عنوان الموضوع : روااية ((امسح بمنديل الأمل دمعة الياس .. واسخر من أحداث الزمن بإبتسامه)) قصة رائعة
مقدم من طرف منتديات المرأة العربية


((امسح ط¨ظ…ظ†ط¯ظٹظ„ ط§ظ„ط£ظ…ظ„ ط¯ظ…ط¹ط© ط§ظ„ظٹط§ط³ .. ظˆط§ط³ط®ط± من ط£ط*ط¯ط§ط« ط§ظ„ط²ظ…ظ† ط¨ط¥ط¨طھط³ط§ظ…ظ‡))




جميل أن تشعر أن معك أنسان يتقبله شعورك...
] ولكن الأجمل [
أن يتقبل هو هذا الشعور.
جميل أن يبادلك من معك الاحاسيس والمشاعر ...
] ولكن الأجمل [
أن يعمر هذا التبادل.
جميل أن تسمع من معك يناديك حبيبي في حضورك...
] ولكن الأجمل [
أن تسمع أنه ناداك بها في غيابك.
جميل أن تلعب دور الحنون لتكسب من معك...
] ولكن الأجمل [
أن تكسب من معك لأنك فعلاً حنون .
جميل أن تكذب لتتجمل في عين من معك...
] ولكن الأجمل [
أن تصدق لكي لا تقع من عينه.
جميل أن ينسى من معك العالم بين يديك...
] ولكن الأجمل [
أن يذكر لمسة يديك في زحمة العالم.
جميل أن يبكي من معك شوقاً إليك...
] ولكن الأجمل [
أن يبكي فرحاً بلقائك.
جميل أن ترسم ألف لوحه ولوحه...
] ولكن الأجمل [
أن ترسم أبتسامة وسط الدموع على وجه من تحب.

البـــــــارت الأول
:ليــــــــــــــلى ... ليــــــــــــــلى قومي
صحيت على صوت أمي العالي اللي تعودت عليه
فتحت عيوني بكسل و جيت ابقوم شفت امي تجلس على طرف السرير ...وحسيت ان وجهها متغير وكأنها كانت تبكي
واللي استغربت منه ابوي اللي واقف بعيد عند الباب ويناظرني ....بنظرات مبهمه
قلت لامي :خير يمه ........ في شئ؟!!
امي بجمود:قومي صلي الصلوات اللي فاتتك وتعالي في موضوع بنكلمك فيه انا وابوكي.
ماستغربت نبرة الجمود في صوت امي لانها دايماً
جافة معانا على عكس ابوي اللي كان يذوب حنان لنا
دخلت الحمام واخذت شاور سريع وانا افكر ايش ذا الموضوع اللي امي وابوي يبغوني فيه.....يمكن موضوع الشغل ...انا اشتغل ممرضة
وامي تكره شغلتي ....لانه وعلى حسب كلامها اللي تشتغل ممرضة ماتتزوج...ههههههه احسن اصلاً انا ماابغى اتزوج ابغى اقعد مع بابا طول العمر ....
خرجت من الحمام والافكار تاخذني وتجيبني
وبعد ماصليت اللي فاتني من الصلوات خرجت ادور امي وابوي لقيتهم بالصالة يتقهوون
والهم واضح على وجيههم




الوضع مـا يطمن..وأحس بمصيبه ..!!
لا ما اتشائم..بس هذا شعوري..
يمكن فراق.. وهم .. } ودنيا كئيبه ..
.. }ودنيا كئيبه .... }ودنيا كئيبه ..


قلت وانا اقعد جنب ابوي:مساء الخير لاحلى اب وام في الدنيا
كملت وانا اتلفت حولي بأستغراب:غريبة البيت هادي... وين البنات والعيال؟
امي:اتركي عنك اخوانك ...وخلينا في موضوعك
بلعت ريقي بصعوبة وانا احس ان الموضوع جدي وخطير
امي:قبل فترة جاء لابوك في الدوام رجال من نجد اسمه عبدالعزيز.....وسكتت فترة......
وبعدين كملت: يقول انه قبل عشرين سنة جاء هو وحرمته للطائف وهي كانت حامل
وجاها الطلق ووداها لمستشفى الولادة وبنفس الوقت كنت انا في المستشفى ابولد فيكي.
كأن معالم الموضوع بدأت توضح لي ...حسيت ان في غشاوة على عيوني ....وصدري يضيق ...واللي قهرني سكوت امي
قلت بقهر :كملي ليش سكتي
امي بحيرة:ماادري كيف صارت ...المهم بدلوا المواليد
وقالو للحرمه ان بنتها ماتت وانتي جابوكي لي
والحقيقة ان بنتي اللي ماتت وانتي جابوكي لي بالغلط
هنا حسيت ان الغرفة ضيقة و ماعاد فيها اوكسجين
حاولت اتكلم وانا اسحب نفس عميق: وانتم صدقتوه....التفت لابوي وقلت: انت صدقته اكيد يكذب والا ايش اللي عرفه بعد عشرين سنة بان بنته ماماتت وإني انا بنته
ابوي:ليلى انتي تعتقدين انك رخصية عندي
انا مافاتحتك في الموضوع الا و انا متأكد إنك بنته ...
انا ماادري كيف عرف او كيف وصل لعنوان البيت
بس انا متأكد انك بنته...
ليلى بحيرة:طيب ليه انت متأكد اني بنته؟
نزل ابوي راسه وقالت امي:قبل يومين يوم اخذك ابوكي للمستشفى علشان نشوف سبب الصداع اللي يجيكي بعض الاحيان
كملت عنها بعصبية:وقلتم انكم خايفين علي ولازم تسوون التحاليل علشان تتطمنون علي
وفي الحقيقة انكم تبغون تتأكدون اني بنتكم او لا.
ماردوا علي وجلسو ساكتين فترة
قمت وانا احس اني مخدره
..وماحسيت اني جرحتهم بكلامي لاني تحت تأثير الصدمة
....
التفت على صوت ابوي اللي واضح فيه الانكسار والضعف:ليلى انتي باقي بنتي لاتنسين امك اللي رضعتكي وابوكي اللي رباكي.. عارف صعب انك تستوعبين اللي صار بس ..........لاتكسريني ياليلى
كلمته الاخيرة اوجعتني حيل وتداركت الكلام اللي قلته
واني جرحته.......... رحت له ورميت نفسي في حضنه وهو حضني وشد علي وكأنه يبين لي انه لايمكن يتركني او يفرط فيني...........بعد فترة قصيرة وانا في حضن ابوي ابكي وهو يمسح على شعري......... قمت وانا امسح دموعي
كمل ابوي:ابو فراس (عبد العزيز)بيجي هو وولده فراس بعد المغرب ابغاك تتجهزين علشان تقابلينهم
قمت من عندهم وانا اقول:انشاء الله.

دوم أنا أبقى قويه .. بـس أحـس بإنكسـار
تدري وش يعني شموخٍ داخله يبقى ..} كسير ؟؟ ~...}كسير ؟؟ ~...} كسير ؟؟ ~
وصلت لغرفتي وفتحت الباب وصدمني المنظر اللي شفته............لقيت اخواني وخواتي متجمعين في غرفتي واللي واضح من ملامحهم انهم عارفين بالموضوع
اول مرة احس اني غريبة عنهم .......كنت واقفة عند الباب وهم كانوا بآخر الغرفة متجمعين جنب بعض وكأنهم كانوا ينتظروني
اول مرة اكتشف ان اخواني كلهم بشرتهم برونزية واني الوحيدة اللي بشرتها بيضاء بحمرة
اول مرة اكتشف ان اخواني يتشابهون ......وانهم يأخذون من ملامح امي وابوي الكثير ...بعكسي انا اللي ماأخذ لامن امي ولا من ابوي
ليش من قبل ماكنت ادقق على امور الشبه ...انا عمري ماقد سئلت نفسي ليش انا ما اشبه لهم
كل هذي الاشياء تأكد أني ماني بنتهم
صحيت من سيل هذي الافكار بيد تمسكني من كتوفي كانت اختي مدى
مدى:اختي الكبيرة
كانت تبكي...... بس بصمت وهدوء
وكانت تضمني بهدوئها البارد
ومانطقت بحرف واحد
ضلينا واقفين.... متعلقة عيوننا ببعض ....احس كل ماجيت
اتكلم ....... خنقتني العبرة ...نزلت راسي للارض لان الموقف فوق طاقتي واحتمالي ...سحبتني هدى لحضنها ..........هدى هذي كانت نقيضي ......................
انا وهي مثل الموجب والسالب ما نجتمع على شئ واحد
كانت تضمني بهستيرية .................
وقالت لي بصوت مبحوح من البكاء:
لاتروحين خليكي والله ماعاد اتمشكل معك
كان قلبي يتقطع وانا اسمع كلماتها
كنت المس يدينها علشان أتأكد انه حلم ومو حقيقية
بعد ماتركتها تقابلت عيني بعين نصفي الثاني.....
ندى.... انااسميها نصفي الثاني لاني انا وهي مثل التوأم نفس الافكار والارآء
ماكانت تبكي زيهم بالعكس الوحيدة اللي شفتها مبتسمه من اول ماطاحت ذي البلوه على راسي
انا اكثر وحدة اعرف ندوي.... هي ماتبغى تبكي
علشان ماأضعف....وابقى قوية
ولكن راحت كل قوتها يوم حضنتها
ضمتني لصدرها بتملك
ضمتني مثل ام تضم طفلها
سحبت نفسي من حضنها وانا محطمة لان علاوي كان يسحبني من حضنها وانا لاول مرة اشوف دموعه...........
قلبه من ذهب .................كان يطالعني بعيونه المليانة بالدموع ......لأول مرة في حياتي أحس أن علي يحبني.....
يمكن لانه كان شديد معي ......ولايحب يمزح مع احد .....ودايم جدي....
........ كان يحضني ويبعدني عن صدره ويتكلم بكلمات مافهمتها ويرجع ويضمني


أنا ما فهتمه لأني كنت مصدومة أول مرة أشوف علي في هذه الحالة........
.بس اللي صدمني اكثر هو اللي كان قاعد ورى علي ....قاعد على الارض ورأسه بين ركبتيه ويبكي زي الاطفال>>> عبد الرحمن (حمني) :
انااحبه مره لانه ما قد رفض لي طلب مهما كان
انا وهو زي الاصحاب نحب نسمع لنفس الاغاني نتابع نفس الافلام ونحب نفس الممثلين والمطربين يعني كان مودنا واحد ..
انحنيت ومسكت بيده ووقفته بعدين حضني ......... بعد فترة سحبت نفسي ومسحت على شعره
وابتسمت له شبح ابتسامة وبعدها رجع لوضعه الاول وهو يبكي بحرقة
قلت لاخواني وانا احس اني جسد نزعت منه الروح:هذي حالتكم وانتم بتفارقون اخت وحدة....لكن وش حالة اللي بتفارقكم كلكم .........
بعيش عند ناس غرب يقولون عنهم اهلي
وكمان بترك شغلي ...وصاحباتي.
..........................
.........

