عنوان الموضوع : "ساعدوني الله يخليكم" - تم الحل
مقدم من طرف منتديات المرأة العربية

بناااااات ط§ظ„ظ„ظ‡ يخليكم تساعدوني !!!

أنا والله ما سجلت هنا الا عشان اسألكم وأستشيركم في حالتي ، وأنا حتكلم بالتفصيل الممل عشان تفهموني تمام وسامحوني إذا طولت عليكم بس عشان أبغاكم تفهموني !

أنا مشكلتي تتعلق بوحده ، أنا انسانة اجتماعية ومرحة والحمدلله في حياتي ما اكتشفت انو في احد يكرهني ، وكل بنات المدرسة يحبوني ويعرفوني وليا شعبية مرة كويسه ، وكلما اروح مكان اتعرف على بنات اكتر واكون صداقات .

المهم لمن دخلت المرحلة الثانوية نفس الشي ما اتغيرت ، بس تقريبا في نص الترم التاني قابلت بنت بالصدفة اكبر مني بسنة ، حسيت انها مهتمة بيا ، كلما اشوفها من بعيد احسها تطالع فيا ، وتجي تسلم عليا وزي كدا ومع الوقت سرنا نسلم على بعض كتير واتعرفنا على بعض ، البنت مرة طيبه واخلاقها حلوه وانا مره حبيتها من البداية. مع الوقت اضافتني في المسنجر وسرنا نتكلم كتير مع بعض ونضحك ، خلاص مع الوقت مرررررررررررره حبيتها اكتر من اول وكل يوم حبي ليها يكبر وهيا كمان مره طيبه معايا وحبتني بس مو زيما انا حبيتها ، وسرت حساسه مره كلمه وحده منها تفرررررررحني تنسيني الدنيا وكلمه وحده منها تزعلني وتتعبني !

هيا اجتماعيه وعندها صحبات كتير زيي ، بس عندها وحده تحبها اكتر شي وقابلتها قريب ، وانا والله مررره اغار ، بس والله اتمنالهم الخير الاتنين ما احسدهم ، بس اتمنى انها تحبني وتهتم فيا زيها ، هيا ما تقصر معايا لو اشتكيتلها ودايما تهديني وتحضني وتوقف معايا ، خلاص مع الوقت سرت ما احب غيرها وما احتاج غيرها واستنى حضنها وحنانها لأنو انا فاقدة حنان كتير وبيتنا دايما مشاكل والوالده عصبيه وما تفهمني ، وصحباتي كلهم طيبات بس ولا وحده حسيت معاها بالفرح اللي حسيتو مع البنت هاذي .

صحباتي مع الوقت مره اتغيرو عليا وسارو يطلعو اشاعات ع البنت وما يطيقوها بس لأني حبيتها وهما عارفين ، دحين انا سرت وحيده وما ليا غيرها ، اكتشفت انو صحباتي ما يتمنولي الخير وكل حبهم ليا كان كذب وضحك ، ما حبوني وقدروني زيما حبيتهم وقدرتهم ، انجرحت منهم مره كتير وطااحو من عيني كلهم ، وانا ادافع عنها داايما كلما اسمع شي ، وأقلها كل شي عشان تكون عارفة ايش بيصير من ورا ظهرها ، بس أخاف مع الوقت تفهمني غلط وتحسبني اكذب عليها او اقلها دا الكلام عشان تحبني او شي ، لأنو انا دايما طيبتي الزايدة توقعني في مشاكل وتخلي الناس تفهمني غلط !!! :f9:

ومع الوقت حبي لها كبر اكتر واكتر وسرت اوقات ابككككككي لحالي وما اعرف سبب البكا ، هوا شوق والا غيره والا حزن مااادري، وفي المدرسة لمن اشوفها من بعيد حزينة او متضايقة اتضايق واحزن منجدددددد احس نفسي انقلبت نفسيتي كلها واحيانا امرض واتعب ومالي نفس آآكل شي ، واتممممممنى اني اكون مكان صحباتها وأهديها واوقف معاها ، وهيا ما تدري طبعا عن دا كلو بس نفسسسسي تدري عشان تعرف قد ايش احبها، مرررررره تعبت من كتر التفكير فيها ، ودايما احاول افكر كيف اخليها تنبسط مني وكيف اعرف اوقف معاها وكيف اسعدها واضحكها بس المشكلة الكبيييييرة اللي انا متضايقة منها اكتر شي اني لمن اكون معاها اسسسستحي و ارتجججججف !!!! :f9:
اتخيلو يا بنات والله ارتجف ، انا ما اخاف منها ولا شي بالعككككس اتمنى اكون معاها دايما بس لمن اكون معاها واحيانا حتى لو شفتها من بعيد واحيانا حتى لو شفت رسالة منها او شي ارتجججف بشكل فظظظظييييييع ولمن اكلمها اتأتئ بالكلام واتلعثم ونشاطي ومرحي كلو يختفي ، استحي منها بشششكل مرررره غبي حتى انقهر من نفسي احيانا ، نفسي اطلب رقمها بس مستحيه و هيا قلتلي انها تبغى صداقتي وفرحتني بس برضو استحي وماااا أقدر اسوي معاها شي غير اني افكر فيها وأرسلها رسايل دايما !

ايشششش السبب يا بنات الله يخلييييييييكم ساعدوني وترى والله انا الحمدلله قريبة من ربي ولا تحسبو اني مايلة للشذوذ والعياذ بالله ، أببببدا والله اني دايما اصلي وادعي واستغفر.

