روايه رجه بنات ... قصة حقيقية

عنوان الموضوع : روايه رجه بنات ... قصة حقيقية
مقدم من طرف منتديات المرأة العربية

اليوم بنـزل اول ط±ظˆط§ظٹظ‡ لي انا اختكم راما .... اتمنى تعجبكم ..
الله الله ب التعليقات .. ولا مانع من الانتقاد ......
روايه رجــــــــه بنــــــــات ...
مدخل ...لآتفكــــر يومـــــاً فــــيـ أنـ تظلــــمـ شخصــــــاً..
أو تجــــرح قلبـــــاً ..أو تكســـر نفســــــاً
أو أنـ تخـــــونـ حبيبــــاً .. أو تهجـــــر قريبـــــاً
فــ الظلــــمـ يفضــــي إلــــــى النـــــــدمـ..
والــج ــــرح يغــــــدو ألــــــــــــمـ..
وآلمكســـــــور يسعــــى إلـــــى أنـ ينتقــــــمـ..
أمـــــــآ عــــــنـ الخيــــــآنــــــة والهجـــــرانـ
فــ كمــــآ تـــديـــــــنـ تـــــــــــــــدآنـ !..
منقوله ...
شخصيات الروايه...
ابو طلال *.. عمره 54 اب طيب مع ابنائه يحب عائلته يملك سلسله فنادق في دول الخليج ...دوووم مشغول ..
ام طلال..شخصيتها جاده ماتتهاون في الاخطاء نحيفه وبشرتها بيضاء عمرها 40 محافظه على جسمها ...
طلال... الاخ الوحيد للبنات عمره 25بشرته برونزيه ملامحه خقه طويل وشعره اسود وناعم يوصل لا اخر رقبته .... يساعد ابوه في الاداره ..
رهف...التؤم الاول عمرها 19 تدرس في الثانويه مرحه اخر همها الدراسه ..نحيفه شعرها فكتوريا بني عيونها وسيعه وملامحها حلوه ...
رنا.. تؤم لرهف عمرها 19 تدرس في نفس مدرسه رهف ولكن تختلف عن اختها جديه ومن المتفوقات في المدرسه شعرها طويل بيضاء وملامحها حلوه ....
باقي الشخصيات تتعرفون عليهم ...
.................................................. ...........البارت الاول............................
في الصباح ..
ام طلال :ميري اطلعي صحي البنات خليهم يفطرو ويرحو للمدرسه ..
ميري :حاضر مدام ..
طلعت ميري وهي تتحلطم كله ميري ميري قومي ميري جيبي ميري اتبخي ميري امسحي ليه ميري مافيه انسان ..
قابلها طلال وهو نازل وهي تتحلطم اشبك ياميري ماردت عليه وجلس يضحك ..
وكمل طريقه دخل ل امه في غرفه الطعام ..
ام طلال :هلا بوليدي ...
*طلال*وهو يبوس راسها هلا بالغاليه ام الغالي ...اللي هو انا ههههه
ام طلال :هههه ماتخلي سوالفك ...
وكملو سواليف ...
عند ميري ..
رهف قومي ماما تقول بسرعه عسان مدرسه ..
رهف :اقول ميريوه طسي عني روحي..
ميري : قومي ساعه 7 بسرعه ...
رهف :خلاص روحي صحي رنا..
ميري :رنا صحت من زمان باقي انتا ..\
طلعت ميري ..
صحت رهف وقامت اخذت شور وتوضت وصلت ولبست مريولها وسوت شعرها وشالت اغراضها وطلعت من الغرفه ...
.نزلت تفطر ... دخلت هااااي ماي فملي ..
ام طلال: تكلمي عدل الله لا يعوج لنا لسان ..
رنا :قولي السلام احسن من هاي ...
طلال : اشبكم اكلتو البنت ماقالت شي ولف على رهف ... هايات سستر ..
انثت له رهف وبوسته : فديت اللي يفهمني ..
طلال : اكيد مو انا كول وغمز لها ..
رهف : لعيونك اكشخ كول ..
ام طلال : خلصي فطورك وروحي ترى باقي على موعد انصراف المدرسه قليل (تتريق على رهف اللي دايم تتاخر )
رهف : يوووه مام اكره الطابور اجلس واقفه كاني مجنده ...