كنت زي الغرقانه اللي تدور أي طوق للنجاة
او تنتظر المنقذ لها من هذة الدوامة
المنقذ الذي يقول لي انا كل هذا حلم
بس للاسف كل شئ حولي حقيقة
كنت اتوقع انه حلم وبأفوق منه
لكن بعد انكسار ابوي
وتوديع وبكاء اخواني
وامي اللي تتحاشى انها تطالعني
تأكدت انها حقيقة
قلت لاخواني:اطلعو ابغى اقعد بروحي شوي..
..احترمو رغبتي بأني بأقعد لوحدي ...فخرجوا وسكروا باب الغرفة وراهم
ونزلت دموعي الحارة وهي تحرق خدودي
عرفت وقتها ان الحزن اللي كنت احس فيه دائما
من يوم انا صغيرة.....هذا هو اللحين يظهر لي
.
..
...
....
......


ألم .. بيني وبين نفسي ..!!
يقول لي .. عطــــــني آمــــالک وخــــذ يـآسـي
وســـــوي من بقايا الحزن في ليـلـک
قصايد // تصبح وتمسي ..!!
وودعهم بعدــه الناس .. تراهم // ما يحبونک ..!!
ترى // ماعاد يبـونــک
لأنــــک .. تختـــلف عــــنهـم
وتلبس ثوبــک الأسود ..!!
مطرَّز بــ الحزن .. والخوف
لأنك تنظر لــ أبعد .. من حدود الــــنظر .. والشـــــوف
وأقـــــــول أحسـن ..!!
أودِّع ناس }
وتبــــکي نــآس
لأن عيون .. بعـــــض الناس
ماتبــــکي ..!!




وش هو شعوري ؟؟؟؟؟؟؟؟؟؟؟
بعد عشرين سنة وان اسكن في
هذي المدينة
هذا الحي
هذا الشارع
هذا البيت
هذا البيت الصغير اللي كل ذكريات الطفولة والشباب
بين جدرانه
في كل زاوية من هذا البيت لي ذكرى فيها حلوة ....او مرة
بأخرج من هذا البيت بذكريات
بس بأخرج بدون أهلي
طردت هذي الافكار من راسي لاني سمعت آذان المغرب ورحت الحمام اتؤضئ واصلي واتجهز
لاهلي الجدد



رَجَعْ العُمر اللي مات
والضحكات ... والآمال والأحلام والنشوّة بعد
وقمنا انشدد ايدي العمر..} ونترجاه يرحمنا..} ونترجاه يرحمنا..} ونترجاه يرحمنا
<<حان الموعد
خرجنا من الغرفة انا وابوي رايحين للمجلس........وانا افكر كيف شكلهم ....كيف بيستقبلوني .....بياخذوني اعيش عندهم .....اصلاً مارح ارضى اروح معهم ........احس انهم ناس غرب ماهم اهلي.......يمكن بس اروح لهم زيارات .......اما اني اعيش عندهم مستحيل ...احس ان قلبي بيطلع من صدري
حطيت يدي على صدري علشان أهدى شوي..
ابوي ناظرني بعدين مسح على شعري
وقال لي بهمس وحنان :لا تخافين ...انا معك
وبعدها سحبني من يدي ودخلنا
رفعت نظري لشخصان اللي وقفوا من اول مادخلنا انا وابوي ..........الاول كان رجال كبير بالسن..........
عرفت وقتها انه ابو فراس ..........والثاني شاب ثلاثيني وسيم عرفت انه فراس ..........كانت ملابسهم فخمة مرة تدل على انهم اغنياء



قطع علي تأملي صوت ابوي
وهو يقول لي: روحي سلمي على اهلك
رحت عند ابوي (ابوفراس) اللي كان فاتح ذراعيه
وضمني بقوة وكأنه يعبر لي عن شوقه .............. ابعدني عن صدره بهدوء ...حضن وجهي بيدينه
وقال بغصة :اخيرا شفتك يابنتي كنت حاس انك ما متي
وحتى امك كانت حاسه انك عايشة
كانت امك تبغى تيجي بس انا قلت ماله داعي
انا وفراس بنجي لطايف وبنأخذ بنتنا ونطير لرياض
بعد جملته الاخيرة حسيت بالعبرة تخنقني
والتفت لأبوى (ابوعلي) وعيوني كلها رجاء انه مايخليني معهم بادلني ابوي النظر بس كانت نظراته نظرات ضعف وقلة الحيلة
التفت على صوت اخوي الرجولي
وكانت الابتسامة العريضة شاقه وجهه
كان رزه .....طول وعرض .......وكان فيه وسامه خليجية
قال بابتسامة:ياهلا والله بأختي انا فراس اخوك الكبير
قالها وهو يسلم علي وقعد يتأملني فتره
انا انحرجت ونزلت راسي
ضحك على حركتي: ههههههههههههههههه
وقال:ماشاء عندي اخت زي القمر
جلسني بينه وبين ابوه
و قعدو يتكلمون عن عايلتهم........ العائلة الكبيرة اللي في الرياض ..............
ما فهمت من كلامهم إلا اشياء بسيطة.....زي إني البنت الوحيدة
وأمي اسمها مناير
واخوي خالد الدكتور ...........وواحد اسمه يزيد يشتغل مع ابوي وفراس بنفس الشركة

وان كلهم فرحوا بخبر رجعتي ....ومتحمسين لشوفتي.
.............ماكان بالي معاهم........
كان بالي مع ابوي جالس اللي ......بعيد عني وانا بين كل فترة والثانية اطالعه لعل وعسى يقول لي ان كل هذا
وهم
حلم
حتى ولو كانت مزحة
حسيت بيد تهزني بشويش التفت له كان ابوفراس ....
يهزني ..شكله لاحظ اني مسرحه .وماني معاهم...
ابوفراس:نجد حبيبة ابوكي ليش ماتردين علي.
..
ليلى بجفاء:انا اسمي ليلى مو نجد
ابو فراس بود:خلاص حبيبيتي اللي تبغينه ليلى ليلى
شكل فراس لاحظ جفائي في الكلام وتدخل عشان يلطف الجو
فراس:بكره انشاء الله طيارتنا للرياض
ماتدرين قد ايش الاهل هناك متلهفين لشوفتك.
كنت هادية وانا اسمع حديثهم ألين قال فراس جملته الاخيرة قمت من بينهم زي المقروصة ورحت لخضن ابوي(ابو علي)

طالعو في بعض مستغربين حركتي الطفولية
ابوفراس باستغراب:ليلى ايش فيكي ..........اخوكي ماقال حاجة غلط .....انتي بنتنا ولازم ترجعي معانا للرياض
كان همي الوحيد في هذي اللحظة اني ما افارق ابوي اللي يحضنني ويمسح بيده على رأسي
بعد دقائق رفعت نظري لابوي وانا على نفس الوضعية
ابغى استنجد فيه ....ابغى احس بالامان...ماابغى اروح معهم
قلت برجا: بابا لا تخليهم ياخذوني
بابا انا مااقدر اعيش بعيد عنك...
هنا ماقدر ابوي يحبس دموعه
شفت دمعه متمردة عاندت عينه ونزلت
بس إيدي كانت اسرع فمسحتها قبل لا يشوفون ضعف ابوي
تذكرت كلمته يوم قال>لاتكسريني ياليلى
بحركتي هذي كسرت ابوي وبان ضعفه
قلت وانا اعتدل في جلستي :اسفة....."مسحت دموعي بظهر ايدي وكملت".....يبغى لي وقت علشان اتعود.
قال ابو فراس بنبرة حزن :يابنتي ليش الدموع انا عارف انه صعب عليكي بيوم وليلة يتغير كل شئ بحياتك .........اهللك ,بيتك ,مدينتك
وانا مارح احرمكي من اهللك في أي وقت انتي تحبين تشوفينهم اجيبك لهم
ماعاد ابغى اشوف دموعك تراها غاليه عندي.
واليوم انا واخوكي عازمينك على العشاء.
هااه ايش رأيك؟
اكتفيت بهز رأسي بالايجاب احس ماعاد فيني حيل اتكلم
قال :اجل روحي تجهزي
رحت للغرفة عشان اتجهز
اول مادخلت الغرفة مسكوني اخواني وامي بالأسئلة حسيت اني في مؤتمر صحفي
حاولت اجاوب بسرعة وبأختصار وانا قاعدة ادور على العباية والطرحة قالت ندى وهي توقفني عن الحركة:بتروحين... خلاص بياخذونك!
قلت: لا... بس عازميني على العشا

