عابرة سبيل // لعشاقها - جميلة
عنوان الموضوع : عابرة سبيل // لعشاقها - جميلة
مقدم من طرف منتديات المرأة العربية
السلام عليكم ورحمة الله وبركاته
وحشتوني اكتيييييييييير حبيت اطرح لكم قصائد الشاعره اللي اعشقها بصراحه ط¹ط§ط¨ط±ط©
سبيل رحمها الله
اتمنى ان تحوز على رضاكم ((
ملاحظه ... الموضوع منقول ولللأمانــــــــــه بس والله انا جلست فتره عشان ابي قصائدها
عـابـرة سبيــل
هي عابرة ط³ط¨ظٹظ„ (( رحمها الله )) .. شاعره كويتيه ...
تركت بصمه ..
واضحه في الساحه الشعريه .. لن يمحيهاااا الزمـان
كلماتها عذبه ... قصائدهااا..لامست قلوب الكثيـر
حتى احبهاا الجميع كباراً وصغاراً
فقد جمعت ..
الحب والصدق والبساطه والعذوبه في قصائدها كلها ..
ولم تتصنع ماتكتبه ابدا.. فقد قالت (( انا لااعصر الجرح لتفرحوا
بنزفه فهذا عذاب اخر ، بل تعصرني الجراح وتولد القصائد ... )) ..
كتبت تحت اسم مستعار عابره سبيل
اسمها الحقيقي وسميه (وقد قيل موضي ) العازمي ( ام فهد )
الجنسيه .. الكويت
عمرها عند وفاتها 43 سنه
ولديها 4بنات وولدين
تاريخ وفاتها يوم 18/ 3/2017
انسانه طيبه وتكره الأضواء والأعلام ولم تجري مقابله صحفيه او اعلاميه ابـداً
من الطرافه ..!! ان زوجها لايعلم بشاعريتها الا عند اعترافها له بذلك أثناء مرضها
وزوجها من تولى طباعه ديوانها ورفضت ان تستلم دينار واحد من مبيعاته ممايدل على انسانيتها ورقيهاا وطيبتهااا
رحمك الله يام فهد ياعابره سبيل
أتركـكـم الآن مع مقتطفات من أشعارهـا .. ~
( بطاقه شخصيه ..)
انا عـــجوز ومــطلقه وام ورعـان
وايضا مدام وبنت وانــــس وعانس
انا بــدويه وعايشــه عند حضران
وبنت البــحر وابوي زارع وغــارس
امــيه ماتـعرف حــروف والــوان
وتلــــــميذه دشت جميـــــــع المدارس
ظــفره وخــبله وعاقله في نقصان
شرود وانطـــــــــح لي ثــمانين فارس
خلون .. اعيش العابره دون عنوان
طيــــــــفٍ يــمر بلا رقابــه وحـارس
( عابره )
اهلـــي يدرون انـي شـاعره
بــس مايدرون في جــرح اللــيالي
يمــنعوني من كـتابه خاطره
مادروا اني من زمان بها المـــجال
آه.. لـو يدرون اني "عابره"
عنــدهم بتـــصير موتتــــنا حلال
( يادنياي )
جيت بكتب عن شقا عمري قــصيده
مــير عيـــــــــــا القول لا ياقف معي
شاف همي والــمعاناه الشــــــــديده
اكــبر من القــــــول وحروف النعي
هــاك يــادنيـاي عمري ماريــــــده
اضربيـني واقسمــــــيمي واجمعيني
اي نعم ماني بها الدنيا ســـــــــعيده
مـــن نهـار ولادتي وهمــــــي معي
عــشت مـحزونه وملتاعه وشــريده
وياكـــبـــــر شــي تخبيه ضلوعي
مــابي بين الناس تبكــــين وحــــيده
وان هجــع طرف البشر ماتهجعي
امــا مـوته حق او ايــــــدي بايــــده
هــــــيه يارحمه الهي .. اسرعي
( الهموم الكثيرة )
كل مزاد همي...شان حالي .. ونقصت
والهموم الكثيرة تبري حالي .. بـري
وكل ماجيت بارقد لو دقيقة .. قحصت
كن رقط الحيايـا يندسـن .. اظهـري
وكل ماقلت طبت ومن عذابي خلصت
عود القلب للي فـت يرجـع .. قـري
آه ياللي لغيره لا حشا ما .. حرصـت
مودع وسط كبدي من غيابه .. فـري
ومن نهار الموادع بالفرح مارقصت
ولا كحلت العيون ولا لبست .. الزري
( وقالت عن الهم والضيقه )
ضايقه بالحيل محتاجه اشتكـي
لولا طبع فيّ .. يمديني شكيـت
بس أدور عذر منشـان البكـي
لو يدوسون بطرف ثوبي بكيت
كل ماجيـت اتريـح وارتكـي
يزدحم في خاطري الفين بيـت
ويش بيدي افعله غير الحكـي؟
قاصره خطوات رجلي لو مشيت
أسرعي يانفس موتي واهلكـي
صرتي همي يوم بالدنيا شكيـت
===============
( يسؤلوني )
يسألوني عابـره ويـن .. الجديـد والاجابـه ضايقـه فينـي .. ملـل
راحت ايام السعـاده .. والقصيـد عشتهـا بيـن التكانـه .. والجهـل
كنت اروض شارد الحرف .. العنيد ماعسرني لو بغيته فـي .. عجـل
فيه اصور لوعة الحـب .. الاكيـد ومنّه ( اشكل ) ماحوى قلبي .. غـزل
ومعه ( اسافر ) عن معاناتي iiبعيـد ولأجل حبه ماشحنّي من iiزعـل
احضنه ( فرحة ) طفل في يوم عيد واسكنه ( روض ) الخزاما iiوالنفل
واحتويته ليت لي ( قلـب ٍ) .. بليـد ماعرف ( فرق ) الجزاله iiوالهزل
والنهايه مابقـى عنـدي .. جديـد واعذروني صارت ايامـي ملـل
=================
( مقدار )
مـــقدار حــــبــي عالم فيه ربي
والا الـــموازين لغرامي ظلـومه
لا ..لا تـقارن حب امك بـــحبي
اخــاف من عينك تطــيح الامـومه
اخشي يقولوا عندك ماهو متربي
مابي اشــارك في عقوق الرحومه
يــاغايــتي ماعاد فيني اغــــــبي
حــبك تــعدي حـدود نفس كتومه
مــابيك تسـال عن مقادير حبــــي
بـــكرة مـع الايام تطــلع علومه
================
أشهد اني لغيره بالغلا ماعطيت
واشهد انه بغاني مير ما من عوين
صحت من قلب ياويلي على اللي هويت
وقمت أمسح دموعي من يسار ومن يمين
لاطرالي حبيبي بصوت واطي حكيت
انا لله وانا اليه راجعين
======================
مشاعر داخلي أزريت لأكتبها
أكبر من أنه حبيبي ويبي يخليني
وأكبر من الحب والحاجه وراغبها
ماكنه الا مخلفي وناسيني .. !!
