عنوان الموضوع : طريقة عمل حلى خبز التوست 2015 الجديد 2016 طريقة سهلة
مقدم من طرف منتديات المرأة العربية

طريقة عمل حلى خبز ط§ظ„طھظˆط³طھ 2015 ط§ظ„ط¬ط¯ظٹط¯ 2016

السلام عليكم ورحمة الله وبركاته
ازيكم يا احلى فتوكات
انا من اسبوع كده كنت قاعده مع واحده صاحبتى كانت عامله حلا طعمه عجبنى وخدت الطريفه منها وعملته وعجب عيالى وجوزى اوى تحسى وانتى بتاكليه انك بتاكلى تورته بس خفيفه المهم عشان ماطولشى عليكو
المقادير:
خبز توست مقطع الاطراف
كيس كريم كراميل بس بنعمله من غير الكيس الاسود اللى بيكون جوا كيس الكريم كراميل
كيس كريم شانتيه
علبة قشطه
الطريقه:
الطبقه الاولى :رصى خبز التوست فى صينيه متوسطة الحجم بس تكون مربعه افضل عشات التوست يكوت مترتب
على النار اعملى الكريم كراميل زى مامكتوب على الكيس بتاعه بس زى ما قلتلكو ماتحطوش الكيس الاسود معاه
ولما يغلى شيليه وسيبيه يبرد قليلا وبعدين صبيه على التوست كله بالتساوى بحيث التوست يشرب الكريم كراميل ولو لقيتيه كتير عادى حطيه التوست بيشربه
الطبقه الثانيه: وزعى عليه علبة القشطه
الطبقه الثالثه: اضربى كيس الكريم شانتيه او الدريم ويب مع فنجان صغير حليب بااارد من الثلاجه او ماء بارد واضربيه لحد ما يتقل وبعدين وزعيه على طبقة القشطه ورتبيه كويس
وبعدين حطيه فى الثلاجه على الاقل ساعتين واخرجيه وقطعيه ولو عايزه تزينيه عادى
والله طعمه هيعجبكم وما بياخدشى وقت منك
ومعلشى باه يا فتوكات الطريقه من غير صور لانى موش بعرف انزل صور
والسلام عليكم ورحمة الله وبركاته




>>>>> ردود الأعضـــــــــــــــــــاء على الموضوع <<<<<
==================================

بارك الله فيك


__________________________________________________ __________


__________________________________________________ __________


__________________________________________________ __________


__________________________________________________ __________