بعد ربع ساعه خرجت لهم وانا ألبس العباية
رفع ابوفراس و فراس نظرهم لي ووقفوا
وقال ابو فراس: يالله مشينا
وعند باب البيت وقفهم صوتي وانا واقفة قدام ابوي (ابو علي) وانا اقول له برجا :بابا تعال معانا.
.
تقدم مني ابو فراس وقال: انا ابوكي وهذا اخوكي تخافين تروحين معانا لوحدك

هنا انا وبعد كلام ابو فراس انفجرت وقلت بغضب:اشلون ماتبغوني اخاف وبين يوم وليلة تغير كل شئ .....ليش انا حديد ماحس وإلا جماد ماعنده مشاعر وإلا انــــــــــ
ابو علي قاطعها بغضب: لـــيـــلى
((ابو علي عصب من ليلى لانها عمرها مارفعت صوتها على اللي اكبر منها وهذا مو أي احد...... هذا والدها))
اما انا تداركت ثورتي المفاجئة في وجه ابو فراس ...هو ماقال حاجه غلط .. بس ما ادري احسه السبب في كل الحزن والعذاب اللي انا فيه ....
طالعت في ابو فراس اللي باين عليه الانكسار وكرهت نفسي..... مهما كانت صدمتي من الحقيقة عيب وحرام اللي سويته .....مهما صار هذا ابوي ولازم احترمه.
تقدمت من ابو فراس وحبيت راسه وقلت:انا آسفة والله ماكان قصدي أأرر...وتلعثمت
.وماعرفت وش اقول بعدها.....وفضلت السكوت
حضني ابو فراس وقال:لا تعتذرين وانا ابوك
انا ما ألومك اللي مريتي فيه ماهو هين بس حاولي يابنتي تتأقلمين مع الوضع لا ن باقي المشوار قدامك طويل انتي باقي بتقابلين امك واخوانك وجدك وجدتك واهلك.........فلتني من حضنه بهدوءوقال وهو مركز عيونه بعيوني: يعني ابغاكي تكونين قوية.
بصراحه ارتحت كثير من كلامه بس لساني انربط عن الرد
اكتفيت بأبتسامه في وجه ابوي الجديد
فراس حب يلطف الجو فقال بضحك:هاه خلص الفلم الهندي وإلا باقي.
ضحكو كلهم على تعليق فراس وحتى انا ضحكت معهم.
قال ابو فراس :قدامي يالله شغل السيارة ..وألتفت على ابو علي يبغى يعزمه على العشا
لكن ابو علي رفض وقال:بكره انشاء الله غداكم عندي ياابو فراس لا تنسى .
ابو فراس : انشاء الله
ابوعلي : مع السلامة
انا وابو فراس:مع السلامة
باسني ابوي على راسي ودخل داخل البيت و خرجت مع ابو فراس وركبنا السيارة رايحين للمطعم...............



>>>في سيارة ابو فراس
ابو فراس وفراس كانو راكبين قدام وانا ورى
وعرفت ان المطعم اللي بنروح له في الفندق الي ابوي وفراس قاعدين فيه
ابو فراس:اول مانوصل الفندق راح ادق على امك علشان تكلمينها
فراس:ياعمري عليها من اول ماوصلنا الطايف وهي كل شوي تدق ها رحتم لبنتي وإلا باقي
وماهدت إلين تحلف فيها شيبتها
تحمست للسالفه وخصوصا لامي اللي ازعجتهم بس علشان تسمع صوتي يمكن لاني عمري ماعرفت هذا النوع من الاهتمام >اهتمام الام<
لان امي عمرها ماقد اهتمت فيني او سألت عني
ضحكت في سري وقلت يمكن كانت حاسه اني ماني بنتها طردت هذي الافكار
وتعوذت بالله من الشيطان وسألت فراس :وبأيش هددها..........ابوي؟
حسيت ان ابوفراس استانس من كلمت ابوي لانه التفت علي اول ماقلتها وابتسم لي
فراس: هههههههههههه قال اذا قعدتي على ذا الحال كل شوي داقه ومزعجتني
ماني بمخليها تكلمك.
ليلى بحنية:حراااااااااااام
ابو فراس:ههههههههههه دقيت قبل شوي و طمنتها وقلت انك بتكلمينها اول مانوصل المطعم
ماتتخيلون قد ايش انا فرحانه اني ابسمع صوت امي.....
بس فجأة تذكرت السالفة اللي صارت زمان ...سالفة تبديل المواليد .....في اسئلة كثيرة في بالي لازم يجاوبون عليها....لان السالفة محيرتني ..
تشجعت وقلت:يبه ....."التفت علي وانا كملت بثبات".....عندي اسئلة كثيرة بخصوص السالفة القديمة ....يعني كيف اكتشفتم سالفة التبديل ....
قاطعني ابوي :اسمعي ياليلى انا بقول لك السالفة كاملة
....سالفة تبديل المواليد كانت مقصودة.
خرجت عيوني لقدام وانا اقول :كيف يعني مقصودة؟
ابوي بحزن :كان في رجال زمان بيني وبينه عداوة في السوق .....فحب انه ينتقم مني ......لما جينا انا وامك لهنا.... لحقنا كان قصده ينتقم مني ......في امك واللي في بطنها
بس امك جاها الطلق ووديتها المستشفى .......
وهو طبعاً عطى رشوة للممرضة عشان تبدل المواليد.
وتقول ان بنتنا ماتت... وانتي عطتك لامك اللي ربتك على اساس انك بنتها
وكمل بحقد :يبغى يحرق قلبي الله يحرق قلبه.
اما انا احس اني في عالم ثاني ......معقولة في ناس توصل فيهم درجة الحقد والانتقام الى انهم يحرمون ام من ولدها ...
سألت وانا مذهوله :طيب وانت من متى عرفت .....وكيف لقيتوني؟
ابو فراس:قبل ستة شهور اتصلوا فيني اولاد هذا الرجال
وقالوا لي ان ابوهم يبغاني ضروري .......رحت له لاني عرفت ان الرجال على فراش الموت ....قلت يمكن يبغى يستسمح مني على العداوة اللي كانت بينا .......بس كان الخبر اللي قاله..... انه بدل المواليد زمان........ عشان يحرق قلبي وينتقم مني ......واعطاني اسم ابوعلي الكامل .

فراس :اما سالفة كيف لقيناكي .....فهذي بسيطة رجعنا لارشيف المستشفى ......واخذنا العنوان منهم.


تمنيت لوكان هذا الرجال بين يديني في هذي اللحظه علشان اقطعه باسناني .........هدم حياتي وبعدني عن اهلي الحقيقيين .....علشان انتقامه من ابوي ......
سألت ابوي :الرجال حي وإلا مات ؟
ابوي :مات من شهرين
فراس :الله لايرحمه
ابوي :اللي فات مات وحنا عيال اليوم .......اتركوا الماضي ....يكفي العمر اللي ضاع واحنا بعيدين عنك .......
فراس بوناسه:من اليوم ماعاد في حزن ......نبغى نستانس
هاه ايش رايك ليلى؟.
استانست من كلام فراس ....من جد مافي داعي للحزن .
ليلى بفرحة :ههههههه اكيد ...نبغى نستانس
اخذ فراس شريط وحطه في المسجل ورفع الصوت



وكانت اغنية الاطلال ............. لعلي بن محمد


على الاطلال لاتبكي.
كفى تبكي على الاطلال .
تناسى الهم يا قلبي
كفانا غربلة وهموم
تعال أحسب معي الأيام
وكم ليلة بليا وصال
خلاص الماضي مايرجع
ترى حنا عيال اليوم
















وصلنا الفندق وحنا مبسوووووووطين ومروقين
وانا انبهرت من كبر حجمه وروعة تصميمه .....والمساحات الخضراء والنوافير .........وقفت السيارة عند المدخل ونزلنا وفراس اعطى المفتاح لحارس الامن .......... دخلنا الفندق وركبنا الاصنصير
وطلعنا فوق للمطاعم
فراس يكلم العامل:حجز بأسم فراس عبد العزيز
العامل:غرفة 3
لحقت ابوي وفراس لين الغرفة حقتنا واول مادخلنا
جلس ابوي وفراس بعد ماسلموا
اما انا تميت واقفة
مستغربة من الرجال اللي قاعد على طاولتنا
ويناظـــــــرنـــــــي وهو مبـــــــتـــــــسم

نهــــــــ البارت الاول ــــــاية

اتمنى اشوف التفاعل منشان اكمل البارت الثاني




>>>>> ردود الأعضـــــــــــــــــــاء على الموضوع <<<<<
==================================

شكلها القصة حلووة وما ادري لها طابع غريب يختلف عن معظم القصص الي قريتها
انتظر التكملة بكل شوق
وسلمت يداك يا عسولة


__________________________________________________ __________
الــــــراويـــــة شكلــــها حــــــــلوة
بــــس
إن شـــــــاء الـلـه
ماتــــطلـع طويــــلـة مـــرة
لأنــو أنــــا ما أحـــب
الـروايـــــات الـــــطويــــلـة
والـــي ما تـــخلص بسرعــة
يعني
مايكملوها بسرعة
بــليــــز
كمليها بسرعة
وإن شــــاء الله
حيكون في تــــفاعل




__________________________________________________ __________
اوكي راح اكمل


__________________________________________________ __________
البـــــــارت الثـــــــاني
.......
.....
..
.
... تشبه الليـل يمكن في هدوءهـ .. في سكاته ...
... بس فيك من النهار الصدقــ.....} وأشياء كثيرهـ ...
.....} وأشياء كثيرهـ ...