===================
سابع سنه حبهم عايش بوجداني
طموح وأحلام .. ماتن .. من يعزيني
والله مدري أنا أبكي بعد خلاني
ولا على عمري اللي ضاع وسنيني
==================
قال التغلي قلت مامن تغلي
قلت الفراق .. وقال مامن تكاليف
قال اباروح .. وقلت واكبر غلي
وقامت تدق طبول قلبي تحاسيف
( غالـي )
غالي ولايوجد مـع النـاس غلـوه
عن وصف حبه يقصر الشعر .. وغناي
كل يـوم حبـه يرتفـع .. ويتعلـوى
هذا وهو غايـب ولاهـوب .. ويـاي
في عينـه اليمنـى مـلاذ .. وملـوى
وفي عينه اليسرى قرارات .. منفـاي
ما حاصل لي ان غبت راحة.. وسلوى
وان جيت كل الناس من دون رجواي
إن غبت بلوى وان تقربـت بلـوى
منشار ياكل بالخشب رايـح .. وجـأي
( نـون )
ليه سموا صبي العين نون؟!!
لن نونـك يعيـش .. بنونهـا
آه يانون..يانـور.. العـيـون
يابعـد نونهـا .. وعيونـهـا
لك غرام محشـم .. ومحـزون
هو سبـب عابـرة وفنونهـا
ولك مكانة تعلـت .. بالمـزون
جملة الناس طاحـت .. دونهـا
مال الأيام في غيبتـك .. لـون
إنت .. نكهـة حياتـي ولونهـا
( مقادير الغلا )
ليش تسأل عن مقاديـر الغـلا
عاجزه عن وصف حبك بالكلام
لك قدرٍ يابعـد عمـري اعتـلا
واختلط حب ومعـزه وإحتـرام
فـدوه لعيونكـم كـل الـمـلا
من قرابه ومن خوال ومن عمام
في غيابك هم واحـزان وبـلا
وعند قربك اهتني بحلو المنـام
يابعـد محبـوب قلبـك وهـلا
لاتعرض مـن يحبـك للعـدام
=====================
( انتم تحبوني وانا احب ثاني )
أنتم تحبوني وانا احب ثانـي
...........واللي احبه باغيٍ ناس ثانين
هذا ابتلى فيني وهـذا بلانـي
..........واللي بلى مبلي وباليه مسكين
أنا ترجيته وغيـري رجانـي
.........والمشكله ماينقل القلب حبين
سهوم تجمع بين قاصي وداني
.........ياليت لسهوم المحبة قوانيـن
هذا ينوح وذا جريـحٍ يعانـي
.........هذا قتل هـذا ولاهـم داريـن
وهذا كتم سره وهـذا علانـي
..........الله أكبـر ياجهـاد المحبيـن
===========
( حبت العين طايـش )
المشكله ما هيب هذي ولا ذيـك
.........المشكله لا حبت العيـن طايـش
تزعل ويضحك وان تبسمت يبكيك
..........الموت جاك وهو بالافراح عايش
تناقشه يزعل ، تداريـه يشقيـك
.........ترقع شروخ ويطلعن لك درايـش
ما ينتراضى و بالزعل مايراضيك
.........والصبر يثر بالقلوب الهشايـش
( من الصغر احبه )
غرامه ربى في داخلي وانتشر بالحيل
من الصغر حبه في حشا النفس منغرسي
انا في نظر عينـي حشا ما سمعت القيل
اهو حاضري ومستقبلي وباكري وامسي
جحدني مثل ما يجحد الكافر التنزيل
فجعني مثل فجع الهواجيس للمسي
جرحني مثل جرح الثرى من عزير السيل
رماني مثل ما يرمى بالي اللبسي
( يا صاحبي )
ياصاحبــي ... بس تكفـى ... لاتجنــنــي
............ ما عفت من ضرنـي .. وشلون خلانـــي ؟؟
حتــى الذي ضرنــي ... لا ضاق يحزنــي
...........ماعندي أعداء ، كـل النـــاس صدقانــــي
قلبــي معاكم نظيف وصافــي ظنـــــي
........... لا مايتغيــر غـلاك إن صرت ... غلطانــي
والله لا سامح الغلطة وأنــــا ... أغنـــي
............. من لاعذر صاحبـه يعيش ... وحدانـــــي
وإن كان قلبــي حقود ... الله يـــلعنــي
............وإن كان مالـي شرف ... عساي للفانــي
