لعشاق حامد زيد (الحلم)

عنوان الموضوع : لعشاق حامد زيد (الحلم)
مقدم من طرف منتديات المرأة العربية

قصيدة الحلم

بوقت من البطا و بليل تترقص شياطينه
بعد شفت الضيا ينزع من ثياب المسا ثلثين
تحايلت المنام اللي مثل بيتك تمرينه
و انا اللي من تفارقنا و أنا ما غمضت لي عين
غريبة كل حلم يمر في رقادي تزورينه
و الاغرب كيف أحلم الحلم و ارجع و احلمه بعدين
قبل يومين شفتك بالمنام و قمت من حينه
و نمت أمس و أرجع نفس المنام اللي قبل يومين
أنا اللي قبل اسافر شلت قلبي من شرايينه
تركته في يدك مثل الأمانه و احفظيها زين
ترى حفظ الأمانه دين مجبورة تردينه
أجل ما فيه أحد قد قال لك حفظ الأمانة دين
مرد المقفي بيلفي و يستوفي و توفينه
بعد ليله ثلاثه أربعه عشره شهر شهرين
إذا انتي ما انتي بقد الكلام اللي تقولينه
حرام استامنك حاجة و إذا جيت اطلبك تنسين
تخونين و تبين أرضى و احد يرضى تخونينه
أنا لاجيت أخونك مع حبيبة ثانيه ترضين
من أول مارجعت من السفر ماشفت لك بينه
و أنا اللي كنت أحسبك قبل ادوس ارض المطار تجين
تكونين أنتي أول شخص عيني تحتضن عينه
وكنت أتخيلك من زود فرحة رجعتي تبكين
و أشوف بدمعتك حكيك و أعرفه قبل تحكينه
و اجيب أحلى من اللي بتحكينه و أتركك تحكين
تقولين : الوطن نور و أقول : بنور مضوينه
تقولي لي : غديت أحلى و أقول : عيونك الحلوين
كلام نام بشفاهك و خفتي لا تصحينه
ذخرتيه لغرام للي ينام و يترك تصحين
تغانمتي غيابي لين رجحتي موازينه
تعلم من يدك لمس الكفوف و علمك تجفين
و ليتك لاقيه به شي فيني ما تلاقينه
مهو بغرور لكن خابرك مالك أمل تلقين
تغافلك بغلا و الا الحلا مهوب من زينه
تزينه الصور بس الصحيح ابن الحلال زوين
و أنا ماني بنقاص عنه يوم أنك تبدينه
نصيبي هو نصيبي لو يسددها من الصوبين
قنوع بمظهري و السم ما يذبح ثعابينه
على قول المثل ماني حلو لكني ماني شين
إذا أهداك الزهر مره فأنا اهديتك بساتينه
و إذا ألهاك بفرح ليله فانا تهت لبكاك سنين
وإذا استضعفتك أملاكه و شتتك ملايينه
أنا حتى فتات الخبزة أقسمها معك نصين
طموحي بس أجي و أظفر بشي تستحقينه
تدينته تسلفته سرقته مو مهم منين
كأني من كثر ما ارضى بكل اللي تمنينه
لو انك تطلبين الله يعنيني بقول آمين
أنا ما العب على الحبلين وقت الطيش و سنينه
تبين الحين يوم أني كبرت العب على الحبلين
ترى عند البدو بالذات عيب اللي تسوينه
حلاتك لا عشقتي تعشقيني ليوم الدين
غرامٍ نسكن ضلوعه حشيمه من مجانينه
جفا يجمع معزتنا و لاعشق يذل أثنين
كثار اللي تحدوني و قالولي : تحبينه
امانه لاتخليني صغير بعينهم تكفين
لاني كل ما قالوا تخون اقول : مسكينه
عليك الله و أمانه علميهم منهو المسكين
أنا خايف لياطاح الجمل تكثر سكاكينه
وأنا ماعاد بضلوعي مكان لطعنة السكين
مثل ماقالوا المكتوب واضح من عناوينه
لو ارحل منك للغربه بسافر من ظلامك وين
كفايه كل حلم يمر برقادي تزورينه
كفاية من تفارقنا وأنا ما غمضت لي عين
قبل يومين شفتك بالمنام و قمت من حينه
و نمت أمس و أرجع نفس المنام اللي قبل يومين





>>>>> ردود الأعضـــــــــــــــــــاء على الموضوع <<<<<
==================================
كثار اللي تحدوني و قالولي : تحبينه
امانه لاتخليني صغير بعينهم تكفين
لاني كل ما قالوا تخون اقول : مسكينه
عليك الله و أمانه علميهم منهو المسكين
أنا خايف لياطاح الجمل تكثر سكاكينه
وأنا ماعاد بضلوعي مكان لطعنة السكين
مثل ماقالوا المكتوب واضح من عناوينه
لو ارحل منك للغربه بسافر من ظلامك وين
يسلمووووووووووووووو
قسم بالله انه امبراطور في الشعر اموت على شعره بصراحه احسن من الشعراء كلهم الله يخليه لعين ترجيه
والى المام ياحامد زيد..


__________________________________________________ __________
تغانمتي غيابي لين رجحتي موازينه
تعلم من يدك لمس الكفوف و علمك تجفين
و ليتك لاقيه به شي فيني ما تلاقينه
مهو بغرور لكن خابرك مالك أمل تلقين
تغافلك بغلا و الا الحلا مهوب من زينه
تزينه الصور بس الصحيح ابن الحلال زوين
و أنا ماني بنقاص عنه يوم أنك تبدينه
نصيبي هو نصيبي لو يسددها من الصوبين
قنوع بمظهري و السم ما يذبح ثعابينه
على قول المثل ماني حلو لكني ماني شين

=============================


يسلموووووووووووووووووووووووووووووووووووووو


يعطيكي الف عافية ياقمر



بانتضار جديدك


عاد نبي دايما عن حامد زيد....


اختك ................
.............بريئـــــــــــــــة.................


__________________________________________________ __________
تسلمولي عى هيك طله

وماطلبتو شي اذ1 تبين قصايد حامد زيد كل يوم اسدحلس وحده

انتي امري

منورين


__________________________________________________ __________
فديييييييييييييييييت قلبك


والله من جد اقولك كثري من قصايده
والله اموووت فيه يعني في قصايده

ماشاء الله عليه
ياااااويلك اجي مرة ثانية وماانتي كاتبه شي
وراك وراك

مالك فكة مني



__________________________________________________ __________
تخونين و تبين أرضى و احد يرضى تخونينه
أنا لاجيت أخونك مع حبيبة ثانيه ترضين
يسلمووووووووووووووووو
مره نايس


ولكـ تسلمولي على هيكـ طله زي العسسسسسسسسسسسسسسسسل