عنوان الموضوع : كوسا محشي على طريقه الشامية
مقدم من طرف منتديات المرأة العربية
السلام عليكم ورحمة الله وبركاته
والله انا مالي قدكم ماشالله عليكم طبخاتكم روووعة بس دخلت مجازفة بصراحة
ويارب تعجبكم اكلتي وهي عن جد لذيذة وسهلة بنفس الوقت
بسم الله نبدأ
_ اول شي منجهز الحشوة وهي عبارة عن لحم مفروم مغسول + كوبين رز مصري مغسول (( حسب كمية الحشوة )) + ملح وبهارات وكمون ناعم وايضا القليل من الكمون الخشن وملعقتين كبار زيت او ملعقة سمنة وهي النتيجة
وطبعا منكون حافرين الكوسا وغاسلينها منيح وكمان مخططينها اذا بتحبو انا بحب اخططها بالقشارة مثل الشكل بالصورة حتى تعطي شكل حلو وهي الكمية كاملة
وهي كمية اصغر للتوضيح
وبعدين منبدأ بحشي الكوسا بالحشوة اللي عملناها فوق ونصيحة دائما خليها ببالك عند حشي اي شي لا تحشي مثلا الكوساية الى فمها لااااء خللي مسافة نصف اصبعك الخنصر فاضي حتى ماتتفزر عند النضج ... وهي النتيجة
ولبين ماتخلصي الحشي حطيت انا القدر (( الطنجرة)) على النار وفيها كمية من الماء بتناسب كمية الكوسايات وبس تغللي المي
منضيف للماء المغلية بكيتين من رب البندورة (( معجون طماطم )) حسب الرغبة المهم انها تكون المرقة الناتجة ثقيلة لانها تطلع الذ واطيب بالاضافة للملح والقليل من البهار تطلع الذ
وهي النتيجة
وبعدين منبدأ الاجرام الشامي هههه ومنرمي الكوسايات بالمسبح بقصد بالقدر ههههه
وبس منخليهم يغللو ويستوو (( ينضجوا )) على نار هادية ومنغطي القدر لنتائج افضل
بهالاثناء منكون داقين اربع الى خمس فصوص ثوم + نعنع ناشف وعصير ليمونتين في ناس بتحط للثوم والنعنع حمض الليمون لانه يحمض الاكل اكثر وانا بصراحة عادة استخدمه في حال ماتواجد ليمون وهي الصورة للتوضيح
ومنضفلهم شوي من مرقة الكوسا ونخلطهم واهم شي بهالخلطة الصغيرة الحمض اهم شي وانتو وحسب حبكم للاكل الحامض مو كتييير بس وسط لان الاكلة تطلع الذ
وبس تنضج الاكلة وتخلص ونتأكد من استواها تماااام قبل لا نطفي بدقيقتين منضيف عليها خلطة الثوم وبعد دقيقتين ثلاث نطفي عليها وانتهت الطبخة
وهيك خلصت طبختي وان شالله تعجبكم يااارب
وهي النهاية وبالعافية على قلوبكم اتفضللوا
منقول
>>>>> ردود الأعضـــــــــــــــــــاء على الموضوع <<<<<
==================================
تسلمين حبيبتي على الموضوع
__________________________________________________ __________
العفو يالغاليه
__________________________________________________ __________
يسلموووووووووووووووووووووو
__________________________________________________ __________
العفووووووووو
__________________________________________________ __________
يعطيك العافيه
يسلموووا
يسلموا ياذذذذذووووق .
رد مع اقتباس