( وشلوون يزعل )
لا ما يجوز الزعل مابينـه وبينـي = وشلون يزعل وانا اللي شلت تقصيره
وانا على طريف لو ازعل ويرضيني = ارضـى قبـل لايكمـل معاذيـره
جاك الخفوق بدوي يعتـزي فينـيي = سوق لك من حلاله مـن مغاتيـره
خلاص طوف خطـاي ولاتبكينـي = وامسح خطايه بوجه الحب والجيـره
ارضى وانا اي عذر منـك يكفينـي = ولاتطول السالفه يا مطـول السيـره
( رغبه )
أنا أبيك .. وحش يحتوي داخله عصفور
وانا ابيك .. طفل يحتوي داخله رجـال
أبيك .. الأب بالعطف والأخ بالمعسور
أبيك أمي بالتدليل ومداعب الجهـّال
انا أبيك .. تاج الستر ياعاري المستور
أعاف العقل وانجن مادامهم عقــّال
أبيك .. المطاع الطايع المنذل المغرور
انا أبيك .. جوعي وشبعتي والفقر والمال
أنا أبيك .. تشكيلة عواطف كما البلور
أبي تحتوي كل التناقض مع الاشكال
أباصيــر انا ويــاك.. داخل بعضنا نـدور
ياحتى نضيع وين كنا مع المـــدخال
خلاص انتهى صبري وتلاشت خيوط النور
أبعلن جنوني وش نلت من عالم العقال؟؟
( ليله شتا )
في عز ليل الشتا قعدت يلحالي
ما اغير انا وهاتفي والبوم والدوه
انطر يبي يتصل بي واحد غالي
وطفيت ليتي اخاف انشاف في ضوه
اقلب الفيش اخافه عاطل بالي
اموت واحيا وعقرب ساعتي توه
انا في موقف يخوفني به اظلالي
واقول ما قوم لين يقول لي قوه
ودقات قلبي تزيد وينشغل بالي
ويزداد خوفي لا درت الوجه للهوه
خلاني انطر حبيبي المدن التالي
عز الله انه ما سوى خير ومروه
( هيّا تغزل )
كل مااتصل فيك صبح وليل تشكي لي
من عوج الاوضاع والدنيا ومتاعبـــها
مليت يا صاحبي مابيك تحكي لي
هالأسطوانه أنا مليـت مطـــربها
حتى خيالك بتـال الليل ياتي لي
جروح وعيون معقوده حــواجبـها
عيشتني بعالم ماهو على جيلي
زهرة شبابي حرام انك تخربــها
ياما هجرتك ولا كملّت ترحيــلي
حبايب ما تــــعبر عن حبايبـــها
حبيبتك ما تحمــّل هالبـــهاذيلي
إضحك معاها ولاطفها ولاعبـــها
هيّا تغزل وغن وزيـــد تدليـــــلي
البنـــت يــــاحبها للي يداعبــــها
قلي وش رايك بفستاني ومنديلي؟
الوانهن تعجبك .. أو مانت راغبها؟
وقلي وش رايك بعقدي مع خلاخيلي؟
وشف قذلتي يوم قصينا ذوايبـها
وقلي وش رايك بأطباعي وأقاويلي
لاحظ عليها وغيّـرها وشطّبـــها
خل بيننا انقاش وعلوم وتعاليلي
وآمر على البنت وان حبيت طالبها
يامدمن الهم كافي دمع بالليلي
بكره تشبع من الدنيا ومصايبها
دنياك والله .. ماتسوى التزاعيلي
حتى ولاهيب كفو الي يعاتبها
==================
( سبة هروبي )
أرحل واروح بعيد عنك أتخفّى
واركض واطالع كل ساعة ورايه
واليا انتهى دربي قعدت اتعفّى
إلا انت يا سبة هروبي معايه
أشوف لك لمحة إذا الطرف غفّا
في صحوتي ماخذ خيالي مرايه
لو أنعمي وأنصمّ .. لو استخفّا
لو عشت أنا والذاكرة مو معايه
بحر غرامك حالفه ما يجفّا
عبر مسام الجلد تدخل حشايه
==================
( سألت عنه الشمس )
سألت عنه الشمس ، يا شمس وينه ؟
.........وأشوفها عنـي لجـت تزبـن النـو
وسألت عنـه فـي شـوارع مدينـه
.............لكن طفـت أنوارهـا وأظلـم الجـو
ورحت أسأل الحاره هوى البال وينه ؟
..............عقب الرحيل اللي شهدتيه ما جـو !!
