عنوان الموضوع : ضحك لى فى المنام مع التفسير
مقدم من طرف منتديات المرأة العربية
انا عايزة أفسر حلم حلمته ...أنا خطيبى توفى فى أحداث رمسيس ونحتسبه شهيد إن شاء الله وأنا حلمت بيه مرتين ده تانى حلم الحلم التانى : كنت ف الكلية وكنت بجرى زى الافلام الاجنبى الاكشن وبنط من فوق الحاجات ومن فوق الناس اللى قاعدين وشوفت ناس عارفاهم شكلا منهم واحد صاحبه وخرجت من البوابة ومحستش إنى كنت بجرى خالص لقيت محمد خارج ورايا بص لى وضحك كدة أنا بصيت له لقيته أتخن من الاول بفرق كبير أوى لأنه كان رفيع فى الحقيقة وشكله حلو أوى قال لى أنا جيتلك تانى اهو يا ساره قولت له أنا عايزة أشوفك كل يوم قال لى إنتى مع مين فيهم مافهمتش قولت له يعنى ايه قال لى مع مين من اللى بيحصل ف الكلية ..روحت سكتت ومفهمتش وبعدين قال لى مش هتتصورى بقا يا ساره ..
انا قولت يمكن قصده بمع مين السياسة وكدة ..والصراحة أنا بقيت أكرههم كلهم ومع رأى أحلام مستغانمى ف رواية الأسود يليق بك (كان علاء يكره أصحاب البزّات وأصحاب اللحى بالتساوي ....الخيار إذًا بين قتلة يزايدون عليك في الدين ، وبذريعته يجرّدونك من حريّتك .. وآخرين مزايدين عليك في الوطنيّة ، يهبّون لنجدتك ، فيحمونك مقابل نهب خزينتك . )
وبالنسبة للتصوير قولت ف بالى التصوير حرام ....بس إفتكرت إنى متصورتش لسة عشان أطلع شهادة التخرج
أرجو التفسير وجزاكم الله خيرا كثيرا إن شاء الله .
>>>>> ردود الأعضـــــــــــــــــــاء على الموضوع <<<<<
==================================
لو سمحتم أرجو تفسير الحلم جزاكم الله خيرا
__________________________________________________ __________
لو سمحتم يا برونزيات ممكن لو فى خطوات أعملها عشان حلمى يتفسر تقولوها لى ...ربنا يجازيكم خير أنا محتاجة أعرف التفسير فاللى تشوف المشاركة ما تبخل عليا بالرد ربنا يكرمكم
__________________________________________________ __________
سأفسر حلمك على حسب معلوماتي
رؤيا الشخص الميت تدل على الرزق الحلال
وعدم إلتقاطك للصور في المنام شيئ محمود . لأن التقاط الصور في المنام يدل على اليأس.
والله أعلم.
ورؤيا الميت في المنام ندرك بها حالته قلتي أنه ضحك وهذا يدل على أنه من المقبولين عند الله عز وجل لأن حالة الميت في المنام تعرف بحزنه وفرحه والله تعالى أعلم.
__________________________________________________ __________
المشاركة الأصلية كتبت بواسطة نور السكينة 
السلام عليكم أختي الفاضلة
سأفسر حلمك على حسب معلوماتي
رؤيا الشخص الميت تدل على الرزق الحلال
وعدم إلتقاطك للصور في المنام شيئ محمود . لأن التقاط الصور في المنام يدل على اليأس.
والله أعلم.
ورؤيا الميت في المنام ندرك بها حالته قلتي أنه ضحك وهذا يدل على أنه من المقبولين عند الله عز وجل لأن حالة الميت في المنام تعرف بحزنه وفرحه والله تعالى أعلم.
جزاكى الله خيراً أختى الكريمة ...هل تقدرى تفسريلى حلم آخر ولا بتقل عليكى
__________________________________________________ __________
رد مع اقتباس
