الضيق ما هو بالسعه ::و المساحه
الضيق ::لا ضاقت بك قلوب و ارواح ..
.. والبعد عن ما تكره النفس ::راحه
من لا توده :: فارقه يوم :: ترتاح ..
.. وتبسمك بوجيه ربعك ::سماحه
خلك بشوش :: تعيش ب أيامك ::افراح ..
.. وحظك يعزك من يرفرف جناحه
يجيب من ودك :: يجي لك ولو::راح ..
.. والكبر لله ::والتكبر بجاحه
والوقت نصه "جد" :: والباقي "مزاح " ..
.. والصوت حشمه :: وارتفاعه وقاحه
كذاب ::من قال انطح صياح ::بصياح ..
.. والحب::يبدل صحراء الايام واحه
اذا حضر :: يلغي مسافات وجراح ..
.. و أما الزعل :: لا بد تكبح جماحه
اصبر تشوف ان الفرج بارقه :: لاح ..
.. والحق:: يثبت في كلام الصراحه
مثل السماء ما همها النجم لو ::طاح ..
.
. بعض العيون تشوف فيها ::شفاحه
.. وعيون تاخذ هاجسك ل انشراحه
نظراتها تحنان :: والرمش :: ذباح ..
.. كم كحل ضم الشوق والدمع :: ازاحه
و ياما كحل :: يقعد له سنين :: ما ساح ..
.. ودنياك::لو ضاقت بكل ::المساحه
تلقى السعه والحب ::بقلوب :: وارواح ..
أعجبتني ..
رد مع اقتباس
