عنوان الموضوع : مابغيت الا اخوك يصير خال لولدي.. أدبيات
مقدم من طرف منتديات المرأة العربية


انتشـر حبـك بجسمـي .. لا وحتـى بالعظـام
واختلـط حبـك بدمـي .. فالمعالـيـق يـعـدي


يـا هيـام ٍ فـي هيـام ٍ فـي هيـام ٍ فـي هيـام
يا ضياعي ! يـا اتجاهـي ! يـا دروب المهتـدي


لو تـذوق النـوم .. جفنـي مـا تهنّـى بالمنـام
طاوله فيـك الغـرام .. وطاولـه فيـك سهـدي


لك حبيبي فـي ثنايـا جـوف هالقلـب احتـرام
لك حبيبي ( قولتي ) : لبيه .. آمر .. يـا بعـدي


كيف اصبحك بسلام ! وكيـف امسيـك بسـلام !
وانت في مجـرى وريـدي مـع سواقيـه تغـدي


لك عيوني .. لك حياتي .. لك سنيني .. لك مقـام
لك حلالي .. لك فوادي .. لك ورودي وشهـدي


فـوق كفـك دق حنّـا .. والبـلا فعـل الزمـام
والحلا .. ليـل ٍ تسلـل فـوق الامتـان اجعـدي


لا طويل .. ولا قصير .. ويا حلو زيـن القـوام
جلّ مـن صـوّرك والله فـي غرامـك مولـدي


مـا لقينـا لـك شبيـه ٍ فـي غناديـر الـشـوام
ومـا لقينـا لـك شبيـه ٍ فـي بنـات الاحمـدي


انت دانه .. وانت آيه .. وانت عشـق المستهـام
وانت نـادر فـي عيونـي يـا عيونـي وسعـدي


وانت والله يا ( صغير الحب ) مـن قبـل الفطـام
ما قصرت الفكر دونك .. لا ولا ضـاع جهـدي


انت امسي .. وانت انسي .. وانت جرحي والختام
وانـت والله يـا حبيبـي شمعـة اليـوم لـغـدي


انت غايـة مطلبـي يـا روح روحـي والغـرام
وانت شـف البـال والله وانـت غايـة مقصـدي


احسد البرقـع عليـك .. ولا حسـدت إلاّ لثـام !
كيف ما يخجل ! وليله ما غـدى عنـه اجـودي!


فوق خدك .. حب خالك ! وازعلوا منه العمـام !
كيـف يقـدر يستبيـح الخـد يـا خـد ٍ نــدي!


ترتدي ثوب ( الشرف ) و ( العز ) من فوقه وسام
كيف ما يصبح وسامك ! وانت ( عـزّه ) مرتـدي


بنت شيخ ٍ ما ( توانى ) .. ما يفك إلاّ ( الزحام )
فزعة اللي ينتخـي ويصيـح تكفـى يـا سنـدي


و ( الحظيظ ) اللي قرب حظه من حظوظ الكـرام
ما خشى شر الزمان .. ولا خشى الحظ الـردي!


اتـرك الواقـع واعيشـك فـي خيالـي بنسجـام
واربـط الواقـع بأحـلام الخـيـال السـرمـدي


مـا بغيتـك فالظـلام .. ولا بغيتـك بالحـرام !
مـا بغيتـك غيـر بالعـز الشريـف المقـتـدي


مـا بغيتـك بالتلاعـب .. مـا بغيتـك بالـكـلام
مـا بغيـت إلاّ اخـوك يصيـر خـال ٍ لولـدي


لك جنوني .. لك ظنوني .. يا حبيبـي والسـلام
وانت غالي .. ثم غالي .. ثم غالي .. يا سعـدي


مما اعجبني





>>>>> ردود الأعضـــــــــــــــــــاء على الموضوع <<<<<
==================================

ذائقه رفيعه
يعطيك العافية


__________________________________________________ __________
الذوق هو مرورك على المواضيع وتشجيعك ياعسل


__________________________________________________ __________
كثر من رائعه
دمتي بود


__________________________________________________ __________
ياسلام ياسلام قد أيه حلو الغرام ايش هذا الذوق وايش هالقصيدة والله أكثر من رائعة تسلم اليد اللي كتبتها يا احلى مشرفة


__________________________________________________ __________


ٍسلمت يمينك


[IMG]https://abeermahmoud07.******.com/621-waitting-AbeerMahmoud.gif[/IMG]



اممممم اعجبتني ..بس قولي اميين اذا مو متزوجه ربي يرزقك بحب مثله ..واذا متزوجه ربي يجعله يسخرة لك ومايشوف الا انتي ..والشايفين ههه..وانا ..ههههه تحياتي