عنوان الموضوع : كيف احافظ على وزني بعد الرجيم الكيميائي - للدايت
مقدم من طرف منتديات المرأة العربية

كيف ط§ط*ط§ظپط¸ على ظˆط²ظ†ظٹ بعد ط§ظ„ط±ط¬ظٹظ… ط§ظ„ظƒظٹظ…ظٹط§ط¦ظٹ ، كيف احافظ على وزني بعد الرجيم الكيميائي

السلام عليكم ورحمة الله وبركاته

اخواتى الحبيبات

الموضوع ده مهم جدا لكل واحدة فينا بتفكر انها تعمل ريجيم ونفسها تنزل بسرعة...ما شاء الله النت بشكل عام والمنتدى هنا بشكل خاص مليان ريجيمات متعددة بشكل لا يعد ولا يحصى

منها الريجيم الصحى اللى بيعتمد انك تاكلى كل حاجة وتمارسى رياضة بس بتخسى على المدى الطويل


ومنها الريجيم الكيميائى اللى بيعتمد على اصناف معينة وبكميات غير محددة وبينزل كميات كبيرة من الوزن بس البعض بيقول ان الوزن سرعان ما بيرجع تانى

الكلام ده تقريبا بنسمعه فى كل موضوع بيتكلم عن الريجيم الكيميائى

وطبعا فيه مننا الخبيرات بالريجيم وفيه مننا بنات لسه صغيرين ما يعرفوش حاجة عن الريجيمات ونفسهم يخسوا بسرعة يا اما لجواز والا لاى مناسبة عندهم

الموضوع اللى انا كاتباه ده يا بنات عشان بجد يبقى دليل لكل الريجيمات الكيميائية بالذات ومدى الاستفادة منها واضراها بحيث ان كل اخت جربت حاجة يا ريت تقولها


الريجيمات الكيميائية تشمل:

1- اى نظام فيه الاكل نوع واحد لمدة يوم او 3 مثل 12*12

2-نظام دشتى او اتكنز

3-اى نظام فيه نسبة بروتين عالية على حساب الكربوهيدرات

او اى نظام غير الريجيم الصحى

طيب فيه مننا ممكن تدخل على الموضوع وتقراه وتكون مرت بتجربة بس تكسل تكتبها

هاقولها تجربتك دى ممكن تفيد اخت ليكى فى الله وممكن تضرها ايضا يعنى لو انتى اختى الحبيبة جربتى ريجيم معين وحسيتى انه تعبك وما كتبتيش تجربتك ممكن تيجى اخت تانية وتجربه وتتعب منه لانها ملقتش اللى يحذرها منه

عشان كدة اخواتى الحبيبات اللى طالباه منكم الاتى:

كل اخت جربت الريجيم الكيميائى بأى صوره تجاوب على الاسئلة التالية

1- اى ريجيم كيميائى جربتيه؟

2- عملتى الريجيم ده لمدة اد ايه؟؟

3-هل ألتزمتى بيه لحد نهايته؟

4- ايه نتيجة الريجيم معاكى؟؟نقصتى كام كيلو بعد ما الريجيم خلص؟؟

5- ايه الاعراض اللى حسيتى بيها اثناء عمل الريجيم ده؟؟

6-بعد ما عملتى الريجيم الكيمائى..هل عملتى اى ريجيم اخر والا اخدتى يوم فرى؟؟؟

7-لو كنتى اخدتى يوم فرى ..هل بدأتى ريجيم جديد تانى يوم والا أتأخرتى شوية؟؟

8- بعد نهاية الريجيم الكيميائى هل زاد وزنك؟؟؟ولو كانت الاجابة بنعم طيب وزنك زاد بنسبة أد ايه وهل زاد لحد الوزن الاولانى والا زاد بنسبة اكبر؟؟؟

9-نصيحة تقوليها لكل اخت بتفكر تعمل اى ريجيم كيميائى...



اخواتى الحبيبات بارك الله فيكم يا رب

تأكدى ان اجابتك على الاسئلة اللى فوق دى فى ميزان حسناتك ان شاء الله لما تنوى انك تحبى تفيدى اخواتك اللى بيدخلوا القسم وبيدوروا على ريجيمات تنزلهم بسرعة وفى ااقرب وقت

والله يبارك فيكم اخواتى يا ريت التقييم عشان الموضوع يتثبت وتستفيد بيه اكبر نسبة من الاخوات

بارك الله فيكم وأسألكم الدعاء




>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________


__________________________________________________ __________


__________________________________________________ __________


__________________________________________________ __________