عنوان الموضوع : غلطانه اللي تعشق اليوم رجال فن
مقدم من طرف منتديات المرأة العربية


اليوم لك ثاني مع راحة البال
وأنا بعد همي له ط§ظ„ظٹظˆظ… ثاني..


اليوم تاركني أناظر بالأطلال
صورة ,, رساله ,, حلم ,, جرح وأماني ..


ليلي قضيته بين همٍ وغربال
وأقول في نفسي حبيبي نساني ..


غنيت أنا عقبك من الضيق موال
يومك تسمع للطرب والأغاني..


لي دمعةٍ من فوق الأوجان تختال
يومك تلاعب مترفات المباني..


وبي عبرة منها المخاليق تهتال
ياعبرتي لاتفضحيني عشاني ..


ياعبرتي خلي لك الصدر منزال
لاهوب بك داري ولا هوب عاني ..


مشغول له في ترفة حالها حال
ماهوب فاضي لعبرتي أو جناني ..


في يوم واحد نسته كل اللآمال
وش عاد لو يدري بشوق غشاني ..


ماهوب مثل أول هذاك الغلا زال
عزاه كيف الود زال بثواني ..


أربع سنينٍ طوال ياكيف تنزال
وتحط في قلبك أحد مكاني !!.


ماكنت اظنك تجحد الود لاطال
اثرك على طريف وتبيني أعاني ..


قد قالوا إن البعد والصد قتال
وأنا اشهد انه علة بالمحاني ..


يومي أشوفك لابس بشت وعقال
والشارب الأسود وزول سباني ..


وعروستك من الحيا ترخي الشال
وترسل لها بسمةٍ تزيد امتحاني ..


دمعي بلا علمي على وجنتي سال
اشتقتلك ليتك تحس بحناني ..


ليتك تشوف الحال يامتلف الحال
بس التفت لي شوف شالله بلاني ..


نصيتها تضحك لها لاهيٍ سال
وأقول ياليته حبيبي نصاني ..


الله يادنيا التعاسه والأهوال
الله يستر وش يخبي زماني ..


غلطانه ط§ظ„ظ„ظٹ طھط¹ط´ظ‚ اليوم رجال
مهما حلف بالود يبقى أناني..


وقلب الرجال مابه من الحب مثقال
والبنت ترفه قلبها مايداني ..


حاولت أعبر والقلم في يدي مال
من هول مابي انعقد بي لساني .

م/ن




>>>>> ردود الأعضـــــــــــــــــــاء على الموضوع <<<<<
==================================

ليلي قضيته بين همٍ وغربال
وأقول في نفسي حبيبي نساني ..

كفشتك يارحله.....ابصم بالعشره انك صيته.....اللي في القصيده اللي قبل....لا تخافين محد داري...هذا سر بيني وبينك<<<<<فضحتيها....هههههههههه


__________________________________________________ __________
مما راق لي

الله يادنيا التعاسه والأهوال
الله يستر وش يخبي زماني ..
غلطانه اللي تعشق اليوم رجال
مهما حلف بالود يبقى أناني..
وقلب الرجال مابه من الحب مثقال
والبنت ترفه قلبها مايداني ..
حاولت أعبر والقلم في يدي مال
من هول مابي انعقد بي لساني .

صح لسان كاتبها وسلمت يد نقلتها

تقبلي مروري

((فراشة المطر))



__________________________________________________ __________
يعافيك رحول قصيدتك شيي ..عجبني هالشطر>>
غلطانه اللي تعشق اليوم رجال مهما حلف بالود يبقى اناني..

ايه والله هالبيت قصيده بحاله


__________________________________________________ __________
يومي أشوفك لابس بشت وعقال
والشارب الأسود وزول سباني ..


وعروستك من الحيا ترخي الشال
وترسل لها بسمةٍ تزيد امتحاني ..
رووووووووووووووووووووووعه يارحوووله
انفداك دايم جيبي قصايد كذا تكرهني اكثر بذا الرجال^_^
يعطيك الف عاااافيه وتقبلي مروري


__________________________________________________ __________
الله يعطيكـِ العافيه يارحولتي أبيات قويه تسلمين على نقلها


الله يعطيكـ العآآفيهـ على هالقصيدهـ ..
انا اشهد انه توجعـ القلبـ ,,