياعيون الليالي مثلها ما عطيت
كم عطيت الليالي من خيوطي سفر
واصلي في حديثك بعدني مارتويت
وابتديت بكلامي سارحه واستمر
قالوا: الحب بلوى قلت: يالله نويت
في جميع المواقف لي دروب خضر
غلطتي ب انتظاره كل يوم عنيت
ابتدي به غرام وانتهي به سهر
يوم جيت احتمي به ليتني ما احتميت
ب اتركه لليالي والقضا والقدر
ليتني ماعرفته يوم فيه ابتليت
كنت في وسط قلبه بس حظي غدر
اكثر بيوت وسط قلبي بنيت
لين صارت مدينه من حطام الدهر
هذا جور الليالي في علاقه وفيت
وخذلتني الليالي كل شي انكسر
ياقمر قل له اني ساكته وان حكيت!
خبره ب السلام وبلغه ذا الخبر:
طحت من وسط عيني يوم منك انكويت
بس صعبه اردك في عيون السهر.
رد مع اقتباس
