معلمة على بند التنفيذ....أحتاج مساعدتكم - للمعلمات

عنوان الموضوع : معلمة على بند التنفيذ....أحتاج مساعدتكم - للمعلمات
مقدم من طرف منتديات المرأة العربية

بلييييييييييييز أحتاج مساعدكم أنا طالبة بقسم اللغة الأنجليزية وعندي تطبيق في شهر عشرة عند المرحلة الثانوية وش تنصحوني فيه من ناحية التعامل مع الطالبات والوسائل التعليمية... وغيرها أنتم أدرى.




>>>>> ردود الأعضـــــــــــــــــــاء على الموضوع <<<<<
==================================

شوفي ياعزيزتي....بالنسبه للماده انا ماعندي خبره....لكن اختي تخصصها انقلش....وما شاء الله عليها الكل يشهد لها بان طريقتها بالتدريس ممتازه...
أنا اشوفها في شرحها تبتكر....يعني مثلاً لوكان الدرس عن اسماء الملابس أو اعضاء الوجه كانت تجيب دميه وتشرح عليها....
وكانت تقول لي انها اذا كان الدرس فيه مخاطبه او من كذاا كانت تجيب طالبتين وتشرح عليهن او مع طالبه وحده...
يعني تعتمد كثير على اشياء خارجيه وملموسه عشلن المعلومه ترسخ بذهن الطالبه...
وبالنسبه لتحضير..حضري الدرس مضبوط.....وحطي لك استكر واكتبي عليه الاشياء المهمه...وحطيه على الطاوله او على الكتاب عشان ترتبين افكارك...
وبالنسبه للتعامل....انا جربت يعني كنت طالبه ودرست ...الاحظ ان بنات الثنوي لازم يكون الاحترام متبادل بينكم وكوني دائماً واثقه من نفسك..وابتعدي عن الارتباك..ترى التدريس مره سهل والطالبات لايربكونك...اهم شي تكونين متمكنه من مادتك العلميه....واهتمي بأناقتك بشكل معقول<<<يعني لا تبالغين
وانتبهي لمستوى الصوت وانتي تشرحين للطالبات...ونوعي في طرقك....وفيه اوراق تكون عند المشرفات أو الاستاذات اللي يحضرون لك توضح كيف يتم توزيع الدرجات...اطلبيها منها
ولا تضحكين كثير لانه وبصراحه الطالبات في هالايام ما ينعطون وجه.....يعني سواليف خارج الدرس ما انصح فيها..الا اذا كانت بسيطه...
واذا صار تصرف من الطلبه سيء ..شوفي البنت شو الاسلوب اللي ينفع معها....وبالنسبه لي لاحظت ان بنات الثنوي اسلوب التطنيز يمشي معهم....بالفاظ ماتجرح....يعني انا ابغى اادبها مو اطول لساني عليها....وابتعدي عن الالفاظ الشاذه مثل.....ياغبيه او تشبهينها بحيوان...لانهن يردن ويمكن يتمادن ...فلا تعرضين نفسك للاحراج
وابتعدي عن كلمه ((انا بعلم المديره عليك))او((بعلم معلمه الماده)) انتي معلمه ولك شخصيه...؟؟لان الطالبات يعتبرون المعلمه اللي تسوي كذا ضعيفة شخصيه...
وبالاخير في شي اشوفه منتشر هو ان بنات الكليه اللي يطبقون الله يهديهم يعطون الطالبات وجه من ناحية الاعجاب وهالخرابيط.....لا واللي يقهرك لما يقولون للطالبات اذا جات المشرفه بتحضر عندها للطالبات ((ابيكم تشاركون وساعدوني ولا تشاغبون...وبعض البنات ترسل صديقاتها عشان يقولو لطالبات))هذا غلط كبير ....ياحبيبتي انتي بشخصيتك تقدرين تخليهم يسوون هذا كله....
يعني خليك وسط في التعامل...لا انتي شديده ولا متساهله...
طولت عليك....يارب ما اكون نسيت شي....اتمنى لك التوفيق

__________________________________________________ __________
ماقصرت هيوبه ماشاء الله
رغم اني طالبه ومالي خبرة في التدريس
لكن لي نظرة لأبلات التربيه عملي زي مانقول
اولا في سلبيات كثير يسوونها
اولا: في معلمات كانوا اذا سوينا حركة يقولون لنا قديمه سويناها قبلكم>هذي العبارة تخلي الطالبه تجرب مثل ماجربتي يعني مااستفدتي شي
ثانيا: في ابلات يطيحون بالمكاتب ويدقونها سوالف مع الطالبات اربع وعشرين ساعه وهذا يفقدها احترامها
ثالثا :الهدايا اصلا هي ممنوعه بالنظام لكن فيه تجاوزات اذا جاتك هدية اعتذري وبلباقه عن قبولها>لأنك بتفتحين على نفسك باب مابينقفل
رابعا: انتي تدرسين بنات في مرحلة حساسه مرحلة تحول من مراهقة لنضوج محتاجين الي يمسك بأياديهم للطريق الصح واكيد لأن سنك قريب بيسمعون منك >خلي يكون لك بصمه قبل لاتودعينهم يمكن تجيك دعوة وانتي ماتدرين من يدعيلك
خامسا :من ناحية تدريس المادة حاولي تحببيهم في الانجلش لأنه كان عقدتنا وفهميهم واربطي شرحك بالدين وفهميهم انهم يقدرون يدعون الى الله ويمكن يسلم احد على يدهم
سادسا:لاتعترضين على الاحتياط لأنه ينقص من درجاتك>سارقتها
ان شاء الله اكون افدتك
وعقبال التعيين ان شاء الله


__________________________________________________ __________
مشكورات حبيباتي والله أستفدت كثييييييييير من كلامكن وأنتظر آراء البقية


__________________________________________________ __________
1- عرض بور
2- المرح في الحصه
3-اثناء الدرس غير الجو في وضع سؤال ذكاء
4- لاتنسي دفتر الدرجات
5- لاتنسي العبارات الحلوه للطالبات
6- بدايه الحصه تكون قصه او تمثيل او الربط بالواقع
اولا واخير التوكل على الله عزوجل واتنمي لك درس ممتع


__________________________________________________ __________
00000