.....} وأشياء كثيرهـ ...
......
...
..
.
التفت لي فراس وقال:ليلى اعرفكي هذافيصل ولد عمي نايف

قعدت جنب ابوي وانا مستغربة حيل ومانطقت ولا بكلمة ........بس فجعني يوم سمعت صوته:هلا والله ببنت عمي ......اشلونك؟
رفعت راسي وطالعت ابوي لقيته مشغول بالجوال شكله بيدق على امي امافراس فكان مشغول بالمنيو رديت بصوت منخفض:هلا بك.........الحمد الله بخير
......قعدنا ساكتين فترة طويلة...
ناظرني فراس وقالي :ايش اطلب لك؟

ناظرت فيصل وشفته يناظرني.... اصلاً من اول ماجلسنا وانا احسه مراقبني.
قلت وانا اناظر فراس:أي شئ على ذوقك
ابو فراس تدخل في السالفة وقال بود:اطلب لك لازانيا مثلي.
ليلى بأبتسامة:طيب.
فراس:شف.....توك تقولين على ذوقي.
ابو فراس : اقول لا يكثر ....اطلب اثنين لازانيا على بال مانروح انا وليلى الغرفة علشان تكلم امها
فراس:وليش ماتكلمها هنا؟
ابوفراس بأرتباك : جوالي طفى شحنه باروح الغرفة اشبكه ونكلمها هناك وبنجي.
توقعت ان فراس بيطول السالفة وبيقول اعطيك جوالي وإلا جوال فيصل ....بس الحمد لله ماتكلم لاني مستحيل اتكلم وهالفيصل قاعد
شفت ابوي يقوم وهويقول:يالله ليلى
ماصدقت على الله .....اخيراً بفتك من نظراته ...لكن وقفني صوت فراس:ايش تحبين تشربين؟.
ليلى بضحك:لا.... هذي المرة على ذوقك.
فراس:بس مو لاجاء ابوي تسحبين علي وتختارين على ذوقه
ضحكت على كلامه وخرجت من عندهم لاني سمعت صوت ابوي يستعجلني
>>>>>>>في الجناح
كان جناح فخم مرة........ الوانه عودي مع ذهبي ........... وإلا الاضاءات الخافته اللي معطيه جو خيالي كان من جد فخامة
ابوفراس:انا جبتك هنا علشان تاخذين راحتك وانتي تكلمينها وانا بطلع استناكي بالغرفة الثانية.
رحت وجلست جنبه على نفس الكنبة وحاوط كتوفي بيده
ليلى بخوف:لا ..خلك معي
رد علي بابتسامة يطمني فيها
اتصل وفتح الاسبيكر من الرنة الاولى ردت امي عرفت انها كانت تنتظر هذا الاتصال وكان صوتها مبحوح شكلها كانت تبكي
ام فراس بلهفة:هلا يابو فراس هاه....قابلت بنتي ...
كلمتها ..كيفها .....هي عندك ذلحين عطني اياها ابكلمها
ابو فراس بضحكة:ههههههههههههه علامك يام فراس ...حبة حبة ....واذا على ليلى هاذي هي جنبي... خذي كلميها
مد لي بالجوال
اخذته ويديني كانت ترجف ....واحس ان حلقي جاف ....احس اني اذا نطقت بحرف واحد راح ابكي
واول ماسمعت صوتها بكيت.........كانت تناديني
كانت تقول اسمي بعذوبة .........الحنية اللي في صوتها خلت دموعي تنزل بدون استئذان
ام فراس:ليلى يمه ..ردي علي ياروح امك .
لما سمعت صوت شهقاتي قالت :ليه تبكين ياقلبي ....يمه ليلى ردي علي ..سمعيني صوتك
ليلى بصوت مبحوح:هلا يمه .........اشلونك؟
ام فراس بلهفة:هلا بك ياعمري ..فديت صوتك يمه ..انا بخير يوم سمعت حسك ..انتي اللي بشريني عنك يمه ...ومتى بتجين ...واضمك لصدري ... واشم ريحتك ...وتنامين في حضني.
ابو فراس بضحك:ههههههههههه شوي.. شوي على البنت ..ام فراس :ايه اضحك وانبسط ....كحلت عينك بشوفة ليلى....وانا هنا قاعدة على نار استنى جيتها ......
اخذتنا السوالف ولا حسينا بالوقت وكان اغلب الكلام لأمي ........كانت تسأل وانا اجاوب وكان ابوي يعلق ويتريق عليها .....حسيت بوناسة وتمنيت ان الوقت يمر بسرعة واروح اقابلها واشوفها لان ابوي يقول اني اشبهلها كثير
قطع علينا دخول فراس :يالله ياجماعة الاكل بيبرد .....انتبه للجوال وقال :انتم باقي تكلمون امي
اخذ ابوي الجوال وقال : اللحين خلاص تطمنتي على ليلى ....يالله اللحين بنسكر علشان بنروح نتعشى.
ام فراس:باقي ماشبعت من صوت ليلى.
ابو فراس :ابرسل لك رقمها واذا ردت البيت كلميها.
ام فراس بأستسلام:انشاء الله ..
ابو فراس :مع السلامة .
ام فراس:مع السلامة .
فراس :يالله مشينا .
ليلى بحيا :ابغى اغسل وجهي .....وين الحمام
فراس:هههههههههه بصراحة ليول طالع شكلك حلو مع خشمك الاحمر.
ليلى بحرج:ههههههههههه عارفه ان شكلي حوسه .
فراس :ههههه الحمام على ايدك اليمين .
ليلى: خلاص انزلوا وانا ابلحقكم اذا خلصت.
فراس وابو فراس: طيب
وطلعوا......
رحت الحمام علشان اعدل شكلي ...كنت ابغى اقعد بروحي شوي استوعب اللي صار ...صوتها ونبرة الاهتمام اللي كانت واضحة من صوتها تخليني غصباً عني اتلهف لشوفتها ....بس انا ما ابغى اترك ابوي وامي واخواني ..بيتي ....شغلي ...صاحباتي
نزلت الطرحة وبدأت انفض شعري ورجعت لميته.... وانا اغسل في وجهي واعدل الميكاب حسيت بحركة في الجناح ....خفت كثير فبسرعة لبست طرحتي واخذت شنطتي وصدمني اللي واقف عند الباب ويناظرني.
ليلى بخوف:بسم الله
فيصل بأبتسامة :ويش فيكي ....خرعتك؟
تقدمت منه علشان اطلع بس هو ماتحرك من مكانه
ليلى بأرتباك:لوسمحت ...ابغى امر
فيصل توه ينتبه لوقفته الغلط :اسف ....ووخر عن الباب وقال:..تفضلي
اول ماوخر عن الباب مريت بسررررررعة من جنبه بدون ماتكلم ....خرجت من الجناح وانا افكر..من متى وهو واقف ويناظرني ....وايش يبغى لاحقني للجناح ...شكله راعي بنات ..على الطاولة قطعني بنظراته ...مااحترم لا ابوي ولا فراس.........
طردت الافكار من راسي لاني وصلت عند ابوي وفراس
فراس بمزح :هلا بالشيخة .. كان ماجيتي.
ليلى بحرج:سوري
فراس: هههههههههه ياعمري صدقت ....ترى امزح.
ابو فراس: ليلى لازم تتعودين على مزحة الثقيل .
فراس بأستغراب مصطنع :انا مزحي ثقيل!
ليلى :ههههههههههههه
ابو فراس:ههههههههههه ايوه انت ..........يالله سموا بالله .
ابو فراس وكنه توه تذكر فيصل:إلا وين راح ولد عمك؟
فراس بلامبالاة :يقول صاحبه تحت يستناه .....بيعطيه اوراق للشغل وبيجي.
الحقير خدع فراس وقال له بينزل يقابل صاحبه تحت وهوطالع فوق يلحقني.....
دخل علينا فيصل وكانت ريحة عطره قويه
ضحكت في خاطري ...اكيد لازم يتروش بالعطر لزوم المغازل وقلة الحيا...
مارفعت عيني فيه وظليت اكل بهدوء
بس رفعت راسي لما سألني فراس:ليلى انتي دخلتي الجامعة؟ ليلى:انا اشتغل ممرضة في مستشفى الــــــ......
ابو فراس بأستغراب :وش الله حادك؟
ليلى :ابوي رجال كبير في السن ومريض ....كان لازم اشتغل واساعده......موبس انا كل اخواني موظفين ...اهم شئ عندنا راحة ابونا.
ابوفراس :بس انتي توك صغيرة ....اشلون ابو علي رضى انك تشتغلين.
ليلى تنهي الموضوع:هذي كانت رغبتي.... وابوي ماجبرني على شئ...........ناظرت ساعتي وقلت: انا تأخرت ولازم ارد البيت .
حسيت ان نظراتهم مركزة عليه .....يمكن مستغربين الكلام اللي قلته بس انا معاي حق ......من واجبي اني اريح ابوي في كبره....ولا اقصر معاه ..لانه عمره ماقصر معي من وانا صغيرة ....رباني احسن تربية وعلمني في احسن المدارس
فراس :خلاص انا بوصلكي.
قمت معاه بس التفت على ابوي وبست راسه:آسفة يبه اذا كنت ضايقتك .
قام وضمني له وقال:معقولةانا اتضايق من احلى بنت في العالم.
فراس: هههههههه يبه ماكنك بالغت شوي ..وإلا اشرايك يافيصل؟
فيصل :هههههههههههههه ايش تبغى في رايي ......اخاف ما يعجب بعض الناس؟
رفعت حاجبي ....بس من جد قهرني ..ايش يقصد او لأيش يلمح ....اني ماني حلوة وان ابوي يبالغ ....
رديت عليه بكل غرور:اهم شئ ان ابوي شايفني احلى بنت في العالم .
حسيته فهم ان رأيه مو مهم عندي علشان كذا رد يبغى يقهرني :اي ابو فيهم عمي وإلا ابو علي؟
ليلى وهي تأشر بيدها :الأثنين .
فراس يتدخل علشان ينهي السالفة :يالله ياليلى مشينا
ليلى بأبتسامة: يالله.............التفت لابوي وقلت :مع السلامة
ابوي وفيصل :مع السلامة

