ياهـم والله مابقـى فيـك حيلـه
يكفي ترى فكري جنونـي سرابـه
ولاعدت أميز بين شمسـه وليلـه
غموض يملكني وأنا فـي غرابـه
وأسري مع الهاجس وروحي عليله
والنوم حتى النـوم عينـي تهابـه
وسيرت رجلي بالدروب الطويلـه
عله يموت الجرح ويبرى صوابـه
لا مات جرح وزاد حمـلٍ اشيلـه
ورجعت من دربـي وكلـي كآبـه
وجتني همـومٍ تنتخيبـي دخيلـه
قلت أقبلي حبٍ وعطـف وذرابـه
لا ضاع هم النـاس قلبـي دليلـه
قلبي وأعرفه كاسـر الهـم بابـه
بس أرفقي وانتي بصـدري نزيلـه
تـراه ينـزف والمواجـع تشابـه
دام الصبر حـيٍ يراعـي خليلـه
بصبر ولو زادت همومـي عذابـه
وفي قمة أحزانـي ودنيـا بخيلـه
سافرت مع جرحي وهمي زهابـه
هي علتٍ وسط الضلـوع النحيلـه
تصرخ تقول اليوم زهـرة شبابـه
وأنا الضحيـه يازمـن زاد ميلـه
جرحٍ ورى جرحٍ ولسعـات نابـه
وأصوات خيـلٍ يعتلينـي صهيلـه
جيش الهموم اللي بصدري عثابـه
كن الهموم اللـي بقلبـي قبيلـه
أردى رديـه ينتـسـب للذيـابـه
أبنسحب والشعـر بخلـي سبيلـه
مل الهموم وجرح قلبـي سطابـه
وكـل القوافـي تنحنيلـي ذليلـه
جتني توجـع وارتجـت بنسحابـه
وصلاة ربي عـد ماسـال سيلـه
على نبـيٍ شـرع ربـي مشابـه
حمدان الشمري
شــــــاعر
رد مع اقتباس