مرررره معليش وآسفة ع الإطالة وأتمنى وأستنى ردودكم يا أخواتي بفارغ الصبر ،،




>>>>> ردود الأعضـــــــــــــــــــاء على الموضوع <<<<<
==================================

والله جيتي وربي جابك..........



حبيبتي انا يمكن اكثر وحدة راح تفهم اللي قاعده تسويه وتحسي فيه....




الشعور اللي حاسة بيه "هو انك حبيتيها"


وطبعا هالحب انا متاكدة انو مو في الله ....



وانا فاهمتك واكيد كلنا مرينا باللي انتي مريتي فيه.......



بس نصيحة حبيبتي من اخت تحبك وتبي مصلحتك....


انتبهي ان الوضع يتطور اكثر من كذا ....
شوفي اولها خسرتي صاحباتك............


وانا متاكدة ان صاحباتك عشان يحبونك قاعدين يسوو كذا "والله يحبونك"


لاني واجهت هالمشكلة شخصيا مع بنت اعرفها ...
صار معاها نفس اللي صار معاكي واكثر ...... فحنا كنا نكره البنت اللي تحبها وما نطيقها ... لاننا شفناها هي اللي توديها للغلط.......




حبيبتي باختصار ......

ابعدددددددددددددددددددددي عنها ...حتى لو ان البنت نفسها كويسة....المهم شعورك تجاهها مو كويس بالمرررة...



والله انتي اصلا راح تتعذبي بهالحالة ... شوفي انتي اولها بدأت حركات الغيرة ومدري ايش هذا ما تسميه عذااااااااب....



وع فكرا "رقم" لا تتهوري وتاخذيه لانو والله راح يطور الوضع بشكل خطير..





ادري ان هالشي موب ايدك بس اللي ابي اقوله .........

انتي قاومي هالشعور في نفسك بانك تغيري مدرستكي مثلا....


وتكنسليها من حياتك كلها......


اذا حسيتي نفسك بدأتي تفكري فيها حاولي تلهي نفسك بأي شي......





وطبعا اللي سويتيه جيد الا ممتاااااااااااااااز...
لانك استشرتي غيرك.....







حبيبتي خلاصة كلامي ....
ابتعدي عنها في كل شي في المدرسة في المسن وفكل شي.....







ونصيحة من اخت تحبك وتبي مصلحتك...


انصحك تقومي دايما اخر الليل وتصلي ركعتين وتدعين ربي انو يبعدك عنها من غير شر ...


واستغفري على نية هالشي ...

وتذكري هالشي والله يهز عرش الرحمن....


اللي قاعد يصير بين البنات مع بعض والشباب مع بعض والله حراااااام...




وتذكري كل ما اقدمتي على خطوة تجاهها....

تذكري ان اللي عند ربي اجمل....




وراح يعوضك ربي ان شاء الله بولد الحلال اللي يغنيك عن هالشي كله...





واستغفري على نية هالشي وان شاء الله ربي يعينك انك تسويه......












وادعيييييييييييييييييييييييييييييي ربي في كل شي مهما استحقرتيه......





والله يعينك قلبو......






واذا عندك اي كلام حابة تقوليه لي .....





قوليه عالخاص وباذن الله راح اساعدك لحد ما تتخلصي من هالمشكلة نهائيا......









واعتذر على الاطالة......


وبالتوفيق..

وهالله الله في قيام الليل والدعاء والاستغفار......



__________________________________________________ __________
حياااتي ذا الشيطان لعب بعقلك على قولتها كثير مر بذي المرحله الله يكووون بعونك وترى صاحباتك خايفات عليكي مو كره فيكي مايبونك تصيرين كذا

انتبهي على نفسك وتوكلي على ربك بكل شي

الله يهدي الجميع


__________________________________________________ __________
حبيييييييبتي والله مني عارفة ايش اقلك ،، منجد منجد ريحتيني بوقفنك معايه ،، الله يعينني يا رب وححاول ان شاء الله وحسوي كل اللي قلتيلي عليه ،، يارب أتخلص من هاذي المشكلة قريب !

وترى قد حاولت انساها وقد حاولت ابعد واقول خلاص سيبيها في حالها وبرضو فكرت انقل من المرسة والله، لأنو نفسيتي مرة تعبت ، عارفة احيانا وانا ابكي اقول اني اكرهها قد ما أحبها لأنها اتعبتني في حياتي ، وارجع مره تانية واكلمها لا شعوريا ، مع انو هيا لو ما سألت عنها ما تسأل عني ،، يارب اني اقدر المرة هاذي وأقوي نفسي يااااارب ... ومششششششكورة مرة تانية


__________________________________________________ __________
تسلمممممممممين يا نوونه ،، ادعيلي بس حبيبتي !


__________________________________________________ __________
والله اني فاهمتك انا مريت بنفس تجربتك بس ماتركت صديقاتي عشانها هذا حب مراههقه حاولي تبعدين عنها شوي لا تفكرين فيها كثير وارجعي لصديقاتك وبكره تكبرين وتتزوجين وتضحكين على نفسك مثلي


حياتي ابعدي نها وطلعيه من حياتك لانك بدي الحاله بتخليك تسوين كل شي له هي تبيه حت الغلط تشوفيه منها مو غلط وصحباتك شايفين عيوبها الي انتي معميه عنها والله يعينك