عنوان الموضوع : مبطي ماغفيت - جميلة
مقدم من طرف منتديات المرأة العربية

صعب لا منّك فشـلت ... وصعب لا منّك لقـيت
إن من يكره نجاحك ... يدري أنك ما نجحت



أمس ضقت ورحت أقلّب ذكرياتي .. وانتهيت
عند صورة طفل صوته .. مثل صوتي لاإنجرحت


وش مثل ؟ لا والله الا هذا أنا يـــوم ابــتديت
انطق حـروف تلعثم في لســاني لا انـمدحـت

هذا أنا يــوم الحيـــاه افنظرتي عشرين بيت
ومسجدين ومدرسه من طين كم فيها اصطبحت

هذا أنا ..وأصبحت اتمتم(هذا أنا)حتى بغيت
اختنق .. بس القدر عيّا على موتــي .. وطـحت

وصاح صوت الطفل فيني : انت من وين ارتميت
قلت انا المستقبل اللي فيه كم هــمـت وطـمحت

امـس كنـت ابيــك تــكبر .. بس والله لـو دريـــت
اني اللي عشت لجله .. مــت عنــدك واســترحت

لـــو دريـت ان الزمـــان يـــجر رجـــلي ما عديت
ولو دريت ان البـــحور بلا مــواني ما ســبحـــت

كــــان دربك لي طويـــل .. وكل ماشفتك هويت
قــــلت لك كـبــوة جـــــواد وماكبيت الا وجمحت

ليه تســمعني وتمــشي .. آه ليـــتك مامشــــيت
وآه ليـــــتك من كـــثر عثــــرات الأيـام انتصحت

ضــاعت أحــــلامي وضل الحـزن فيني واهتديت
للطـــريق اللي يــــوديني على دمـــعي ورحــت


يالحــــــــزن ليتك مثل دمــــعي وتنـــزل لارقيت
بس اعـــرفك لو مســحت الدمع تبقى ما انمسحت

كــــــان حـــلمي في وجود انسان يبكي لابكيت
وصار حـــلمي في وجــــود انسان يفرح لافرحت

كنت اشـــــــــوف الناس مثلي كل ماجعت وظميت
مادريت ان الأوادم نـــــاس فــوق ونـــــاس تـــحت

آه يـــــأول ذكــرياتي .. خذني افحضنك نســـيت
لاأسألك عن وجـــه ابوي اللي مــعــه ياما سرحت

خذني في حضـــنك ابغفى .. يا آه مبـــطي ما غفيت
وأن لــــمحت دمــــوع عيني .. سو نفسك ما لمحت

خذني في حضنك وبعـــثر في جروحي .. وأن قضيت
هز لــي كتفي وقلي : عيـــب تبــــكي لو سمـــحت

أضـــــــحك ... وعلّم زماني من أنا .. ومن وين جيت
طق بـــــــاب الحـــــزن وأصرخ فيّ لامنّي فتــــحت

وضمنــــي يمّك ... وكــمّل ضحكتك لا من بكـيت
ودي اذكـر كيف كانت ضحكتي .. لا من فرحت..

قصيدةللمبدع فهدمساعد واتمنى ماتكون مكررة وهي أول مشاركة لي في المنتدى لاتحرموني ردودكم وتقييمكم لي




>>>>> ردود الأعضـــــــــــــــــــاء على الموضوع <<<<<
==================================

يسلمو
أنا صحيح مو مر مع الشعر
بس مر اعجبتني

تقبلى مروري
الماسه والحساسه


__________________________________________________ __________

مبدع فهد المساعد وانتي ايضآ مبدعه بإختيارك غلاتي

الله يعطيك العافيه


__________________________________________________ __________
تسلمووووووووون يالغلا واسعدني مروركم


__________________________________________________ __________
اسمح لي ابدي اعجابي بقلمك وتميزك واسلوبك الراقي وتالقك


__________________________________________________ __________
تسلمييييين والله


هلا وغلا