تكفيـن مثـل الغيـر لا تنكريـنـه
............يامـا لعبنـا بالبراحـه أنـا وهـو
وقفـت أطالـع بالأماكـن حزيـنـه
............أسترجع الذكرى وأنـا داخلـي ضـو
ذكرى الطفوله و أول الطيـش فينـا
...........و حروفنا اللي كـن تسجيلهـا تـو
وضحكه وخيال وصوت طفـل يبينـا
.........في ماقفي كـم قلـت ليـت ورا لـو
أسوق مـن عنـدي بشايـر ثمينـه
...........اللـي يعلمنـي بهـم كانهـم جــو
==========
(كل ماقلوا لفـا الديره غريب )
كل ما قالوا لفا الديره غريـب
.........قمت أومّي في يديني وابتهـل
هيه يالمقبل هلا بك يالحبيـب
........مرحباً واهلين يا حـيّ الرجـل
وان تبيّن لا صحيب ولا قريـب
........أبكي ضيقه ، أبكي حرّه وانفشل
واعتذر في صوت قطّعه النحيب
........العذر والله رحـل عنـي طفـل
وأكتب التاريخ واسجل صليـب
........وآخذ الدفتـر معايـه وانعـزل
====================
( صارو عيالي رجاجيـل )
باكر يجي .. ياشيب عيني من الويل
........من عقـب ماسافـر سنيـنٍ مديّـه
ش قول له .. صاروا عيالي رجاجيل
........ش قول له ؟ .. ماني بعهده وفيه !
إن قلت لـه انـي تعذبـت بالحيـل
.........وان قلت له اكبـر عيالـي سِميّـه
يبي يعذرني ويترك القـال والقيـل
.........و الا يجـي ويّـا زمانـي علـيّـه
وان جبت حظي والمقادير .. تعليـل
..........واني ضعيف .. ورغبت الله قويـه
يبي يصـدق كلمتـي دون تحليـل
.........و الا يبي ينسـف كلامـي عليـه؟
ش قول له ؟ .. ماينفعنّ الأقاويـل
.........ما دمت ماني فـي عهـودي وفيّـه
=========================
( ليتني البارحـه يـا نايفـه ماسريـت )
ليتني البارحـه يـا نايفـه ماسريـت
.............يـم درجٍ مقفـل مـن قديـم السنيـن
اشهد اني فتحتـه وانتحبـت وبكيـت
...........شفت ما هيّض الجرح القديـم الدفيـن
شفت وسطه رسالة وليتنـي ماقريـت
..........بيت شعرٍ قديم وظرف مـع صورتيـن
اشهد اني لغيره بالغـلا مـا عطيـت
.........واشهد انه بغاني مير ما مـن عويـن
صحت من قلب ياويلي على اللي هويت
.........وقمت امسح دموعي من يسار ويميـن
لا طرالي حبيبي بصوت واطي حكيـت
..........إنـا لله وإنــا للـولـي راجعـيـن
=====================
[ الاعتزاز بالنفسمن خلال أشعارها ]
كيفي مزاجي ، كل شيٍ بكيفـي
.................حره وحره الف مليـون حـره
باخذ ربيعك منك واعطيك صيفي
...................باخذ حلا الأيام واعطيـك مـره
ذوق العنا ، خلّه يزاورك طيفي
...................ذوق الذي ذقناه لو كـان مـره
عقب الهجر لا تعتذر يا وليفـي
...................بارد لك نص العنا و المضـره
( سمه دلـع سمـه غرور .. )
سمـه دلع ، سمه غرور وعوابـه
...........................سمه مزاجٍ يعشق اللـي يناحيـه
سمه قساوة قلب ، سمه صلابـه
............................سمه لعانه .. سمه اللي تسميـه
هذي طبوعي و الغلا مـو طلابـه
.............................يا نور عيني غير هالطبع مافيـه
مليت قلبٍ يشتكـي مـن عذابـه
.............................وتصرفي دايـم يذمـه ويشكيـه
ودايم على طبعـي كثيـرٍ عتابـه
.........................درب المذله يا منى النفس ما بيه
ما دام درب العيب ما جيب بابـه
........................و عهد الوفا ما خنت روعة معانيه
(خلنـا نتفـاهم )
لاترفع الصوت ماني فيك مجبوره
قررت دربي وصوتك ما يوقفني
أرضى أنا بقاسيه أرضى بمغروره
ولا أرضى بعشرة حبيب ما تشرفني
ياما وياما وياما قلت بحروره
حاول تغيير ترى وضعك يكلفني
خلنا نتفاهم تعال نوضح الصوره
إما انت تمشي معي او لا توفقني
مسرور فيني وانا مانيب مسروره
حبي يشرفك وحبك ما يشرفني
( العين بالعين )
تدري حبيبـي بطعبـي حيـل وتعرفـه
= العيـن بالعيـن والبـادي هـو الظـالـم
مانـي ورا العاطفـه بالحيـل منجرفـه
= طبعـي علـى صـد ردات الفعـل والـم
الا خيانتك مـا املـك عندهـا صرفـه
= واحذر تحاتي ترى مـن خونتـي سالـم
مارضى اخونك ولا ارضى اعيش منحرفه
= ماهو عشانك ؛ عشـان النفـس والعالـم
درب الخيانات لـو امـوت مـا اعرفـه
= لكن يا عمـري تحاشـى ثـورة الحالـم
( فرقاه صار )
أغض عيني عـن خطـاه و خمالـه
و ارقع فضايحهم بزيـن التواصيـف
أثـاري فيهـم مـا تفيـد الجمـالـه
و النـاس لا سبـوه قلنـا ملاقيـف
فرقاه صار 00 و نسيتـه لا محالـه
ولا عاد في بوم الليالي لهم طيف
دمـوع عـز ولا ابتسامـه نـذالـة
دنياك ما دامت لغيرك علـى الكيـف
( قال الوداع )
هو يعتقد لو راح مقدر انا اعيش
دايـم يهددنـي بفـك الجموعـي
قال الوداع , وقلت يا صاح حتيش
يا علهـا فرقـا بليـا رجوعـي
لا تعتقد من سبة البعد يا طيـش
يا صاحبي حبي على كيف طوعي
يا سايل عني انـا قاسيـه ليـش
بتموت ما تلقا مع الناس نوعـي
كف الرسايل لا تـدز المطاريـش
سكرت عن هرج الوسايط سموعي
( طيري )
طيري غدا بين هالغربــان !!
