عنوان الموضوع : ساااااااعدوو ندى تكفون - حل مشكلة
مقدم من طرف منتديات المرأة العربية

بنات انا قلتلكم من فتره اني متملكه على ولد خالي
ونكلم بعض بس مو دايم المكالمات بالاسبوع مرتين او ثلاث اما الرسايل ما اكذب عليكم كل ليله تقريبا

وما احد يدري غيره وغيري وبنات خالي (حسبي الله عليهم ) الي عرفوا بالصدفه والا انا ما قلتلهم ابداااا

بس ياليتهم سكتوا قالوا لاخوهم واخوهم خبر اخوي واخوي بغى يذبحني والله طول امس وهواش ومحاظره طويله عريضه طبعا قبيلتنا محافظه وما يعرفون هالسوالف وعندهم ان الي يسوي كذا ما يستحي طبعا اهلي بغوا يذبحوني على هالشي واحس روحي تعبانه ومصدعه وكرهت الزواج كله ( انا عارفه ان هالشي ما يغضب رب العالمين وما سويت شي خطاء ) بس اهــــــــلي

مع ان بنات خالي يسوون البلاوي واسكت عنهم اقوول حرام اعلم عليهم بعدين اهلهم راح يذبحونهم وهم اول ماعرفوا بمكالمتي ما سكتوا على طوووول علموا بالموضوع (حسبي الله عليهم )
<< ودي اقاطعهم بس بدون ما يحسوون وبدون ما اتكلم معهم واتعب نفسي واهاوشهم ..

المشكله بأهلي يااااااااااااااربي تعبت احس نظرتهم تغيرت مع انه مو خطاء يعني استغفر الله الله لا يقووله لو كنت اكلمه قبل الملكه كان اللحين بالمقبره الله يرحمني

بس زوووووووووجي وبعدين فهمنا بعض وعرفت كل شي فيه وهو عرفني وعرفت طبعه والي يحب والي يكره وكنت خجووله قبل اللحين عاااااااااااااااادي تعودت عليه مستحيل استحي منه الا ليله الدخله علشان اول لقاء بس


ناقله هم على نظره اهلي لي واخواني يااااربي شسووي
وبنات خالي رافعين ضغطي حسبي الله عليهم :f9:

احس نفسي تعباااانه عاد اللحين مخططين للحج اذا رجعت من الحج بقوولكم شنو صار بحالتي اذا تحسنت او ازدادت سوء





>>>>> ردود الأعضـــــــــــــــــــاء على الموضوع <<<<<
==================================

سلام اختي انا شايفة انك تطنشين بنات خالك يعني لاترفعين ضغطك على شي مايسوى وبعدين مدام انك عارفة انك ماسويتي شي غلط لايهمك احد وروحي الحج وانسي كل شي وادعي ربك ييسر لك امورك
وشوفي راي البنات بس ادعيلي اذا حجيتي
انشاء الله تحجي وترجعي ونفسيتك تمام



__________________________________________________ __________
لاتهتمين خيتو انتي ماسويتي شي غلط وهذ1 اصبح زوجك يعني كلام بالجوال ماضرت .. ولازم تتعرفون على بعض وتفهمون بعض .. واما على بنات خالاتك اللي سووه غلط في غلط وتلقين سبب فعلهم الغيرة .. لكن اعتبريها حركات مراهقة منهم وكوني احسن منهم وتعاملي معاهم بحدود وعلى قولة المثل خلك بعيد حبك يزيد ..
ومووفقة قلبي وحج مبرور ان شاءالله ولاتنسيني من دعواتك والله معاكي دووم قلبي


__________________________________________________ __________
خيتووو اول شئ انتي ماسويتي غلط بس بنات خالتك طنشيهم ودعي ربك انك يعينك على حل مشكلتك واستغفري وشوفي كيف بتنقلب حياتك ولا تشيلي هم انتي ما سويت غلط ودعيلي لما تحجي

الله يفرج همك اليوم قبل بكرة يارب
الله يوفقك


__________________________________________________ __________
مشكووورات يا قلبي كلكن على مساعدتكن لي والله يجزاكن خير ويوفقكن بحياتكن ياااااربي

سوار الياسمين فعلا صدقتي بنت خالي الكبيره غيرانه تبي زوجي لانه يكون ولد عمها وودها يتزوجها

بس امه ما تبيهاااااااااااا لانها فعايلها مو عاجبتها وخفيفه عقل يعني تنقل سوالف بين وحده ووحده وانها تسابق امها على السوالف بمجالس الحريم تخبرن الملقوووفه وعلشان كذا ما تبيها

واختارتني انا مخلصه بكالوريوس ومؤدبه (ما امدح لكن نفسي ) بس الحمد لله ما اني مثلها بكثيييييييييير

وهو يبيني اصلا وهو الي اختاررني من بين بناااات العايله كلهن


بس الغيره وما تسوي يا بنات يااااربي شسوووي حسبي الله عليها


كلامكن هداني بصراحه وانا اهم شي عندي رررررررربي اهم من حتى اهلي

بس ما ودي انه ينتشر بين جماعتنا لانه عيب عندهم

ادعوا معي يارب انهم ما يعرفوووون الناس


__________________________________________________ __________
البنات الله يجزاهم خير ماقصروا معاكِ

لكن أبغى أقولك

ياحبيبتي حتى لويعرفون جماعتكِ إنك تكلمينه تراهـ زوجك وهالشي بيسكتهم

وأنتِ ماخرجتي معاهـ لأ أنتِ كلمتيه وهذا عادي ياقلبي

أقولك طنشيهم ولا تبينين لبنات خالك إن أهلك عرفوا بالسالفه وسوي نفسك عادي قدامهم

والله يوديكِ ويرجعكِ من الحج سالمه والله يتقبل حجك وإدعيلي

والله يتمم زواجكم على خير ياسميتي << يعني على إسمي ^_^


ندوووووووووووووو لا لاتروحين استني بقولك شي
انتي ماغلطتي وفهمي اهلك هالشي هو زوجك بالحلال وقوليلهم انه لازم تتقارب وجهات النظر وتعرفينه زين
وادعي ربي داااااااااااااائما يفكك من شر الحريم النقاقات>تراهم يحرون الكبد الله يفكنا منهم جميع
يالله ادعي لي معاك اني احج السنه الي بعدك>>وجيبيلي مكسرات وشراشف>ناويه على كبير هع هع
الله يوفقك يارب ويفكك من شر بنات خالك ,,ومبروك مقدما ياعروثتنا