(اغسلي يدك)
ولا أنته ولا غيرك ولا حتى السنين السود تخلي دمعتي تنزل على خدي وأكفكفها
أنا ادري منيتك أن تشوفني وأنا مهدود ولكن أغسلي يدك محال دموعي أذرفها
أحبك!كنت أنا أحبك وحبك كان بي موجود ولكن عشرتك هالحين أنا من القلب عايفها
عطيتك كل ما أملك ولا فكرت بالمردود وكلما تصدميني بجرح أقول أحباب طوفها
تقولين الخطأ وارد وأنا أقول الصبر بحدود وتقولين البشر تخطي وأقول الناس عارفها
************************************************** *****************************
(قابلتها)
قابلتها والشوق فيني ما صبر إلا ثواني وبعدها قال وحكى
قال وتكلم عن عذابي والسهر وقال الهموم اللي أعانيها وشكى
تعذبتني حب وذابتني قهر وكم قلبها من حبها لقلبي بكى
وقالت تأكد ما يغيرني بشر إنت الوحيد اللي خفوقي تملكه
لكن ظروف الناس يا خلي بحر محد ملك ظرفه ولا حد يملكه
************************************************** ***********************************
(ماكان العشم)
ما كان العشم فيكم في عز جروحي تنسوني وربي كان انا ظني تجوني قبل اناديكم
ولكن للأسف بانت وخابت فيكم ظنوني وهدمتوا أجمل احلامي وخيبتوا الرجا فيكم
انا ما همني جرحي ولا همتني شجوني ولا همتني دموع من الضيقه تناجيكم
أنا اللي همني وشلون هذول اللي يواسوني عواذل كنت اسميهم حبايب كنت اسميكم
خطيت بحقهم ياما وياما هم يراضوني حقيقه كنت انا جاهل ازعلهم وأراضيكم
************************************************** **********************************
(مجنون)
وشصار يعني لو حبيبي هجرني ماهمني لاهو ولا اللي يقولون
كم واحد قبله وفيت وغدرني ما قامت الدنيا ولا صرت مجنون
وان كان قصدك بالخساره خسرني وان كان قصدك بالعطايا يولون
محد على ذيك العطايا جبرني وشرواي لامنهم عطو مايمنون
شي خذيته من ابوي وشهرني الطيب اللي حي لو كان مدفون
************************************************** ***********************************
تقبلوا تحياتي000
رد لي رووووووحي00
رد مع اقتباس