رنا : اخلصي يارهف لا ناخذ تهزئ على ه الصبح ..
خرجو البنات للسواق ..
رهف : كومار يحمار كم انا اقولك شغل المكيف قبل لا نركب اوووف حر ..
كومار : نسيت مدام ...
رهف : مدام بعينك *اسمي انسه ...
كومار: حاضر عانسه ..
رنا: ههههههههههه تضحك على كلمه عانسه ...
رهف : عنسو حريمك قول امين ..
وصلول المدرسه ....
في المدرسه ..
شافتهم المديره ونادتهم ..
رهف :اوووف من ه الحفيظه وش يسكتها الخين ..
رنا : انتي خليك مودبه ولاتطولي لسانك تسكت
..
رهف : اقول لا يكثر ..
هين ان ماطفشت ه الحفيظه ..
المديره : ماشاء الله شرفتو ليه بدري كان جيتو بعد شوي ..
رهف : باسلوب سخريه ... وش نسوي السواق مستعجل ولا كان تاخرنا بس خفنا انكم تشتاقون لنا ..
رنا : تعطي رهف كوع .. اسكتي لا تطولين لسانك ..
رهف : رنوه والله ان ماسكتي لا احطك معاها خلي الاخلاق الحين عنك ...
رنا : *اوف منك والله لا اقول لا امي وتشوفين يارهيف ..
المديره : اسمعي انتي وهيه الحين تروحون توقعون تعهد ..
رهف : وشو تعهده ..
المديره : *تعهد عن عدم التاخير..
رهف وهي تضحك : وي مامليتو كل يوم واحنا نكتب نعهد ماخلصت اوراقكم ..
رنا :ابشري استاذه الحين نروح ..
المديره : *ليتك يارهف ماخذه شويه الادب من رنا ...
رهف : والله كلن له شخصه على حده
المديره : بلا هذره اكتبي تعهد وادخلي صفك ..
كتبو تعهد دخلو الصف كان عندهم حصيه كيمياء ,,
راحت رهف تجلس عند شلتها ...ورنا راحت تجلس عند صديقتها موضي ..
موضي : وينك يارنا كل هذا تاخير ؟؟
رنا : وش اسوي ماتعرفين رهف لازم تلطعنا ...
موضي : الله يهدي اختك ...
رنا : امين ..
عند رهف ..
عواطف (بنت عم رهف ) : رهيف وينك ليه تاخرتي بغينا نسوي المقلب ..
رهف .. ياويلكم كان وريتكم ..
شذى ( بنت عمه رهف ): *افا عليك يارهيف ماتحلا المقالب الا معك ..
رهف : *احم احم ادري ..
عواطف :رهفوه ولعنه قومي سوي المقلب ..
رهف : وين العده ...؟؟؟
شذى : *شوفي و تعطيها علبه الغراء ..
عواطف : يلا بسرعه باقي عشر دقايق وتطلع فطيم ..( فطيم هي استاذه الكيمياء )
رهف : *يالله يا شذوه ..
اخذت شذى كتابها وتروح للاستاذه ..
استاذه *ممكن تشرحي لي ه المعادله ...
والاستاذه على نياتها جلست تشرح لها
مرت رهف وكبت الغراء على الكرسي ..
واشرت لشذي وجلست مكانها ..
شذى : مشكوره استاذه يعطيك العافيه ..
الاستاذه : العفو ولو هذا واجبي ..
وجلست على الكرسي وتعالت الضحكات
وبعدها يترقبون الموقف ..
رن الجرس معلن انتهاء الحصه الاولى ؟...
لمت اغراضها وهلمت ب الوقوف ولكن لم تستطيع كان شي يمسكها على الكرسي ..
.................................................. .................................................. ..................
البارت الثاني .....
رهف وشلتها اطلقو ضحكات هستيريه ...
عصبت رنا من موقف اختها اللي سوت لمقلب ..
رنا: متجهه للاستاذه ,, اسفه يا استاذه سامحيهم وساعدت الاستاذه لتستطيع ان تترك الكرسي ..
استطاعت ان تبعد الغراء عن الاستاذه ...
الاستاذه :*رنا اعرفك ماتخبين الصدق من اللي سوا ه الحركه ؟؟؟
رنا : *بصراحه رهف وشذى ..
