عنوان الموضوع : دروس العناية بالشعر لشعر جذاب
مقدم من طرف منتديات المرأة العربية
راح انزل كل اسبوع درس
عشان كلنا نستفيد
طبعا مواضيعي قابلة للمناقشة و الاضافة
ويسعدني ان اطرح موضوع ينال اهتمام البرونزيات
>>>>> ردود الأعضـــــــــــــــــــاء على الموضوع <<<<<
==================================
نصيحه هذا الاسبوع تقول :
لازم تقصين شعرج كل 6 اشهر
و اذا انتي تحبينه طويل .... قصي بس اطرافه
اما عشاق الصبغ اجباري قصه كل 6 اشهر
لان قص الشعر يقوي الشعرة نفسها
تتخلصين من الاطراف الميته
القص يعطي الشعر كثافه اكبر من قبل
القص ايضا تغير من استايل الى اخر
القص يعطي الشعر حيوية
قصه هذا الشهر .... الشعر القصير
يعني قصه مرت بيكهام
وهي عبارة عن الشعر الطويل نت الاطراف و قصير من الخلف
طبعا هذي القصه مو اجباري لاني ادري في وايد يحبون الشعر الطويل .. ولشعر الطويل هم قصه خاصه فيه
وهي
قص الشعر مستقيم ... يعني كل خصله بشعرج طول الثانية
القصه2
قص الشعر ... قصه المدرج ... معرفه تعتمد على اطراف الشعر
هذي القصتين اعتبرهم كلاسيك ..... يعني مايرح مديلهم
اللي شعرها وايد خفيف تقص المدرج ... بس مو الاطراف , تقصينه مدرج بس طبقات
هذي القصة تعطي الشعر كثافة
و شكرا
__________________________________________________ __________
__________________________________________________ __________
جزاكي الله خير الجزاء
__________________________________________________ __________
للشعر الدهني :
شلون تعرفين شعرج دهني؟؟؟
اذا لاحظتي ان شعرج يفرز كميات كبيرة من الدهن,غالبا الشعر الناعم يعاني من هذي المشكلة , لازم تسبحين مرتين او اكثر باليوم _بدون مبالغه_
يدهن بطريقه محرجه و يسبب لج ازعاج
اذا تعانين من هذي المشكله
مالج الا
- استخدمي شامبي للشعر الدهني
- قبل الاستحمام دلكي فره راسج بعصير الليمون
- ابتعدي عن الشسوار .. لان يساعد على افراز الدهن من بويصلات الشعر
- لا تحطين كريمات بعد الاستحمام للشعر ... اذا انتي متعوده او مصره على الكريم حطي على اطراف شعرج ... يعني لاتحطين على فروه راسج
- لا تمشطين شعرج و هو رطب بعد ماينشف مشطيه ... لان الشعر الدهني يترتب عليه مشكله ثانية و هي تساقط الشعر ... (هذي المشكلة راح اتكلم عنها بالتفصيل بالاسبوع القادم)
شرح هذي النقطه = بعد الاستحمام بويصله الشعر تكون متاثرة بالشامبو و الماء الدافىء فتتوسع اشوي - طبعا ما تشوفينها بالعين المجرده -, و اي حركه للشعر تسقط الشعره , لكن بعد ماينشف تصغر البويصله على حجم بذرة الشعره (مرات تشوفين بدايه الشعره بعد سقوطها غلاف لونه ابيض , هذي البذرة) من جذي اقول لا تمشطينه عشان ما يتساقط شعرج
ممكن تجربين .. يوم مشطيه و هو رطب ولاحظي شعرج يتساقط وله لا ... وفي يوم ثاني مشطيه بعد ما يجف
اللي اجرب تقول لنا على ملاحظاتها
وشكرا لحسن استماعكم
__________________________________________________ __________
هذي نصائح للعيد... او اذا عندج مناسبة
- استخدمي ماسك الشعر او خلطتج قبل العيد بيوم
-زهبي تونك شعرج بعد الاستحمام
-اللي تسشور شعرها تحط سيروم او كريم برشوت ...يخلي الشعر سابط مايعنكش , و يصير في لمعه حلو ...مو تستانسين و تزيدين المعيار و صير شعرج جنه مدهن ,, وتقولين نصيحه حساوية
- سوي تسريحه بسيطه ...للي شعرهم خفيف انصحهم بتسريحه الاسد
ام اقذيله ... و هي عبارة عن اخذ خصله من القذله و تودينها يسار او يمين اللي يريحج ....تصير القذلة على جنب تغطي جزء من الجبهه و عمل بف خفيف
بحيث تغطين الفراغات الراس
-لا تستخدمين الشباصه ذات تضاريس كثيرة .... تقطع الشعر, و تسبب الي مشكله تقصف الشعر و انتوا ماتدرون ... لاتاخذين الشباصه عشان
شكلها وبس ...في شباصات تقهر مثل ام فراشه عليها ستراس تقطع الشعر تقطع
ولا تستخدمون حق بناتكم السير هم يقطع الشعر ... اذا انتي مصره على استخدام السير ....قصي السير بالمقص بعد انتهاء المناسبه بدال ما تنتفين شعر ب
ما تنتفين شعر بنتج ....و اطقينها اذا قالت يعور
و شكرا لحسن استماعكم
و عيدكم مبارك
رد مع اقتباس