000 يــامن يـدور على طيــري !!
في ساعة خاطري زعلان !!
000 بيــــدي سلمته لغيــــري !!
ماهـوب غض ولا حقـران !!
000 يـــا للأسف ضاع تفكيـري !!
ما جابه الخاطر النـــدمان !!
000 ولا انـــفعني معاذيــــري !!
لو إنـــــه مخلي العنـــوان !!
000 والله لاوريـــه تقديــــــري !!
[[ >> وقـالت عن الفراق << ]]
( يا كثر شعري )
يا كثر شعرٍ كتبته امس و البـارح
و يا كثر شعرٍ عقب فرقاه سجلتـه
دفاتري إمتلت من سبـة الجـارح
هذا000 وغير الذي للحين ما قلته
خلى دموعي تهل و خاطري سارح
يا كثرٍ همٍ عليـه اليـوم شايلتـه
=============
جاني يقول : اسمعـي لابـد نتباعـد
...............ياخـوك ماعـاد بـه حـلٍ يريدونـه
حسيت باحساس ما حسه معي واحـد
...............حسيت باحساس مدري كيف مضمونه
( آخر مـوعد... )
له موعد( ن) لاروّح الليـل ويـاي
أول وآخر موعـده مـع فتاتـه
اليوم ماتنفع دموعـه ورجـواي
اليوم تفصل عن حياتـي حياتـه
اليـوم يعطينـي بقايـا بقايـاي
وأعطيه أنا ماشلت من ذكرياتـه
اليوم بابـدّل مشاعـر حنايـاي
يصبح من أخواني وأنا من خواته
اليوم يتركنـي لحالـي بدنيـاي
مجبور يقفـي لويزيـد التفاتـه
اليوم يخلف عن مماشيه ممشاي
والله ماضمن من عذابـه نجاتـه
لو أتعلـق فيـه ماينفـع بكـاي
خلاص فات الوقت وأعلن فواتـه
اليوم بعطيه العزا عقب فرقـاي
عندي خبر وش قيمتي في حياته
وانا العزا مابيه من كبر بلـواي
ماينفع اللي عاش وأعلن وفاتـه
يارحمة الله ساعديهـم بسلـواي
يعوضـه الله بانكسـار امنياتـه
اليوم ياهمي وياطـول مسـراي
ويافرحة العذال وأهـل الشماتـه
( أحــلام... )
ياما على نفسي بالأحـلام كذّبـت
وياما صبـرت وصبرنـا مانفعنـا
وياما..وياما من وداعـه تعذبـت
وياما نحـاول نفتـرق ماستطعنـا
كم مرت ( ن ) ودّع وكم مرت ( ن ) غبت
وكم مرت ( ن ) عقب الوداع اجتمعنا
يامـا توادعنـا وشـرّق وغرّبـت
ويوم التفتنا فـي بعضنـا رجعنـا
لاقـادره أنسـاه مهمـا تهربـت
ولامعتـرف فـي حبنـا مجتمعنـا
( قال اسمعي... )
قال اسمعي..فرقاك غصبـن عليّـه
عيا الزمن يمشي معانا بالأوفـاق
وقفـت لاميتـه ولانيـب حـيّـه
تضاربت بالجوف ضيقـه وحـراق
وقال:الرسايل وينها؟؟..قلـت ذيّـه
وللريح عرضت الرسايل والأوراق
رزيـت نفسـي واتظاهـر قويّـه
يعنـي كأنـي ماتأثـرت بفـراق
أنا عـذاب الكـون صـوّت عليّـه
أضحك بسني واختم الضحك بشهاق
ماكنت أظن الليـل يمسـي عليّـه
ولاكنت أظن تعوّد الشمس بأشراق
( الوداع.... )
قال الوداع ..وقلت لـه بالسلامـه
هـذي ظروفـي دايمـا جابراتـي
مسحت عبراتـي بكـف الندامـه
وتليت من كفه حوايـف عباتـي
قفى يداري عضت(ن )في ابهامـه
وقفيت اداري عضت(ن )في شفاتي
وكل(ن)رحل يحمل بقايـا غرامـه
وراحت حياته يوم راحت حياتـي
فرقاه ضامتنـي وفرقـاي ضامـه
وعلى الله الوالي خلـف ذكرياتـي
وعقب البطا أرسل عليّـه سلامـه
يطلب ويرجيني يبـي تضحياتـي
مقدرأضحـي بالشـرف للملامـه
وأمومتـي ترفـض أيتـم بناتـي
من ماحصل لقياك يـوم القيامـه
ماظن تحصـل شوفتـي ياغناتـي
( في مفرق الدربين )
قـال الـوداع وقـلـت.. لالاولالا
أنا معك في عهد الإخلاص .. مابقت
دنق علي وقـال مامـن .. مجـالا
وقنعت يوم إني بالأسباب .. حققت
وسكت ماعندي نقـاش .. وجـدالا
ذقت العذاب اللي له العام ..ماذقت
سكت ما املك حيلـة .. واحتيـالا
إلا ليا منـه بكـى .. حيل.. دنقـت
ولكن عطا خلـه بقايـا .. حلالـه
وفي مفرق الدربين غرب وشرقت
ومن الله الوالي طلبـت الدخالـه
دخيلة الله كان للبعد مـا طقـت
( أثـر يـدينـي )
حان الفراق وتم توديـع .. غاليـن
قسوة زمن وظروف ماهي .. رحومه
وحاولت ابدل موقف العسر.. باللين
وابيـن قدامـه جسـور .. ظلومـه
واعاتبه وانقد على دمعة .. العيـن
وهذا الفراق اللي تجينـا .. علومـه
ومسكت نفسي كن ما صاير .. شين
أخشى على خلي يشقـق هدومـه
ثم قلت وش تنطر حبيبي لها لحين ..؟
أثر يديني مـا سكـات .. كمومـه .. !!