شذى : *رهيف شوفي اختك وش تسوي ..
رهف : خليها دواها عندي في البيت ..
الاستاذه بصراااخ:*رهف و شذى بسرعه عند المديره ..
شذى وهي خايفه : *رهيف وش نسوي ...
رهف : *ماعليك ان مارفعت ضغط حفيظوه امشي بس ..
رهف وهي طالعه :هين يارنوه ان ماوريتك ..
رنا: الله يهداك يارهف هاذي حركه احد يسويها ..
شذى : انطمي يارنوه ماكاننا اختك وبنت عمتك حسافه ..
رنا: *والله مو مهم ،، المهم اقول الصدق لو على قص رقبتي ..
شذى: *ان ماقصيت رقبتك بيدي هين بس ..
.................................................. ..........................
البارت الثالث...
المديره : يالله يا ست رهف انتي وشذى فهموني وش اللي صار في حصه ابله فاطمه ..
رهف (بتريقه) : والله شرحت الدرس وشرحت المسائل ...
وشذا :ايه الله يعطيه العافيه ...
المديره: تسايرهم وغير الدرس وش صار ..
رهف : تحرك كتوفها مادري ..
المديره :رهف لاتجلطيني تكلمي وش سالفه الغراء ..
رهف : أي غراء ؟؟
المديره : لا ماينفع معاكم الا الفصل من المدرسه ..
رهف ( الا بخليك تنفصلين انتي هين): وي الله يبشرك بالخير وياليت تخليها الاثنين والثلاثاء والاربعاء عشان تصادف الخميس والجمعه ولا وش رايك شذاوي ,, وتغمز لها ..
شذا : والله صادقه رهوفه وياليت تسوين لنا تمديد اسبوع نروح نتسبح في المياه المعدنيه .
المديره تمسك على راسها : يارب ارحمني من طوله هاللسان ...
استااااذه نووره جيبيلي معك بنادول واتصلي على اهل هالطالبتين يمكن نلقى حل.*
شذا : وي يا رهيف والله يا امي لتعلقني مثل الغنم في الحوش ..
رهف : يالخبله اعطيها رقم ساري السواق ..
شذا: هههههههه والله فكره وبقول ذا رقم بيتنا ..
الاستاذه نوره: يالله يارهف هاتي رقم اهلك ...
رهف : انا كاتبه رقم اهلي في الدفتر روح اجيبه من الصف ..
الاستاذه : بسرعه ..
شذا: يالمجنونه وش بتسوين ..
رهف : يالخبله بعطيهم رقم المطعم اللي يوصل لنا اكل للمزرعه ..
شذا : هههههه والله فكره ..
الاستاذه: شذا هاتي رقم اهلك ..
شذا اللي غمزت لها رهف : *تيب يا استاذه هاتي اكتبه ..
وكتبت شذا رقم السواق ..
واتصلت الاستاذه على الرقم ..
الاستاذه: *هذا بيت عبدالله الحمود ..
ساري السواق : *عبدالله ايس في كلام ..
الاستاذه : *وين ماما ...
ساري السواق : *ماما في بلاد انا ..
الاستاذه عصبت : وين مدام ...
ساري .. مدام في بلاد انا ..
قفلت الخط الاستاذه وناظرت في شذا : وبعدين واياك ياشذا رقم مين هذا ..
شذا : ههههههههه رقم البييت ...
الاستاذه : *اهلك هنود ياست شذا ..
شذا: لا لا هذا مدير البيت ...
رهف فاطسه ضحك تقول الله يغربلك يا ساري ..
شذا : *اص يارهيف لا ننكشف ..
الاستاذه : *تعالي يا انسه رهف اهل شذا طلعوا *هنوود *خلينا نشوف وش آخرتها ..
رهف كتبت الرقم ...
وهي تضحك : مسكينه ه النوير الحين ب تنجلط على ه الصوت هههههه
شذا: *وي والله مايسوى عليهم ه الوظيفه ..
الاستاذه نوره اتصلت ب الرقم ...
الو السلام عليكم ..
...... اهلين مدام شو بدك أي خدمه ...
الاستاذه: *هذا بيت عبدالرحمن العبدالعزيز ...