>>>>>>>>في سيارة فراس
حسيت ان عندي فضول اعرف عن عايلتنا ....فتشجعت وسألت فراس
ليلى :فراس ...انت متزوج وإلاباقي..؟
فراس كنه ماصدق احد يسأله جاوبني بلهفه:انا مملك على فاديا بنت عمتي فوزية من سنة تقريباً
ليلى بأستغراب:من سنة !
فراس :ايوه من سنة
ليلى :طيب ليش ؟
فراس :ألين ماتخلص دراستها
ليلى :وهي ايش تدرس ؟
فراس: طب ....
ليلى: اها ......طيب ممكن سؤال ؟
فراس :ليلى اسألي عن أي شئ ....وياليت بدون ممكن .
ليلى :هههه طيب..........انت تحبها؟
فراس:إلا اموت فيها ........زمان كنت اقول انه حب مراهقه وبيروح ...بس لما سافرت على امريكا علشان الدراسة حسيت اني مشتاق لها وان مافي أي بنت عبت عيني مثلها ....درست هناك خمس سنين وبعدها رجعت وانا حاطها في بالي ....بس قالوا ان البنت تبغى تكمل دراستها ...وانها ماتفكر في الزواج .... صبرت ورجعت لامريكا علشان اكمل الماجستير والدكتوراة
ولما رجعت كانت هي باقي لها سنتين خطبتها من جديد
وقعدنا سنة مخطوبين وبعدها اصريت على الملكة...وكمل بفرح : وانشاء الله الزواج في الصيف .

ليلى بأبتسامه:وهي تحبك ؟
فراس: هههههههههههه اكيد
ليلى بحب:الله يوفقكم ويسعدكم ........فراس حكيني عن جدي وجدتي و اعمامي
فراس :جدي اسمه محمد وجدتي اسمها منيرة
1-واكبر اعمامي (نايف) الله يرحمه وزوجته اسمها حصة
و ولدهم الوحيد فيصل 34سنة....اللي تو كان معنا في المطعم.
2-ثاني واحد.. ابوي(عبد العزيز)وامي مناير
طبعاً اكبر واحد انا (فراس)33سنة....
وخالد...31سنة ..............ويزيد 29سنة
3-عمي عبد الهادي وزوجته اسمها فاطمة
بندر28سنة
سامية 24سنة
عهد 19سنة
4-عمتي فوزية متزوجة خالي احمد اخو امي الوحيد
راكان 30سنة
فهد28سنة
فاديا 27سنة
ارتحت كثير بالكلام معه....فراس من الناس اللي تتعود عليه بسرعه....وتحس انك تعرفه من زمان....تذكرت سالفة طيارتنا اللي بكرة...

ليلى : فراس انت قلت ان طيارتنا بكره ......بس انا مابغى اسافر كذا بسرعة يعني اعطوني فرصة كم يوم.
فراس :بس امي قلنالها ان بكره بنرجع .........وكمان حجزنا الطيارة .
ليلى :فراس دخيلك افهمني ابغى وقت علشان اودع اهلي وعمامي وخوالي وصحباتي في الشغل .
فراس :يعني كم يوم ؟
ليلى بحيرة:والله ماادري ؟ ........بس صدقني مارح اطول .
فراس وهويمسك ايدي ويضغط عليه:خذي راحتك
وصلني البيت وعطيته رقمي علشان امي وودعته ونزلت.
دخلت البيت ومثل ماتوقعت ابوي قاعد يدور في الحوش يستناني ....هذي عاده في ابوي مايرتاح اذا كان واحد منا برى البيت ...ولا يمكن انه ينام الا اذا تأكد ان كل واحد منا في فراشه نايم
اول ماشافني تقدم مني وهويقول بعتب :ليش تأخرتي ...قلقت عليكي .
ليلى:اسفة يبه .......بس ماحسيت بالوقت.
مسكته مع يده ودخلنا وانا اقول له :يالله يبه على فراشك .....المفروض انك في فراشك من الساعة عشر.
ابوي:مافيني نوم ...تعالي اقعدي معاي وحكيني ايش سويتي اليوم.
ليلى بحب:بكره انشاء الله ...انا كلمت فراس وقلت له يأجل السفر.
وصلت ابوي لغرفته بسته على راسه :تصبح على خير
ابوي :وانتي من اهله

رحت لغرفتي ورميت نفسي على السرير ... وانا افكر في الاحداث اللي مرت علي اليوم..... اليوم هو اطول يوم في حياتي ....سمعت دقات على الباب .....تنهدت بقوة لا هذا اليوم ماهو راضي يخلص وينتهي
قلت بصوت عالي:تفضل
دخلت ندوي وجلست قدامي على السرير وقالت:احسبكي نمتي
قمت بتعب وفصخت عبايتي وقلت:بأبدل وانام
رحت لدولاب اطلع بجامتي وندى تقول :يعني طرده.
انسدحت وحطيت راسي على رجولها :ندى قوليلي انه حلم.
ندى بحزن:حبيبتي لازم تتقبلين الحقيقة عشان ماتتعبين.
رفعت راسي وقلت بعيون مليانة دموع :تعبانه ياندى .
ندى حبت تغير السالفة فقالت :تدرين ان امي قالت لخالتي جوهرة عن سالفتكي....وعاد تعرفين خالتي (بخور السوق)
ماخلت احد من الجماعة الا قالت له ..........."وكملت" بمرح:وتوالت الاتصالات علينا من خوالي واعمامي للتأكد واخذ الخبر من مصادر موثوقة.
ليلى :وأيش كانت ردة فعلهم؟
ندى تكمل بأستهبال:تنوعت ردود الافعال مابين مستنكر ومستغرب ومصدق والغير مصدق والــــــ
قاطعتها :خلالالالالالالالالالالاص. ...اطلعي ابغى اناام.
ندى :الشرهه على اللي يجي ويقولك الاخبار.
ليلى:انقلعي ما ابغى اسمع اخبارك اللي تغث.
ندى جات بتطلع بس وقفت عند الباب وقالت :ترى بكره بيجون اعمامي واخوالي علشان غدى ابوفراس .
حطيت راسي وانا اقول :طيب.......تصبحين على خير.
ندى وهي تطفي النور:وانتي من اهله.
وطلعت......
منين أبتدي ؟؟
ياجرحي الندي ..؟؟
حسبي على الأيام.../ والحظ الردي ..
.../ والحظ الردي ..

.../ والحظ الردي ..



صحيت على صوت ابوي......... زي كل يوم ..يدق على باب الغرفة علشان اقوم لصلاة الفجر
رديت بصوت عالي : هذاني قمت يبه
وراح ابوي يصحي اخواني الباقين ....اما انا رحت أوضي واصلي......و بعد ماخلصت قفلت باب الغرفة علشان محد يزعجني ......
ومن اول ماحطيت راسي على المخدة وانا اروح في سابع نومة.......
احيَـــــآنَ ..
احسَ انَي |! وَطنَ !|
ومَمتليَ نـٍـٍـٍآسَ
واَحيَــــآنَ!
احسَ بَوَحشتَيَ "َ واَتهَدم~َ
"َ واَتهَدم~َ

"َ واَتهَدم~َ.
.
..
...
....
........

اوووووووووووووفففففففففف ايش هذا الازعاج فتحت عيوني بكسل واخذت جوالي علشان اشوف الساعة كم لقيتها 12 الظهر ....ولقيت مكالمات من رقم غريب وكمان فراس داق اكثر من مرة...... قمت وانا طفشانه واحس اني مابغى اتكلم مع احد.....خصوصاً اعمامي وخوالي اللي شكلهم جايين من بدري بس علشان يشوفون وش صاير وياخذون الاخبار اول بأول .......رحت اخذ لي شور سريع علشان اتجهز وانزلهم تحت .......لما خلصت ولبست فكرت ادق على فراس اشوف ايش يبغى....
اخذت الجوال ودقيت........بعد ما طول وهو يرن رد علي :الو
ليلى بأرتباك: هلا فراس .....انا ليلى .
سمعته يتنحنح :هلا ليلى ......انا فيصل .... اخبارك؟
انتفضت يوم عرفت انه فيصل...وبغى الجوال يطيح من ايدي... وتذكرت نظراته لي ...ولما لحقني فوق في الجناح ...احس هذا الانسان مخيف ومرعب
كمل وهو يقول: ليلى انتي معي.
ليلى :ايوه معك ...انا بخير.. وين فراس.
فيصل بتريقة: ماادري ...... وانا بعد بخير اذا كنتي حابه تسألين عن اخبار ولد عمك.....
قلت في خاطري.. ياثقل دمك على قلبي ....مابقى الا اسأل عن اخبارك
ليلى بسرعة:على العموم اذا جاء قول له اني اتصلت.... مع السلامة
سكرت الخط في وجهه بدون مااسمع رده
وقفت عند المرايه اعدل شكلي قبل ماانزل لهم تحت ...طالعت في يديني اللي باقي ترجف ...ماادري ليه احس بخوف منه ....
هذي الحالة مو اول مرة تجيني ...دايم تجيني اذا كلمني ياسر... الممرض اللي يشتغل معايه في العناية المركزة...ياسر انسان ما يخاف ربه ... راعي بنات ...دايم يحاول يتحرش فيني بالكلام ..بس انا طبعاً اطنشه وما قد عطيته وجه.....واكثر من مرة هددني ...وقالي اني راح اندم على تطنيشي له....
صحيح اني ماكنت ابين له خوفي...بس من اول مااشوفه تجيني رعشة في اطرافي ...وقلبي شوي ويوقف من الخوف
ياسر من اول ما قابلته قبل سنة وهو حاطني في راسه....حاولت انقل من قسم العناية بس هو له واسطات مع المدير وطبعاً....يتدخل وينرفض طلب النقل
اووووووووووووووووووفففففف فففف ..انا اش خلاني اتذكر العله ياسر ...كله من فيصل ...لانه من نفس طينته ذكرني به.
احس ان مزاجي تعكر ...الله يعين اذا نزلت تحت بيتعكر مزاجي زيادة
...

