***ضـــــــــــــــــــاق صــــــــــــدري*** - همس القوافي

عنوان الموضوع : ***ضـــــــــــــــــــاق صــــــــــــدري*** - همس القوافي
مقدم من طرف منتديات المرأة العربية

ضاق صدري ورحت أفضفض قاصدٍ نفس الرصيف
]شفت نور الحي زايد و آنا خبري به ظلام



و الغريب انه خفوقي زاد نبضه .. مدري كيف !!


كني طفل ٍ .. يبكي .. خايف .. ضايع ٍ وسط الزحام




اثْرها كانت وراي .. و الضيا ما كان طيف

قبل ما اوقف و اسلّم .. قلبي المشتاق قام



ما طرى في بالي الا (يا بَخَت من لك وليف )

عينها بعيني .. و نظره .. رجعتني كم عام



فجأه شفت اشجار تخضر و هْيَ في عز الخريف

و هذا هو حال المفارِق يوم يطري له الغرام


يبتسم .. يشبه بشوقه .. للنظر شخص ٍ كفيف

الأمل ضايع .. ولكن .. الأماني مو حرام


الثواني تمر و تمضي .. اشهد ان الوقت سيف

فجأه قالت ( كيف حالك ) قبل ما أرد السلام !


كنت أحسب اني قوي .. لين اكتشفت احساسي زيف

ما عرفت انطق بكلمه .. شاعر و خانه الكلام !!!


كيف اقول اني بخير و باين بقلبي النزيف ؟

و الملامح بان فيها عين ما عادت تنام


مرتبك .. واقف .. و ساكت .. أنتفض غبار الرصيف

بالعجل هزيت راسي ( يعني اخباري تمام )


و انسحبت بلا تردد لأني انسان ٍ ضعيف

و القوي لا شاف موته .. يوم يضعف ما يلام ...


وتحياتي لكم..

>>>>> ردود الأعضـــــــــــــــــــاء على الموضوع <<<<<
==================================
كلمات في منتهى الروعهــ يالغلا



__________________________________________________ __________
يعاااااااااااااااافيك ..اختيار موفق..


__________________________________________________ __________
في منتهى الذوق بصراحه

راقت لي كثير

تسلمي حياتي


__________________________________________________ __________


__________________________________________________ __________