.......... لا مدام هذا مطعم ..... للوجبات السريعه ..
الاستاذه : تناظر لرهف اللي فاطسه ضحك اسفه شكرا ...
قفلت الخط ...
وبعدين معك انتي وهيه وش نهايتها ...
رهف: *هههههههه مثل بدايتها ..
شذا : هههههه وهي صادقه بنت خالي..
الاستاذه نوره : *الحين اعرف اربيتك انتي واياها ..
استاذه مريم : *بالله عليك طلعي لي ملف رهف وشذا واعطيني رقم اهاليهم ..
شذا : *وي رهوف رحنا وطي ..
رهف : والله ان جات امي لتخليني بيزه ماسوى ..
الاستاذه مريم : تفضلي استاذه نوره هذي ارقام اهل كل منهم ...
رهف : اوريك يا مريوم ان ما وريتك ..
قربت من استاذه مريم :لو سمحتي على تنورتك بريعصي ..
استاذه مريم تعالت صرخاتها اااااااه وينها وتناقز ...
رهف وشذا .. هههههههههههههههههههه جلسو على الارض من لضحك ...
الاستاذه مريم : لا الحال ذا ماينسكت عليها ...
اتصلت الاستاذه نوره على والده الطالبتين وحضروا لمدرسه ...
ام شذا : والله يا استاذه حفيظه ان مايصير الا اللي يرضيك ...
طبعا المديره حكت امهم كل اللي سووه ...
ام شذا: *والله دام طلبتي ياشذ انتي ورهف تمديد الاجازه اللي اصدرتها المديره .. انا عن ناحيتي ياشذا
باخلي لك اجازه مفتوحه يعني بتتركين المدرسه ياشذا ...
شذا : *لا يامامي بليز سوري والله ماعيدها ..
ام شذا : *نرجع البيت ونتفاهم ..
رهف : وش دعوه ياخالتي كل ذا عقوبه لاننا غيرنا جو الكلاس ..
ام رهف : انطمي طمك الله ...بعد لك وجه تهرجين والله لو اوريك بس موهنا في البيت ..
ام شذا : *وأم رهف .. نقدر ناخذ البنات معانا ..
المديره .. ايه تقدرون بس ياليت ترجعونهم لنا ط¨ظ†ط§طھ عاقلات ..
رهف .. برجعلك وبجيب معي كيلو عقل وانتي ياشذا ..
شذا لا لا انا بجيب طن ... ههه
ام رهف : اصبرو ان ماجبت كيلو خيزران واخليا تطنطن على ضهرك انتي واياها ..
امشي انتي وياها ..
رجعو للبيت ...
ام طلال : *داشه البيت وهي تصارخ وتسب وتهدد..
طلال : وش فيها الغاليه معصبه ..
رهف : *حفيظوه الله لايبارك فيها حشت مخ امك كيلو ارانب وعشر كراتين صواريخ ..
طلال: *ههههههههههه وش عندها حفيظه ه الايام (طبعا طلال يعرف حفيظه من كثر ما اخته مو مهبله فيها ...)
ام طلال : مسكينه ه الحفيظه مايسوى عليها اختك ماخلت فها عقل ..
طلال : والله اختي مو سهله ..
رهف : *افا عليك طلول انا رهف عبدالرحمن ال .... وبكل فخر ..
طلال :وش سويتي حكيني ..
رهف حكت طلال من اول مادشت المدرسه لمن جات امها ..
طلال : ماسك على بطنه ضحك ... ههههههههه اما اعطيتيهم رقم المطعم ههههههههه
رهف: *بغت اعطيها رقم كومار بس غيرت رايي ههههههههه
ام طلال : *فرحانه انتي ووجهك فخوره ب انجازاتك ..
رهف : *يووه مام حفيظوه تستاهل ..
ام طلال : لا جاء ابوك قولي له انجازاتك ..
رهف : تفكر لا جاء ابوي بقلب السالفه عليك ياحفيظوه انا تشتكيني وتهزئيني اوريك .قطع حبل افكارها دخول ابوها ..
ابو طلال : السلام عليكم ..
الكل : وعليكم السلام ..
ابو طلال : خير يارهف وش رجعك البيت بدري ..
ام طلال :والله من عمايل بنتك اتصلت علي المديره ورحت جبتها ..