مع كل اذى .... }هالبشر
ابسألك.... }وش مستفيدين

.... }وش مستفيدين

.... }وش مستفيدين.
..
...
.....










نزلت للصالة تحت ..........وزي ماتوقعت الكل كان مجتمع ............كانوا مندمجين في سوالفهم .....بس يوم شافوني سكتوا وعيونهم معلقة فيني ........كملت طريقي بكل ثقة علشان ابين لهم اني باقي قوية .......مافي شئ في العالم يقدر يكسرني .......بدأت اسلم عليهم وحدة وحدة وعلى وجهي ابتسامة صادقة........... في منهم اللي احسها حزينة كن ميت لي احد وتبغى تعزيني......وفي منهم اللي شمتانة فيني ..................وبعضهم بدون مشاعر بس جايين يتأكدون من الخبر ويودعون........اكثر شئ مأثر فيني اللحين هو فراق بنات خالي عايض سلمى وفوز وخلود
....لاني احسهم ناس قلوبهم نظيفة .....من وانا صغيرةوانا اعتبرهم زي خواتي ...كان هم اخر ناس اسلم عليهم ...وجلست بينهم وانا اخذ نفس عميق استعداد لكمية الاسئلة اللي لازم اجاوب عليها...طبعاً اول من بدأ كانت خالتي جوهرة على قولة ندوي (بخور السوق)
خالتي جوهرة:وشلونك ياليلى؟
"ههههههههه قصدها وشلونك بعد الخبر"
انا بأبتسامة مجاملة :الحمد لله بخير
كملت بفضول:ألا صدق ياليلى اللي سمعناه؟
انا بأستهبال : وش اللي سمعتيه ياخالة.
خالتي جوهرة بدون مشاعر : سمعنا انك طلعتي منتي ببنت اختي....وان العزيمة ذي لاهلك الجدد .
اوجعتني كلمة منتي بنت اختي .....بس انا عارفة هم يبون يقهروني ويبينون ضعفي وانكساري .......بس والله ما اوصلهم للي يبونه
انا ببرود: ايوه صح .....
عمتي جود بفضول:وكيف صار كل هذا؟
انا رفعت كتوفي ورديت بلامبالاه:...المستشفى غلطوا وبدلوا المواليد.
عمتي جود:وتقولينها كذا ببساطة.
ليلى :واشلون تبيني اقولها ياعمه.
شوق بنت عمي زيد :واهلك الجدد كيف عرفوا بعد عشرين سنة ان المستشفى غلطوا وبدلوا المواليد.
انا بكذب :كانوا يسوون مراجعة..للملفات اللي في الارشيف
واكتشفوا الخطأ....
شوق بعدم تصديق :معقولة
ليلى بأستهبال:قسم
وضحى زوجة عمي عبدالله:طيب سويتم تحليل dnaعشان تتاكدون؟
انا بملل:ايوه سويناه.
خالتي جوهرة :وبياخذونك تعيشين معاهم ...وإلابتمين هنا وتروحين لهم زيارات.
انا بطفش :ماادري باقي ماقررت .
ود بنتي خالتي جوهرة بحسد:يقولون ان اهللك الجدد
هوامير .
قلت وانا اوقف :يمكن
حسيت اني مخنوقة منهم ومن اسئلتهم اللي الظاهر انها مارح تخلص ....استئذنت منهم عشان اروح اساعد امي وخواتي في المطبخ.حسيت جوالي يهز في جيب تنورتي الخلفي ...طلعته عشان اشوف مين..... رجعتلي الرجفه وبغى قلبي يوقف وانا اشوف الرقم اللي على شاشة جوالي


نهــاية البارت الثاني


__________________________________________________ __________
البـــــــارت الثـــــــالث

تعلمت احبس الدمعة
وأدور للبكاء .....}أوقات
.........}أوقات
.........}أوقات

حسيت جوالي يهز في جيب تنورتي الخلفي ...طلعته عشان اشوف مين..... رجعتلي الرجفه وبغى قلبي يوقف وانا اشوف الرقم اللي على شاشة جوالي.....عرفت صاحب الرقم على طول...هذا ياسر الزفت ....انا ما ادري من وين جاب رقمي....اكيد داق يبغى يعرف ليه انا ما داومت امس واليوم...اعطيته مشغول وقفلت الجوال ...
ودخلت المطبخ لقيت امي وخواتي حايسين علشان العزيمة حسيت اني مشتاقة لامي حيل........من بعد السالفة امس وانا ماشفتها ....رحت لها وضميتها من ورى وقلت بدلع:مامي اشتقت لك.
امي بسخرية:ايه باين الشوق .....وكملت وهي تبعدني عنها :ليلى وخري عني ماني فاضيه لدلعك ورايه شغل .
انا بحزن :ماما ليش تقولين كذا؟
انفجرت امي في وجهي وقالت بغضب:تسأليني ليش اسوي كذا .....اسألي نفسك ..يابنت عبد العزيز بن محمد الـــــــــ.......
ماهان على حضرتك تتنازلين وتقولين لنا وش صار معك لما رحتي مع اهلك.....ابوكي اللي مانام قلقان عليكي ..اخر شي تقولين له في الصباح نتكلم ... .....وانا ماهان عليكي تطلين علي ...تقولين تصبحين على خير يمه.......تدرين ان ابوكي قعد يستناك طول الصباح على امل انك تتعطفين وتتكرمين وتنزلين له وتطمنينه وتقولين وش صار معك....
.........بس انتي كبرتي المخدة ونمتي .....وكمان قافلة عليكي باب الغرفة...... ايش تقصدين بهذي الحركة...هاه
"انا كنت مذهووووووووووووووله من هجوم امي علي .....اهي ألحين ليش معصبة كذا......"
رديت بحزن وغصة:يمه انا مالي غنى عنكم.
امي بنفس الاسلوب :ايه واضح.
تدخلت اختي مدى بهدوء:خلاص يمه ....لاتفضحونا من الناس ...... قفلوا على الموضوع ......على الاقل ألين مايروحون الضيوف.
طالعت في امي شفتها رجعت لقدورها وطبخها .......اما انا اخذت عمري وطلعت من المطبخ....وعلى غرفتي ........ماني طايقه اشوف وجه احد...قفلت على نفسي ...وانسدحت على السرير و انخرطت ابكي بمرارة......ليش امي كذا قاسية ..ليش احس انها تدور اسباب تافهه بس عشان تثور وتعصب علي....يعني البارح كنت حيل متضايقة وما ابغى اتكلم مع احد ........وهي تجي اليوم وتزيد علي .......كنه ناقصني هم......موكفاية انها مجمعه امة محمد تحت .....موكفاية كلام اختها اللي زي السم ....... هذا بدل ماتخفف علي وتاخذني بحضنها وتهديني ....
واصلاً من متى وامي حنونة معي وألا تسأل علي وتاخذ اللي في خاطري .......آآآآآآآآآآآآآآآآآآآآه بس خلاص بقول لابوي(ابوفراس) بعد بكره بأسافرمعه وبريحها مني ........
تذكرت امي مناير وكيف هي حنونة ومشتاقة لشوفتي ........نفسي اكلمها الحين .....احس اني برتاح اذا كلمتها ...بس انا ما اعرف رقمها ......وخايفة ادق على فراس ....يرد علي العلة اللي اسمه فيصل.....




الله ياكبر الألم ...لوجاك من .../سهم الغريب
وشلون لاجاك السهم من شخص .../ عديته قريب




سمعت دق على الباب وصوت ندى :ليلى افتحي الباب ضروري.
رحت وفتحت لها وكنها انصدمت من شكلي .....دخلت وقفلت الباب وراها
قالت وهي تقعدني على السرير:ايش اللي صار
قلت وانا امسح اثار الدموع : شكل امي خلاص ماعاد تبغاني ...انا بكرة بداوم اودع صاحباتي واقدم استقالتي ...وبعد بكره بأسافرمع اهلي .
ندى بغصة :وإحنا مو اهلك
ليلى :امي ماتبغاني
ندى :مافي ام ماتبغى عيالها
انا ضحكت بألم :هذا انتي قلتيها .. مافي ام ماتبغى عيالها....وانا مو من عيالها .
ندى بقهر :انتي يبغى لك كف عشان تفوقين ....ليلى انا اول مرة اشوفك ضعيفة كذا.
ليلى:اللي امر فيه موهين ...فوق طاقتي ياندى ...والله فوق احتمالي ....ما اقدر ..مااقدر ..........ومحد حاسس فيني .
ضمتني ندى بكل قوتها وكأنها تبين لي انها حاسه فيني :والله حاسه فيكي ياليلى .
ظليت بحضنها فترة طويلة ابكي وهي تبكي ...
سحبت نفسي من حضنها وانا اقول: شكل ابوي زعلان مني عشان مانزلت له الصباح اقوله وش صار معي .
ندى بحب : تعرفين ابوي عمره مازعل منا ...بس هوكان قلقان عليك ويبغى يتطمن انك بخير.
تنهدة بضيق وحبيت اغير الموضوع فقلت:تدرين من قابلت امس؟
ندى :مين
ليلى بعبط :واحد ماتعرفينه.
ندى :اقول شكلك من زمان ماتكفختي ....قولي بسرعه مين.
ليلى : واحد من عيال عمي....اسمه فيصل ..قابلناه بالفندق.
ندى وكنها تتذكر :ايوه اول يوم جاء ابوكي وفراس شفنا واحد غريب واقف معهم.
انتفضت وانا اتذكر نظراته .......وصوته ...بس وقفتني كلمت ندى (شفنا)