( ماني شمالية )
إليا تذكرت المـوادع .. وحققـت
سيده يديني وسعن جيب ثوبـي
وتليت لي ونه عميقـه .. ودنقـت
آخذ نهار والصدى في .. جنوبـي
واطبع حرارة ضيقتي لا .. تضايقت
على الشفايف لا ذكرت .. امحبوبي
وغربت في بحر التعاسة وشرقت
وكفرت حتى المقبلات .. الذنوبـي
ذاب بهواي وفي هواهم .. تعلقـت
ماخنت في عهده ولاهوب .. كذوبي
اللي حداني يوم حبيـت .. فارقـت
ماني شماليـه ولاهـو .. جنوبـي
===================
( هذاك اليوم )
لوك معي حاضر ساعات.. توديعـه
ماقلت لي ليه في سن الصبا ...شبتي
ولو كنت حسيت في حرقه مواجيعه
ماقلت لي ليه عن لامـاه .. ماتبتـي
حان الموادع وحان اليوم .. تلويعـه
ياكثر عقبه اوراق فـوق .. مكتبتـي
بيت شطبته وبيت عدت .. تصنيعـه
عيت تصور هذاك اليوم .. موهبتـي
إن راح وان جا يبقى العهد مابيعه
والله وفي ذمتي وعهد على .. رقبتي
================
( لحظه وداع )
فارقـت خلـي و كـلٍ ودع الثانـي
لا عـادك الله يـا فرقـا المحبينـي
في ليلـة السبـت خليتـه وخلانـي
يا ليلة السبت جعلـك مـا تعودينـي
الصاحب اللي عقب مـاراح بكانـي
و هو بعد قبل مـا يمشـي مبكينـي
سابع سنة حبهم عايـش بوجدانـي
طموح و احلام ماتن ، من يعزيني ؟
و الله مدري انا ابكي بعـد خلانـي
و لا على عمري اللي راح وسنيني ؟
عنده رقم هاتفي و اسمي وعنوانـي
ان غير الوقت رايه 00 يتصل فيني
اللي خلاني انصدم واصيح واصارح
فرقـاه حتـى خيـالٍ مـا تخيلتـه
وا جرحي اللي من الافكار يستارح
وا قلبي اللي من الاوهـام حملتـه
===================
( لاتســـافر )
لا تسافر وتتركنـي أجاهـد غـلاك
كل شـي يهـون إلا جهـاد الغـرام
أما تبقـى معايـا أو اسافـر معـاك
لاتخلينـي لطـوال الليالـي طـعـام
خوفي البعد لامنـه خـذاك وطـواك
مثل قصـر تـولاه الزمـن والهـدام
لا تسافر وانا اللي في رجا الله ورجاك
!! لاتسافـر وتلقانـي بقايـا حطـام
( سنين )
سنــــين مامرت علومه عليّـــــه
لا علم لا طاري ولا من مكاتيــب
سنين في صبــري وحالي رديه
بين المحاتى وانتظاري وتعذيــب
لا ليل .... لا فرحه.... لادنيا هنيه
يعلم بــــحالي واحد يعلم الغيب
انــــا ان تحريـــت اتـــصاله عليّه
دقات قلبي ضربها ينفض الجيب
ولو دندنــــت أساوري في يديه
اضم انا الهاتف واهل التراحيب
ابا انطره وابقـــى بعده وفيـــه
وارفض على شانه جميع الخواطيب
( الرحيل )
ميخالف ارحل بس لا ترحل بعيد
ميخالف اهجر بس خلك بداري
ميخالف اعشق الف عذرا من الغيد
ميخالف اجرح بس حاول تداري
انا عقب فرقاك ما مرني عيد
العام ذا من كل الاعياد عاري
ياصاحبي لا تكثر العذل وتزيد
معذور الاعمى لو مشى الليل ساري
بابيع عمري لك من غير تحديد
عمري رخيص من يوم شفت انكساري
عقبك قسم بالله مدري وش اريد
ابنتظر ما بي ثمن لانتظاري
واتركني اغرق في بحور التقاليد
ارحل وسافر بس خلك بداري
( لا وداعيه )
لا وداعيه ولا هم يحزنون
قط لي كل الرسايل وانصرف
رافض حتى وداع التلفون
قام يكرر ما تخبيه انكشف
ما جداي الا اناظر بالعيون
لين زوله عن مدى العين انحرف
كيف خان وهو حالف ما يخون
وين عهده وين كلمات الشرف
كل شيء عقب محبوبي يهون
واستوى عندي عذابي والترف
==================
( عيت النفس )
سنيـن ليـه .. بالنوايا..مبـيـت
وانا معاك امشي برهن الإشـارة
ويوم ان ضربتك القويـة .. تهيـت
ماخفت ربـك بالفجيعـه تمـارا
وشلون أسامح عيت النفس..عيت
مازال في جوفـي بقايـا ..مـراره
نفسي على فرقاك هلـت .. وحيـت
وقلبي تحطم وانت سبـة .. دمـاره