ابو طلال : خير وش صاير ..
ام طلال: جات بتتكلم بس نطت رهف ,,
رهف : تخيل يابابا انا رهف عبدالرحمن انضرب وأتهزءا قدام بنات الخلق عشان تاخرت على الطابور أنا يابابا حفيظه تشدني من شعري وتقولي إنتي ماتربيتي عشان تأخير؟؟؟
ابو طلال: انا اوريك فيها الحين اتصل على ابو حاتم(صاحب ابو طلال يشتغل في وزارة التعليم ) يعلمها بنت عبدالرحمن كيف تنظرب ...
ابو طلال : بروح اريح في الغرفه لاجهز الغداء صحوني ... وطلع لغرفته ..
طلال : ماسك على راسه .. حسبي الله عليك يارهيف بتقطعين رزق الحرمه ..
رهف : تستاهل عشان تعرف مع من تتعامل ..
ام طلال : يارهف الظلم مو زين ...
رهف : اجل انا ماتربيت *اوريها ..
قامت ام طلال من عندهم راحت للخدم تجهز معاهم الغداء وكملو طلال ورهف سواليفهم ..
في بيت ابو شذا ...
عائله شذا ..
ابو فيصل : رجل عصامي مايقبل ب االغلط .. عمره 48 ملياردير يدير مجموعه شركات حول العالم ..
ام فيصل : طيبه ..تعصب بسرعه وترضى بسرعه .. عمرها 40 رشيقه ... بيضاء ....
فيصل : طالب دكتوراه يدرس في جامعه كلفورنيا في امريكا .. عمره 23سنه .. خاطب رنا بنت خاله ..
وشذا اللي تعرفتو عليها
ام فيصل: ليه ياشذا ليه تنزلين راسي انا ربيتك كذا ..
شذا :سوري يا ماما والله ماعيدها ..
ام فيصل :اطلعي الحين غرفتك وبعدين نتفاهم ...
شذا :دام اطلعي غرفتك اجل مر الموضوع بسلام ... برووح اكلم رهوف اشوف وش صار واياها ..
مسكت جوالها واتصلت على رهف ..
رهف: هلا ببنت عمتي هلا والله ..
شذا : هلا برئيسه العصابه ..هاه بشري وش صار معك ..
رهف :هههههه قلبت السالفه على حفيظوه وبابا راح يعاقبها ..ز
شذا: شلون وش سويتي .. وحكتها رهف...
شذا : يممممه منك قويه .. ينخاف منك ... رهيف قولي امين ..
رهف: هههه امين وش عندك ..
شذا :عساك ماتكرهيني ههههه الا اقول رهف ,,,
رهف :سمي ...
شذا : وش بتسوين في الست رنا بصراحه قهرتني ..
رهف:لا تحاتين .. حطيت في غرفتها بريعصي (في اقوال وزغ)اراويها بتجي ميته تعب وبحرمها من نومه الظهر
شذا : هههههه حطي لها الثعبان اللي عندك اللي خوفنا فيه حليموه (حليمه معلمه الرياضيات سوو فيها مقلب قبل كم يوم حطوه لها بين اغرضها واغمى عليها من الخوف وهو بلاستك لعبه )
رهف :ههههه والله جبتيها ..
شذا: يلا اخليك ... لاتنسي كلمي عطوف خلينا نعرف اخبار الكلاس بعد الغاره اللي شنيناها على فطيم ..
رهيف:ابشري اكيد راح تتصل ..
شذا : يلا سلام
رهف: *بحفظه ..
نزلت رهف وجلست تشوف التي في ..
ام طلال :قومي نادي ابوك وطلال ورنا للغدا دامك جالسه اكل ومرعى وقله صنعه ..
رهف : اممم مامي قولي ل ميري ..
ام طلال : ميري تحضر السفره ...
رهف : *ابشري مام ..
راحت تجري من الدرج وهي تصااارخ .. اللي يبي غداء يجي .. غدااااا غداااا غداااا
ام طلال: الله لايبارك فيك من بنت كل الحاره عرفو ان عيال عبدالرحمن بيتغدو ..
طلال : *هييه وش صاير ..
ام طلال: لا ولاشي بس المهبوله قلت صحيتهم للغدا اعلنت الحرب ..
