يا غشيمه ليـه تبديـن الأسـف والإعتـذار! أدبيات
عنوان الموضوع : يا غشيمه ليـه تبديـن الأسـف والإعتـذار! أدبيات
مقدم من طرف منتديات المرأة العربية
يا ط؛ط´ظٹظ…ظ‡ ظ„ظٹظ€ظ‡ طھط¨ط¯ظٹظ€ظ† ط§ظ„ط£ط³ظ€ظپ والإعتـذار!
أصلا احنا منتهين ان كان هـذا يجهلك!!
..
ثم أنا مـا ودي أفتح بيننا باب الحوار
بس أنا عارف فضولك.. بالنهايـة يقتلك!!
..
تسأليني من معي بعدك خذت فكري وصار..
يحتفل فيها قصيدي.. وعلّمَتني أهملك ؟؟
..
واسمحي لي راح أجاوب لك سؤالك في إطار..
الصراحه.. وادري إنّ آخر كلامي يزعلك
..
ذيك بنت ٍ من غلاهـا عامله فينـي حصـار
وين ما وجهت نبضـي لجلهـا قلبـي سلك
..
ذيك بنت ٍ تزرع البسمات في كل الديار
تغفـل بطيبة نواياها .. ولا تستغفـلك
..
ذيك يوم إنك تركتينـي علـى شبـه انهيار
جتني وطرت بهواهـا للسما وابعـد فلك
..
ذيك يوم آكلمك وابقى على الخـط انتظـار
حطت الدنيا انتظار وجت تقول: اشتقت لك
..
ذيك غيم وصالها ما شـح فـي ليـل ونهـار
وانتي ياخذك التغلـي للغيـاب ويشغلـك !!
..
ذيك يوم إني –أموّل- لك تفاصيلـي دمـاااار
جت تغني: (الماضي لك/ وبكرهـ لك/ وبعدهـ لك)
..
وعن جمال أوصافها خايف يصيبـك انكسار
لانها لو تلتفت لـك؟ ضيّعـت مستقبلـك!!
..
وانصحك من حسنها لايبتـدي قلبـك يغـار
وابعدي عنها تراها "حبه .. حبه .. تاكلك"
..
نور عيني حبّها .. يعنـي لي أكبـر انتصـار
حزت عرش ٍ من ملوك الأرض ما حازه ملك
..
كن قلبي من بعـد مـا حبهـا علّـق شعـار:
" الرجاء الإبتعاد .. القلـب هـذا ممتلـك "
..
واعتقد ما فيه داعـي يكتمل هـذا الحـوار
بس هـي كلمـه .. إذا ودك تعرفـي منزلـك
..
شفتي البنت اللي احتلت مكانك .. باختصار::
ذيك تسواك ِ و تساوي كل طوايفْـك و هـــــلِك
>>>>> ردود الأعضـــــــــــــــــــاء على الموضوع <<<<<
==================================
قويه...الله يعطيك العافيه..
__________________________________________________ __________
الله يعطيك العافيه
__________________________________________________ __________
منورات يالغوالي
__________________________________________________ __________
مشكوووووووووووووووره ع الابيات الرائعه
__________________________________________________ __________
مشكوره ع الطرح الرائع ()+
اسعدني تواجدك يالغلا
