واحد راح يخطب وحدة
وهو عم يحكي مع الاب كان عم ياكل مسكة (لبان(
قال الاب: يا ابني طلع المسكة من فمك مشان نعرف نحكي
قال الخاطب: والله يا عمي بتعرف الواحد بعد ما يدخن بحب ياكل مسكة مشان ريحة الفم
رد الاب: ليش أنت بتدخن؟!
الخاطب: والله يا عمي بتعرف بعد الواحد مابياخدلوا كم كاس بيحب يختمها بسيجارة
رد الأب: ليش بتشرب؟!
الخاطب: والله ياعمي بتعرف على طاولة اللعب إلا مايحطولك كاس
الاب: وبتلعب قمار كمان ..... لك يا ابني من وين متعلم هالشغلات
الخاطب: والله ياعمي اتعلمتن لما كنت بالسجن
رد الأب وحتجيه الجلطة كمان شوي: ليش كنت مسجون ... الله لايوفقك وليش سجنوك؟ شو عامل؟
رد الخاطب: ماعملت شي والله ياعمي
بس رحت اخطب بنت قام أبوها مارضي يزوجني قمت ضربتوا قام مات
رد مع اقتباس
