عنوان الموضوع : قطه سوداء ..اللي يفسر لي الله يعطيه مايتمنى - تم التفسير
مقدم من طرف منتديات المرأة العربية



السلام عليكم ورحمة ط§ظ„ظ„ظ‡ وبركاته ..


اتمنى تفسرون لي هالحلمين وربي راح ادعي لكم


الحلم الاول :.


كنت انا وابوي نمشي بالليل وفي البر وكنت خايفه مره مشينا الى ان دخلنا مثل الحوش


بعدين جلس ابوي وكان في بسه سودا وسمييينه مره وعورا جالسه على


الجدار وانا واقفه اقوله يبه قم انا خايفه في بسه تناظر لي قال ماعليك


اجلسي اجلسي لمن جلست جت البسه تمشي ووقفت قدامنا وتنحنحت


يعني قالت احم احم كذا وصوتها كان صوت رجال وجلست تتكلم بصوت رجال


بعدين سحبت يدي وجلست تبوسها وانا خاايفه واطالع ابوي


ابيه يسوي شيء لقيته مغمض ويقرا القران ويقولي اقري اقري بس انا


ماعرفت بس اقول اعوذ بالله اعوذ بالله واسكت


بعدين صحيت من الحلم ..

الحلم هاذا من زمان يمكن سنه او اقل ولا اذكر وقتها بالضبط



الحلم الثاني :.


تحلمت اني انا ومعي بنات بس ماعرفهم بالضبط في الدور الثاني في


بيتنا ( مع العلم ان الدور الثاني مهجور مايسكنه احد )


وكان في بسه سودا تطالعني وكنت اقول للبنات لاحد يروح هناك في بسه

بس البنات مايشوفونها محد يشوفها الا انا بعدين جلست اقرا اية الكرسي


والمعوذات وانا اقرا اشوفها تصغر تصغر لين طلعت صغيييييير مره يمكن كبر

الكاس



بعدين صحيت من الحلم

قبل اسبوع تقريبا ولا اذكر وقتها



.

.



اتمنى تفسرونها لي الله يجزاكم الجنه ...


انا عمري 20 باليقظه والمنام ادرس بالجامعه طالبه قسم دعوه مستوى رابع مو متزوجه ولا مخطوبه الحمدلله ما اعاني من مشاكل صحيه ولا عائليه

احافظ ع الصلاه بوقتها البس عباة راس واغطي وجهي
ابوي عمره في الستينات وملتزم الحمدلله
كلام البسه ماذكره زين بس اللي اذكره انه صوتها صوت رجال



اذا في سؤال بجاوب بس بليز ريحوني الله يريحكم






>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________


__________________________________________________ __________


__________________________________________________ __________


__________________________________________________ __________