طلال: ههههههههه والله على صراخها احسب البيت انحرق ..
ابو طلال: *ام طلال وش لي عندك ..
ام طلال :لك عيوني ..
طلال : احم احم *ترى هنا في كائن بشري اسمه طلال ..
ابو طلال : تو اشوفك ..
طلال : افا يا ابو طلال ماتوقعتها منك ..
ام طلال .. احترم ابوك ياولد ..
طلال: وش عنده الحلو مايرضى على حبيب القلب ..
ابو طلال : هههه الله يغربل بليسك بس بغيت اطلب منك يالغاليه اذ بتناديني لوجبه لاترسلين صافره الانذار عليه ..
طلال : منو صافره الانذار ..
ابو طلال : اختك الخبله ...
طلال : ههههه لايق عليها والله بصرخها صدعت ..
رهف دخلت : افا تحشون فيني هذا وانا مجمعتكم من جد سو خير وقطه بحر ..
ابو طلال : طلبتك وانا ابوك هالخير لاعاد تسوينه ..
رهف: هههههه ابشر الموضوع تحت الدراسه ..
طلال: رهف عندي سوال *ليه صرختي ..
رهف : انا صرخت ابي اجمعكم بأقل وقت واقل جهد ..
ابو طلال : *فهمينا ..
رهف : ياطويل العمر اذا بناديكم يبيلي امر على غرفكم واجلس اتحايل عليكم ويبي لكم وقت عشان تنزلون بس بطريقتي اللي قبل شوي وقفت عند الدرج واطلقت العنان لصوتي وتجمعتوا وانا ماتحركت من مكاني فهمتو
طلال: *ههههههه وربي هبله ..
ام طلال : خلاص كلو سموا بالرحمن ..
نتركهم يتغدوا وبالعافيه ..

بعد الغداء طلعت رهف لغرفه رنا وحطت الثعبان على جسمها الممد على السريروطلعت بعد ماحطت جوال رنا على الوضع العام ..
راحت غرفتها واتصلت على جوال رنا ..
رنا تقلبت تبي ترد على الجوال وحست بشي على وجهه ومسكته وجلست تصارخ وتبكي وطبعا محد سمعها الا رهف اللي طايحه على الارض من الضحك ورنا تبكي بقوه لدرجه ان عيونها تنفخت من البكي بعد فتره رحمتها رهف ودشت عليها الغرفه ..
رنا : رهف واللي يخليك لحقيني عليه ثعبان ..
رهف : هههههه لاتخافي هذا زوزي العبه تبع عطوف ..
رنا: استوعبت *وليه سويتي كذا ياست رهف ..
رهف : عشان تبطلي تلعبي معي ياهانم ولا نسيتي اللي سوتيه اليوم ..
يلا باااااي ..
وطلعت من الغرفه وراحت غرفتها واتصلت على عواطف بنت عمها ..
عواطف بعد عده رنات .. بصوت نايم .. رهيف انا ابي افهم انتي متى تخمدين ,,, ريحي جسمك يابنت ..
رهف : هههه اقول صحصحي وحكيني وش صار اليوم بعد ماطلعنا ..
عواطف وكلها نوم : رهيف والله بنام اصحى واكلمك ..
رهف : اووووف عطوف اصحي كل ذا نوم ..
عواطف : ليه كم الساعه ... طبعا الغرفه ضلام مافيه ولا نور ..
رهف فمهت انها ماتشوف الساعه: *الساعه ياطويله العمر 11 باليل ..
عواطف : شهقت وي فاتتني الصلاه *رهيف اقلبي وجهك اصلي اكلمك ..
رهف : *وش بتصلين ...
\عواطف .. العصر والمغرب والعشاء
رهف : ههههه مابعد اذن العصر ..
عواطف شافت ساعتها : حسبي الله عليك يارهيف طيرتي النوم من عيني ... غردي وش تبين ..
رهف ابي اعرف ب التفصيل الممل*وش صار بعد ماطلعنا ..
عواطف: *اسمعي أول وش صار عليك انتي وشذى ؟.
رهف :ابد يا طويله العمر انذار ب الفصل ..
عواطف : اوف والله مي سهله هالحفيظه تعرف تعطي انذار ..
رهف :هههههه شفتي كيف .الحين حكيني ..