واليوم لـو قالـوا .. الناس..ميـت
يجوز .. من قالـه ينـال البشـاره
( حرة..قهـر )
أنا قعـدت وصاحبـي راح .. يمشـي
عيت تعاوني على المشـي .. رجلـي
تعلقـت دمعـات عينـي .. برمشـي
لانازلـه ولا معـوده راجعـه .. لـي
أصحى وأغشى وارجع شوي واغشي
واعي من الغشوه على صفقة ...يـدي
شفت الهلاك وشفت قبري .. ونعشـي
وقمة عذابي لا مشى والتفـت لي
حـرة قهـر والام تعذيـب .. وحشـي
وا..خيبتي بالحلم وا..خيبتـه .. فـي
=====================
(( العيد باكر ))
العيد باكر أسعد الله ممساك
==== والله مدري وين خدٍ جلسته
وين انت ياللي عيدنا في محياك
===== كف القدر من ضيقة الخلق بسته
من يوم ما لوحت لي كف يمناك
===== لليوم دمعي بالخفا ما حبسته
ومن يوم ماذوقتني حر فرقاك
===== والياس زرعه في حياتي غرسته
شريت لي ثوبٍ علي شان لقياك
===== والثوب راحت موضته مالبسته
وشريت عطرٍ ما زهاني بلياك
===== أربع سنين بعلبته مالمسته
ودفتر قصيدٍ كل يوم يترجاك
===== مافيه يومٍ ماسهرت ودرسته
====================
====================
[[ >> من قصائدها الطريفـه والجميله << ]]
( هذاااك )
هذاك لو قال الشتا صيف عرقت = ولو قال صيفي برد شبيت ناري
هذاك لو قال الجمل طير صدقـت = واقول ريشه بعثرته الصحـاري
هذاك لو قال المطر جذب وافقـت = وادور الاعـذار حـق الخبـاري
هذاك لو قال القمر طاح صفقـت = واقول مللتـه كثيـر المسـاري
هذاك لو قال النظر عيب دنقـت = يصير لي كف على اللمس ضاري
هذاك لو ينفي وجودي توهقـت = ما عاد ليه حل ...غير انتحـاري
( خويه الذات )
انا آسفه يا قصيده وابعدي عني
الوقت كله عطيته لامتحاناتي
حتى حبيبي بطيفه لا دنى مني
للغرفه الثانيه لملمت حاجاتي
الوقت وانا دروسي يهمني
خليني اختمها مسك آخر محطاتي
ما انكر جميلك علي يا مخففه عني
قصه شقاي وعناي وكل ضيقاتي
ادري انا منك وانتي قطعه مني
لكن صراحه ثقيله بعض الاوقاتي
خويه الذالت لا لا تزعلي مني
العمر قدام وانتي مرصد آهاتي
=================
[[ >> ابيات ساخره << ]]
( العنز )
تطورت العنز مع من تطور
ولا هوب مقصور التطور على الناس
عقب الربيع والزين والخد الاخضر
قامت تعلك بالمدينه بقرطاس
ترضع صخلها من حليب مبستر
تخشى رشاقتها مع الوقت تنداس
باقي قليل ويشرب التيس منكر
ويروج الهروين راعي وعساس
( رجيم )
دوم يعيرني يقول انتي متين
حلجك المفتوح لازم نغلقه
هيه يا دبه لزوم تخففين
والا اثور فيك عشرين فشقه
وفي رجيمي استمريت اسنتين
جدى اللي ما بغيت الحقه
ويش رايك قلتها بصوت حزين
قال دبه وانقلبتي لى اسلقه
( هبيل بلاه الله )
انا لي ثمان سنين متولعه فيه
وعلى جملة اهل الحقد والعذل محتجه
كتبت القصايد كلها يا جماعه فيه
عليه الحشا مثل القراطيس بالعجه
عقب هالعمر يسأل قصايدك من هو فيه؟
يا ويل قلبي كان نشدته من صجه
انا ودي اطقه واخاف آتوثم فيه
هبيل بلاه الله في بنت مرتجه
( لي صاحب )
لي صاحب منه تبي تطلع الروح ***خبل ومن هي مولعة فيه خبله
عامين المح له مع الجد ومزوح ***واقول ياعنتر تناديك عبله
طال المدى ثم قلت انا اغليك يالوح **** مجروحة جرح مخاطره عجله
دنق وقال انا من العام مجروح ***واشر لجرح مبطي وسط رجله
================================
يا خبلي الغايب متى ترد للعين
متى اشوفك او تجيني رساله
صحيح بالدنيا خبول كثيرين
لكن خبالك يا حياتي لحاله
================================
يا ناس وين اسبنش باباي
باعطيه خل نقل همي
حتى يصارع جميع اعداي
واول ما يذبح ولد عمي !!!