ليلى بأستغراب :شفنا .......ليش من اللي كان يناظر غيرك
ندى بتريقه :ابوكي يالغيرة ...يعني خلاص ولد عمك ممنوع احد يشوفه ........."وشهقت فجأه وكملت "...إلا لايكون حبيــ ـ ـ ـ ـ
ماخليتها تكمل جملتها ....وكفختها بالمخدة اللي جنبي هذا اللي ناقصني ..احبه ....
ندى :تبغين تعرفين مين اللي قز ولد عمك المزيون .
"حسيت انها تبغى تقهرني ...عشان كذا طنشتها
بس هي كملت"
ندى بخبث:يالله البنات بغوا ينهبلون عليه.....طول وعرض ورزه وهيبه ورجوله .
قلت اتريق عليها :خلاص بنخطبه لك.
شهقت :ماهو متزوج .
رديت بلامباة:ماادري.
قطع علينا صوت الباب يندق.......وكانت شذى تبغانا ننزل للغدا....
خرجت ندى معها .....اما انا قعدت اعدل شكلي اللي تخرب من البكاء
اضطريت اني اغسل وجهي وامسح كل الميكاب .........واسوي من جديد
سرحت بفكري في فيصل .......معقولة يكون متزوج ...يمكن يكون متزوج وعنده عيال بعد ...إلا واحد في سنه مو معقولة مايكون متزوج...
وانا ايش دخلني فيه متزوج والا لا ......اصلاً اللي مثله ماهو وجه زواج ....ماهو فاضي الا للمغازل وقلة الحيا ....





خلصت شغلي ونزلت تحت عشان الغدا
لقيتهم تحت متجمعين سلمت وجلست جنب ندى على السفرة
وطاحت عيني بعين امي ...بس هي صدت عني للجهه الثانية........اثرت فيني هذي الحركة مرة.......
قعدت اكل بهدوء .........وطبعاً اشتغلوا عماتي وخالاتي وبناتهم اسئلة ......






>>>>>بعد العصر
رحوا كل اللضيوف بعد الغدا ......اما انا ماصدقت متى الناس تروح والبيت يفضى رحت على طول للمجلس .....استنى ابوي يرجع من الصلاة ....عشان اطمنه عني واعتذر
دخل علي فجأة وتعلقت عيوني بعيونه
.
...
.....
.......
ليه ساكت !
وداخلك زحمة حكي !
ليه تضحك وفيك عبرات وبكي !!
ماتعبت وقوف...... } ليه ماتتكي
........... } ليه ماتتكي
........... } ليه ماتتكي.

.....
تقدم مني وعلى وجهه ابتسامه غامضه :طولتي علي ياليلى .
حضنته وقلت : اسفة والله ماكان قصدي ...بس كنت تعبانة حيل بعد الصلاة فحطيتها نومة الى الظهر .
قال بحنان تعودت عليه :انا مو زعلان منك .... بس كنت ابطمن عليكي.
كمل وهو يمسح على راسي :كيفك الحين ؟
"بغيت اقوله تعبااااااااااااااااااانه بس الحمد لله مسكت نفسي في اللحظة الاخيرة ......ما ابغى ابوي يتضايق "
رديت بابتسامة اطمنه فيها:انا بخير ...دامك راضي علي .
وكملت بحماس :تدري اني امس كلمت امي مناير .....
ابوي بحب :يعني انبسطتي امس .
رديت بصدق :مررررررررررة.
قال بتردد: ابو فراس يبغى تسافرون خلال هالاسبوع لان عنده شغل مستعجل .
حطيت راسي على صدره :يبه اذا ماعجبتني العيشه هناك راح ارد لكم .
ابوي بحنان: بيتي مفتوح لك طول العمر.......صح بغيت انسى ابو فراس بيجي ياخذك الساعة خمسة .
"طالعت في الساعة لقيتها اربعة ونص يعني باقي نص ساعة "
ليلى بأستغراب :ليش؟
ابوي بعتب:ليلى....وشو اللي ليش ..... ابوكي يبغاكي تتعودين عليه ....انتي ياليلى بتروحين تعيشين معهم يعني لازم تتعودين عليهم.
ليلى باحترام:انشاء الله.

رحت لغرفتي عشان اتجهز للطلعه .....لبست عبايتي وقعدت على طرف السرير ......فكرت اروح اكلم امي قبل مااطلع ....بس غيرت رايي.....امي مو من النوع اللي يرضى بسرعة واكيد راح تقول لي كلام يغث .....
دخل علي حمني بسرعة:ليلى ابوك الجديد جاء ...
ضحكت على كلامه :هههههههههههههههههه
رحت له وحطيت ذراعي على كتوفه وقربته مني :ابوي الجديد ....من وين جبتها ذي.
قال ببراءه:علي اللي يقوله ..
وكمل:وين بيتروحين هذا ماهو وقت غدا ولاوقت عشا.
قلت بضحك وحنا نازلين مع الدرج:والله مدري عن ابوي الجديد.......يمكن عازمني على كوفي.

خرجنا للحوش ولقينا ابوي (ابوفراس) واقف في وسط الحوش ويلعب بجواله ....انتبه لي انا وحمني ....تقدم مني وعلى وجهه ابتسامه صادقه .......سلم على جبيني وبعدين حضني وهو يقول:وشلونك اليوم بخير؟
سلمت على راسه وقلت:الحمد لله بخير ...انت طمني عنك
ابوي بفرح: بخير يوم شفتك
انتبه لحمني وقال له:ايش رايك يابطل تروح معنا؟
قال حمني باحترام :لا والله روحوا انتوا ....انا وراي مذاكرة.
رد عليه :الله يوفقك.
انا وحمني :آمين .
ابوفراس:يالله ليلى....تأخرنا على فراس وفيصل ...قاعدين في السيارة يستنونا.
بغيت انجلط يوم قال ابوي انه في السيارة ....بالله ايش اللي جابه.....اللحين بيقعد يراقبني ويراقب كل حركه اسويها ......
خرجنا وطاحت عيني بعينه وشفت نفس النظرات اللي تخوفني منه ونفس الابتسامه مرسومه على وجهه.
ركبنا انا وابوي ورى وانا ايدي في ايده
انا وابوي :السلام عليكم
فراس وفيصل: وعليكم السلام.
فراس بتريقه:اخبارك يااحلى بنت في العالم.
عرفت انه يتريق فقلت بدلع:تمام يااحلى فراس في العالم.
فيصل بأبتسامة: شلونك ليلى.
ليلى :الحمد لله بخير.
رفعت عيني للمرايه لقيت فيصل يناظرني .....انا ليش اخاف من نظراته ....انا بنت عمه ولايمكن انه يضرني...بس غصب عني اخاف ....واحس برجفه ماهي طبيعيه
ابوي بأستغراب وبصوت واطي :ايش فيكي ترجفين!!
"مادري ايش اقوله ....اقوله ولد اخوك مسبب لي رعب"
ليلى بكذب:بردانة
ابوي يكلم فراس:فراس خفض من المكيف اختك بردانه.
فراس مستغرب :بردانة !!!
ليلى بأرتباك :ايه... شوي...
بعد فتره
وقف فراس السيارة وقال:وصلنا
طالعت مع الشباك شفت المكان اللي وقفنا فيه .....كان مول كبير .....شفت ابوي ينزل فنزلت وراه ومسكت بأيده وحسيته استانس من حركتي ... دخلنا المول ...ورحنا نجلس في كوفي
فراس :ايش تشربون ؟
ابوي : شاي اخضر
فراس يسأل فيصل :وانت ايش تبغى.....اه اكيد قهوه مره.
فيصل : لا.......ابغى عصير كوكتيل .
فراس :غربية ....من متى ذا التغيير.
فيصل وهو يناظرني : من اليوم .
فراس :الله يديم التفاؤل........." التفت علي وكمل" اما ليول بتجي معي .

ماصدقت خبر قمت على طول ابغى اهرب من نظرات فيصل ...مسك فراس بأيدي وهو يسولف ويعلق على الناس اللي حولنا ...اما انا ماكنت معاه كنت افكر في فيصل وكلامه اللي قبل شوي ...ايش يقصد بكلامه ...وفراس ليش استغرب من تغيير القهوة بعصير كوكتيل ....وليش قال له الله يديم التفاؤل ...يعني فيصل كان متشائم
فراس :ليلى ايش فيك ..
ليلى : هاه......مافيني شي.
فراس :من اول اسئلك ايش تبغين ...وانتي ماتردين .
ليلى بحرج :سوري .....سرحت شوي.
فراس بضحك: شوي ....الا قصدك كثير........هاه ايش تشربين.
ليلى :عصير فراولة.
فراس بعد ماطلب ..قال: احس اليوم مرة زحمة
ليلى :طبيعي زحمة.......اليوم تنزل رواتب الموظفين.
اخذنا الطلب ورجعنا لابوي وفيصل
ابوي: إلا ماقلتيلي ياليلى متى تبغينا نسافر ..... ترى يابنتي مااقدر اتأخر ....لازم نرد لان اخوك يزيد لوحده ماسك الشغل .
ليلى بحزن:خلاص عطني يومين ....وبعدها متى ماحجزتم انا راح اكون جاهزه
ابوي:خلاص انشاء الله راح نحجز بعد بكره
تنهدت وقلت :انشاء الله .
فراس :ايش رايكم نلف على كم محل .
ابوي بتأييد :يالله
قمنا كلنا لفينا كذا محل طبعاً اغلبها محلات عطور اوجولات
.........كنت امشي معهم وانا ساكته .....
دخلنا محل عطورات مرة فخم
وشدتني ديكورات المحل وطريقة ترتيب العطور ....مشيت ألين مجموعة عطور كان شكلها مره مميز اخذت اشم من العينات ....كانت ريحتها جنان ...