قالت عواطف الاحداث ب التفصيل الممل
رهف: عطوف لك ولا للذيب ..
عواطف .. خسى الحمار هههه
رهف : اسمعي كلمي عمي محمد نطلع للمزرعه هالاسبوع تكفين ,,
عواطف ابشري بس هالطلب ..
رهف : *يالبى عمرك ايه بس ..
عطوف الحين انزل ل دادي وارجع احاكيك ..
رهف: *يلا انتظرك ..
عواطف : يلا اقلبي فيسك ..
رهف : على أي صفحه ...
عواطف : على اخر صفحه عشان لا عاد اشوف خشتك ..
رهف : *يلا باااي ..
قامت عواطف وراحت الحمام غسلت وجهها ونزلت الصاله ..
عائله عواطف ..
محمد/ ابو عواطف وهو يشتغل مع اخوه عبدالرحمن عمره 40 وهو يدلل بنته عواطف لانها وحيده ..
ام عواطف/ هذي فرفوحه العايله كل البنات يحبوها روحها خفيفه تحب تمزح عمرها 35
عواطف *اللي انتو تعرفوها ..
نزلت عواطف : هااااي دادي هااااي مام ..
بوست راس امها وراس أبوها وجلست على طرف الكنب جنب ابوها ..
عواطف : دااااد بطلب منك طلب ..
محمد :امري عيوني لك ..
عواطف :تسلم عيونك داد .
بابا انا مليت من المدرسه وانت تعرف الاختبارات قريب وش رايك ه الاسبوع نطلع للمزرعه ..
محمد: ابشري ماطلبتي شي ..
الحين اكلم عبدالرحمن واكلم اخواتي ونطلع جميع ..
محمد : مسك جواله . سلام ابو طلال .. كيفك شخبارك .. الا بغيت نطلع الاهل للمزرعه وش رايك ..
صااار على خير ان شاء الله بحفظ الله مع السلامه ..
ناظر لعواطف : تم يابنتي ..
عواطف وهي تبوس خده : تسلم ي احلا اب ب الدنيا ..
ام عواطف :وانا مالي بوسه خلاص زعلت ..
عواطف: افا احلا فيس في الكون يزعل وهي تبوس امها ..
ام عواطف : *انا تيس ياعطيف اوريك ..
عواطف : ههه لا مام مو تيس فيس يعني وجه ..
ام عواطف : محمد : اللي تقوله صح ولا تلحس مخي بنتك ...
محمد: هههه لا صح افا عليك على بالك و تسبك بخليها ..
عواطف :بروح قبل لاتشنون هجوم عليه باااي ..
طلعت لغرفتها وكلمت رهف ..
رهف :هااه بشري ..
عواطف :ههههه وعليكم السلام ..
رهف : عطيف اخلصي ..
عواطف : ههههههه تم بنروح المزرعه ..
رهف من جدك ياعطيف ..
عواطف : افا عليك انا عواطف محمد عبدالعزيز ال ( ..... )ينرفض لي طلب ...
قفلت من رهف وراحت تخبر شذا عن الطلعه ...
في بيت ابو طلال ...
ابو طلال : طلال خبر اهلك ان فيه طلعه للمزرعه نهايه ه الاسبوع ..
طلال : تامر امر ....
طلال *:يبه عيال عمتي بيجون ؟؟
ابو طلال:من يهمك من عيال ــــعمتك وهو يغمز له ..
طلال : هههه الله يهداك يبه اكيد الشباب ..
ابو طلال: *بسوي نفســــي صدقتك .. ايه بيجون إن شاء الله .
طلال : يمه ..
ام طلال : سم وش عندك ..
طلال: ابوي يقول في طلعه للمزرعه ..
رهف : ونااااااسه..
رنا : مامي بليز مابي اروح تعرفي الاختبارات قربت ولازم اذاكر اجلو الطلعه لبعد الاختبارات ..
رهف .. لا والله انا عني ابي اطلع والا الاختبارات باقي عليها اسبوعين بتحبسينا كل هالفتره ليه ان شاء الله ..
رنا :رهف احنا علمي ولازم نذاكر ..
رهف : اقول ريحي عمرك *واذ بتذاكري جيبي كتابك معك وذاكري ..
