مين تقدر تساعدني - حل مشكلة

عنوان الموضوع : مين تقدر تساعدني - حل مشكلة
مقدم من طرف منتديات المرأة العربية

صباح الخير / مساء الخير

كيفكم يابرونزيات

السالفة وما فيها

اخوي خالد عمره 18 سنه الله يطول بعمرة على الطاعات صار عليه حادث في اول اسبوع من الدراسة وصابه كسر بالحوض صغيرو نزيف داخلي و4 كسور باليد اليمنى وعمل عملية فيها لكن المشكلة ان يده ماتطمن ابد وامي شايله هم الجبال على راسها عشان اخوي تبي تتطمن عليه لأن المستشفى اللي ترقد فيه بعد الحادث على طول هو اللي عمل العملية
https://www3.xplainer.net/images/smilies/su1n.gif
المطلوب ..
افضل دكتور عظام بالرياض يريح بعد مشيئة الله

الحمدلله على كل حال

>>>>> ردود الأعضـــــــــــــــــــاء على الموضوع <<<<<
==================================
الله يشفيه خيتو وان شاءالله تلقين طلبك يارب

واعذريني حذفت هذا الدعاء لانه لايصح >> اللهم لا نسألك رد القضاء ولكن نسألك اللطف فيه


__________________________________________________ __________
الله يشفيه ويقومه لكم بالسلامه

ان شاء الله بنات الرياض يساعدونكـ


__________________________________________________ __________
الله يشفيه ويطمنكم عليه يارب
خليها تحط له فنجال قهوه ثفه او ((رشاد))+فنجال حبه سوده او(( حبة البركه)) +ملئ الكفين مليانه تمر منزوع النوئ وتعجنهم مع سمن بري وتاكله اياها كل صباح علئ الريق مع كاسة حليب دافيه ضروري كاسة حليب علشان الامساك
وماعليه شر الله يشفيه امين يارب


__________________________________________________ __________
الله يجزاكم خير
استغفر الله العلي العظيم على هذا الخطأ
وأشكرك ياأختي سوار الياسمين على هذا التنبيه
امي الله يعطيها العافية دائما كوب حليب معاه حلبة ورشاد مررة في الصباح ومرة في الليل على الريق والحمد لله هو احسن
بس نبي عيادة او دكتور ممتاز في الرياض لأننا مش مرتاحين من وضع يده لا زم نكشف عليها
ويعطيكم الف عافية على هذا التواصل والدعاء لأخوي والله يجعلها من موازين حسناته


__________________________________________________ __________
الله لا اله الا هو الحي القيوم


الحمد لله على كل حال