.بعد فتره انتبهت اني لحالي...تلفت حولي مالقيت لا ابوي ولا فراس ....
:على مين تدورين
شهقت بقوة من الفجعة ...
فيصل بضحك : ههههه خفتي ........سوري ما كان قصدي ...بس شفتك تتلفتين قلت اكيد تدورينا.
ليلى بخوف :وين ابوي وفراس
فيصل : عند الكاونتر هناك ......"واشر لي على مكانهم" .
"جيت ابروح لابوي وفراس بس وقفني صوته"
فيصل بتردد :ليلى
التفت عليه بدون مااتكلم ....
فيصل: ممكن تساعديني ......ابغى اشتري عطر نسائي بس مااعرف .
ههههههههههه ضحكت في خاطري ...اذا انت ماتعرف اجل من اللي مايعرف....
ليلى : ايه ...عادي
فيصل :يالله
شفته يروح جنب مجموعة عطور ويكلم العامل اللي هناك ...قعدت اتأمله فتره ...وحركة المسبحة اللي في ايده ..وخاتمه ..وساعته .....انتفضت لما التفت لي وكأنه عرف اني اتأمله ..اشر لي اجي له ...
فيصل :هذي اخر العطور اللي نزلت في السوق .
اخذت اشم في العطور واحد واحد..... في بعضها عجبني....بس فيه اثنين عجبتني ريحتهم مرة...كنت احس بعيونه تراقبني بدقه في كل حركة اسويها...
ليلى:هذول الاثنين احسن شي ....
فيصل :خلاص بشتري الاثنين .
فراس من ورانا : وينكم
فيصل :موجودين ...انت اللي وينك .
فراس :كنت مع ابوي .......ايش اشتريتوا .
فيصل وهويناظرني : ليلى ساعدتني ..وشريت عطر لامي .
فراس يناظر العطر ويضحك : هههههه متأكد انه مناسب لعمتي حصة .
ليلى باستغراب :ليش ماهو مناسب لها .
فراس :يعني كان شريتوا لها عود ..بخور ..ههههههههه موهذا .
فيصل بضحك : هههههههه ياشيخ خلها تغير العودة والبخور ....زي ماغيرت انا قهوتي .
حسيتهم يتريقون علي بس بطريقة غير مباشرة .....انا وش دراني ان العطر لامه ....لو ادري كان قلت له يشتري لها شي يناسب عمرها.......طنشتهم وجيت ابروح .
فراس :وين رايحه
ليلى بنبره بان فيها انها متضايقه: لابوي
فراس :لا يكون زعلتي
ليلى ببرود:لا عادي ...ليش ازعل
فراس :طيب انتي ماعجبك شي ....
ليلى:لا
خرجنا من المحل ولقينا ابوي برى يكلم بالجوال ..مشى معنا وهويكلم .....جلسنا على الطاولة ......... وهو وقف بعيد يكلم
فراس :صح اليوم دقيت عليك بس مارديتي .
"رفعت عيني لفيصل وانا اتذكر سالفة الجوال"
قلت : كنت نايمة .
فراس :ترى امي ...دقت بعد .
ليلى : ايه دق اليوم رقم غريب قبل ماتدق .
فراس :ايه اكيد هذا رقمها .
دق جوال فراس ...قام وهو يقول : هذي فاديا....."وراح بعيد يكلمها ".
كنت افرك يديني بتوتر ....وانا مقهوره من ابوي وفراس ...
عشان تركوني بلحالي معه.
فيصل :بشويش على ايدك ..شوفي كيف صارت حمرا.
طالعت فيه مستغربة .....
فيصل :ايش فيك ؟..
ليلى ببرود: مافيني شي .
فيصل :اليوم لما قابلت ابوكي "طالعته فكمل "ابوعلي ارتحت له.. باين انه رجال طيب .
ليلى بحماس :ابوي اطيب انسان في الكون ...عمري ماشفت انسان بطيبته .قلبه طاهر مايعرف الحقد والحسد .
فيصل :لانك بنته .
ليلى بحسرة :بس بالرضاع .
فيصل :ترى عمي عبد العزيز يشبه لشخصية ابوك (ابو علي).....وراح يجي اليوم اللي تفتخري فيه انك بنته......وحزتها بذكرك.

فضلت السكوت وماعرفت بشنو ارد عليه .....بعد فترة
جلسوا شلة بنات جنبنا وقاعدين يأشرون على فيصل ...وفيه وحدة كانت تأشر على الجوال .....شكلها تبغى ترقم
.... اما انا سويت نفسي اني ماانتبهت لهم
فيصل :ليلى ممكن نغير الطاولة .
ليلى :أيه عادي .
لما وقفنا بنروح ...تكلمت وحدة منهم
البنت :لذا الدرجة خايفه منها
حسيتها تبغى تستفزه .......>>>شكلها تحسبني زوجته وخايف مني
فيصل :الشرهه ماهي عليك ...الشرهه على اهلك اللي ماعرفوا يربونك .
البنت :ما اسمحلك تغلط على اهلي .
فيصل ببرود يبغى يقهرها:لو ان اهلك يهمونك ..وماتسمحين لاحد يغلط عليهم ...ماكان سويتي كذا.
حسيت ان الناس تناظرنا......فتدخلت عشان انهي السالفة :خلاص خلنا نمشي .
سمع كلامي ومشينا لطاولة بعيدة عن طاولتهم.
استغربت من ردة فعله .......يمكن يبغى يسوي نفسه محترم قدامي ........ويمكن انا ظالمته ...
شفته ينادي لفراس وابوي يعلمهم بمكانا الجديد
ابوي وهو يقعد:ليش غيرتم الطاولة .
فراس :هههههههههههههههههه اكيد عشان البنات اللي هناك .
ابوي :ههههههههههههههههه وهزئتهم .
فيصل بغيض: والله مابغيت اهزئهم......احتراماً لبنت عمي ......بس استفزتني وحدة منهم ....فأعطيتهم ذيك التهزيئه المحترمة...
ابوي وهويطالع ساعته:انا لازم ارجع الفندق عندي اوراق شغل لازم اخلصها.








راح ابوي ...اما احنا طلعنا فوق جهة المطاعم ....وتعشينا
....خلصنا على الساعه تسع..ورجعوني البيت
.......اول مادخلت لقيت اخواني وابوي قاعدين يستنون الفيلم اللي بينعرض التلفزيون .....
:السلام عليكم
الكل :وعليكم السلام.
رحت وسلمت على راس ابوي :وين امي
ابوي :قاعدة فوق بالغرفة .
قلت وانا اقوم :ابطلع لها .
طلعت الدرج رايحه لغرفة امي ..دقيت الباب ..ودخلت لقيتها توها مخلصة من صلاتها...بس قاعدة على سجادتها وتسبح بالمسبحة......رحت وحطيت راسي على رجولها :رضاكي بالدنيا يالغالية .
امي وهي تمسح على شعري :متأكدة ياليلى.
ليلى بغصة:يمه ليش تقولين كذا .
امي :ابوك قالي انك امس كلمتي امك ...وبعد كم يوم بتروحين لها .....وبتنسين امك اللي ربتكي ....انا اللي اربي واتعب وتجي هي بكل بساطه تاخذك مني .....
ليلى :انسى روحي ولا انساك.. انتي امي....محد يقدر ياخذني منك.......بياخذون الجسد ....بس الروح بتبقى عندك ..
طاحت على خدي دموع امي ...رفعت راسي وقربت اكثر منها لاول مره اشوف دموع امي ....فرحت ....ايه فرحت من كل قلبي ..امي القوية اللي عمر دموعها مانزلت ..نزلت على فراقي.......يعني تحبني...نزلت دموعي وقلت:لذا الدرجة انا غالية عندك.
امي :انا عارفة انك تحسبيني ما احبك...لاني شديدة معك...
"كملت بحزن" تدرين ان ابوكي رمى علي الخبر بدون مايحسب حساب لمشاعري ...كان يبغى يوصل لك الخبر بدون ماتنصدمين...وفكر هو واخوانك في ردة فعلك ...اما انا مااحد اهتم لصدمتي بالخبر ولالردة فعلي ....اصعب شئ على الام لما ياخذون منها ضناها ...ليلى انتي قطعة مني ......
"مسحت دموعها بيديني " وقلت:لا تبكين يمه... ترى والله اني مااستاهل دموعك.
حضنتني بقوة ...حضنتني بتملك ...حضنتي بحب
حسيت اني ابغى اظل طول العمر في حضنها
فكتني بهدوء وقلت :راح اكلمك بالجوال كل يوم ....وبجي في الاجازات .....
دخل علينا ابوي وهويقول :خلاص طاح الحطب .
انا وامي بصوت واحد :طاح
ضحكنا كلنا :هههههههههههههههههههههههه


يسلمووووووووو

تكفي كمليها

اني سهرانه اشان اقراه هههههههههههه