ام طلال : نفسي يوم تتفقين انتي وهيه ..
رهف : بنتك ذي نفسيه تحب تضخم الامور ..
رنا : الا وانتي الصادقه انتي مستهتره ..
ام طلال :خلاص اسكتوا وتعالي يارهف نجهز للطلعه ...
/////في المزرعه////
وصلوا *كل العائلات ...
ومن ضمنهم عائله العمه نهى..
العمه نهى / اختهم من ابوهم لان ابو عبدالرحمن تزوج 3 حريم ...
نهى شخصيه قريبه من البنات عمرها 30 وعندها بنت و3 اولاد متزوجه من ملياردير اسمه احمد ..طيبه وحلوه ..
مرام/ بنت نهى الوحيده دلوعة اهلها حلوووه وعيونها وساع بشرتها بيضاء شعرها حرير ويوصل لتحت كتفها بشوي .. مررره كيووت عمرها 19
حازم / اخوها الكبير .عمره 27 مدرس يدرس في *الثانوي فلاوي مًرررررره ووسيم .
علي / عمره 20 في جامعه الملك عبالعزيز في جده قسم محاسبه .*
سطام /عمره 9 سنوات يعيش طفولته ب الطول والعرض ..
رهف جاااات وهي تركض :اهلين مرامو ..
مرام : اهلين رهوفتي وحشتيني موووت كيفك ..
رهف: تو مانورت المزرعه ..
مرام : ادري بدون ماتقولي ..
رهف : مالت عليك بس مجامله ..
مرام : اقول رهيف لا يكثر خلينا ندخل سمرت من الشمس ..
رهف: *يلا ..
نهى : *اخت رهف ما كأنك نسيتي عمتك ..
رهف : سوري عمتو بس شفت بنتك ما انتبهت لك وتطير وتضم عمتها ..
نهى : شوي شوي يابنت كسرتي عظامي ..
رهف :ههههههه من حبك كسرت ضلعك ياعمتو ..
نهى : هههههه جديد اول مره اسمع هالمثل ..
مرام: ههههههه كل شي عند رهف نيو ..
رهف : ههه طبعا انا بنت الدحمي ..
نهى : اخوي صار اصغر عيالك ادخل ويلا قدامي
البنات : هههههههه عصبت نهى
دخلو السلام عليكم ...
الكل وعليكم السلام ..
ام طلال : وينك يانهى تاخرتو ..
نهى: والله جينا مع علاوي خلص اموره وجابنا ..
ام طلال : الله يعطيه العافيه ..
ام شذا : يلا نقوم نسوي الغداء ..
ام طلال : نهى .. يلا توكلنا على الله ..
عند البنات ...
رهف : يلا صبايا نروح الاسطبل ...
مرام وعواطف وشذا يلاااااا قدااااام *
رهف: يلا وناااسه انا بركب خيل ..
كانو الشباب يمشون ..
على : والله ياطليل منت بهين ..
طلال : طليل عينك ياعليوي .. اصغر عيالك ..
على: *لا لا محشوم اكبرهم ..
هههههههههههههه
طلال : والله منت وجه حشيمه*
حازم .. الحين احنا وين رايحين ..
طلال .. الاسطبل يالخبل .. اشتقت للفرس تبعي ..
.. انتهى البارت
ابي توقعاتكم ل البارت الجاااي وش بيصير في المزرعه وش المواقف اللي بتصير بين البنات والشباب .....




>>>>> ردود الأعضـــــــــــــــــــاء على الموضوع <<<<<
==================================
لاتحرموني من ردووودكم وتقيمكم ....

لا احلل نقله الروايه دون ذكر اسمي عليها كاكاتبه ..


__________________________________________________ __________
روايه جميله,, انتي كاتبتها؟؟
و ياليت يثبتونها^__^
استمري


__________________________________________________ __________
نااااااااااااااااااااااايس
واصلي يالغلا
تــــــم التثبيت
تقبلي طلتي + تقييمي ^_^



__________________________________________________ __________
اهلين جوووده يعطيك العافيه ....


__________________________________________________ __________
اهلين سوووكر .. نورتي

يسلمووووووووووووو روايه رااااااااااائعه
يعطيك الف عافيه ياعسل
استمري