=================================
=================================
( يمـه )
يمه00يايمه00فديتك لاتخليني
بعثرني الهم وابغى يديك تجمعني
يمه افهميني تراك ان مافهمتيني
مافي شخص بهاالدنيا بيسمعني
ماعدت انا طفلتك00كبرت شوفيني
خليك يمي ترى الاطماع تتبعني
لاتدلليني 00ابي منك تدليني
وابي يدينك تداعبني وتصفعيني
لانهد حيلي ابي عطفك يقويني
ياما كلامك على الشدات شجعني
وان جيتك ابكي ابي منك اتهديني
مابيك تبكين00 ابغى العقل ينفعني
يامملكة عطف ياعطر الرياحيني
براثن الهم 00والهوجاس تلسعني
بسمتك عندي الى من ضقت تكفيني
وارضاك عني عن الاحزان يرفعني
اسمى العلاقات تربط بينك وبيني
ياللي احضانك ان ضاق الكون تاسعني
لك احترامي وحبي والوفا000فيني
وفيك اروع الحب مايخطي ويخدعني
======================
( مسـافره )
مسافرة مسافرة .. وجمعّت انا اشيائي
........بروح ادوّر لـي ارض غيـر مأهولـه
أفكاري مبعثـرة والمشـي عشوائـي
........والدرب محظـور والأحـلام مشلولـه
بروح امارس جنوني واقتـل اعبائـي
.........ما بـي خـويٍ يخاوينـي بهالجولـه
بحمل معايه صراحـه وقـول تلقائـي
........وقصة موادع و قطعة قلـب منزولـه
وشعري وجنوني و فلسفتي مع آرائي
.......بطلق لها عنانها وتقـول مـا تقولـه
في رحلتي مستعـده أفقـد اعضائـي
.......دام اني امنت فيها صـرت مسؤولـه
مليت وانا انطعن بالظهـر و استائـي
.......ما قلت لو مرةٍ .. هالطعن وش هوله ؟
==========================
( لله بشتكي )
لله ابــشــكــي (حــيــرتــي ) لله رب الـعـالـمــيــن
وامــد لــه كـفـي (دعـــا) يـــالله عـفــوك ياجليـــل
يامنتـهـى (الشـكـوى) إلـــه العـابـديـن الصابريــن
يـالله (عونك0فزعتـك) همـي عـلـى قلـبـي ثقيـــل
جتـنـي (رسـالـه) نصّـهـا ياعـابـره (حــزن وأنيــن)
مع(تجربه)مضمـونـهـا فـيــه الـنـتـايـج والحصيـــل
في شكلها الظاهر (غطا) وفالباطن المعنى الدفين
وفـي (حبرهـا) تلميـح لايمكـن يصـيـر المستحـيـل
وانــا حقيـقـه مـاعـرفـت شـلــون بـبــدى ياحـنـيـن
مــدري ابــديّ كلمـتـي أو الــزم الصـمـت الفضـيـل
لا جـيـت ابتكـلـم لقـيـت الـوضـع قـاسـي مايـليـن
وان جيـت ابسكـت مالقـيـت عــلاج للقـلـب العليــل
لاكـنّ (عزايـه) مامعـي سلطـه ولاعـنـدي ضميـــن
ولااقــدر امـيّـل مـاعـدل ولاقـــدر اعـــدّل مايميــل
مـاعـنـدي الاّ (كـلـمـة ٍ) فـيـهـا الـعــوارف خابريـــن
الـقــاع لاصــــارت دهــــر (يـابـدو)يـازيـن الرحيــــل
وخـلافـهـا (سـلامـتـج) والله عـلــى الـدنـيـا يـعـيـن
والـصـبـر عنـوانـه(فـرج) والـغـيـث لابـــده يسيــــل
ويامنـتـهـى الـشـكـوى إلـــه الصـابـريـن العـابـديـن
لاحـارت افكـاري تـرى مالـي ســواك انــت الدليــل
( الوصيـه )
تـرى الذبايـح وأهلهـا ماتسّلينـي
أنا أدري إن المرض لا يمكن علاجه
أدري تبي راحتي لا يابعـد عينـي
حرام ما قصّرت يديك فـي حاجـه
أخـذ وصاتـي وأمانـه لاتبّكينـي
لو كان لك خاطرٍ ما ودي أزعاجـه
أبيك في يديـك تشهدنـي وتسقينـي
أمانتك لا يجـي جسمـي بثلاجـه
لف الكفن في يديك وضف رجلينـي
ما غيرك أحدٍ كشف حسناه واحراجه
أبيك بالخيـر تذكرنـي وتطرينـي
يجيرني خالقي مـن نـار وهاجـه
سامح على اللي جرى ما بينك وبيني
أيام نمشـي عـدل وأيـام منعاجـه
همي عيالي وأنا اللي فـيْ كافينـي
علمهـم الديـن تفسيـره ومنهاجـه
وهي آخـر ماقـالت عـابرة سبيـل
يرحمهــا الله ويغمد رووحهـا الجنـه
وأموات المسلمين يـــــــارب
اللـهم آميـــن
للإستمـــاع لإنشــــاد ترى الذبايح وأهلهـا ماتسليــني << مؤثره
((( أضغـط هنــا )))
ولازال هناك الكثيـــر من أشعارها لم أتطرق له .. ؛؛
مع خالص وددي والعذر والسموحه ..
حقوق النشر محفوظة " لقصايـد بروق "
وعند النقل يذكر المصـدر
ليـه كل ماذكرتك أنطعِن في حشآي
فآض دمعي بعيني عبرتي اخنقنّـي ~
كل ما جيت أبنساك يتجدد رجـــآي ,
لآ قويت المفــآرق والوفــآ عذبنّـــي ؛
كل لحظـة تمنيتك [ حبيبــي] معـآي
ماتفـآرق عيوني وليتهآ بالتمنـّـي !
لـ / بروق
>>>>> ردود الأعضـــــــــــــــــــاء على الموضوع <<<<<
==================================
يعاااااااافيك...اختيار موفق..
__________________________________________________ __________
صح الله لسانكِ وأعتلا شانكِ
وعسى الله لايهينكِ ع الأبيات الأكثر من رائعه
رآآآٌقت لي وأكثر
وآآآفر مودتي
__________________________________________________ __________
يسلمو ع المرور
__________________________________________________ __________
يسلمووووو
__________________________________________________ __________
نورتي حياتي
مشكووووووووووووووره عوااااااااافي
